КАНЫШ-КЫЯ АЙЫЛДЫК КЕҢЕШИ

ТОКТОМ

Каныш-Кыя айылдык кеңешинин VII-чакырылышынын кезектеги IV -сессиясы

2021-жылдын 2-июлу № 15

Чоңатаева Айнагүлдүн арызын кароо жөнүндө

Күн тартибинин экинчи маселесиндеги Айгыр-Жал айылынын тургуну Чоңатаева Айнагүлдүн ден соолугу боюнча жардам сурап жазган арызын канаттандыруу максатында карап жана талкуулап Каныш-Кыя айылдык Кеңешинин VII чакырылышынын кезексиз IV сессиясы

Токтом кылат:

1.  Айгыр-Жал айылынын тургуну Чоңатаева Айнагүлдүн арызы эске алынсын.

2.  Айгыр-Жал айылынын тургуну Чоңатаева Айнагүл 2018-жылдан бери боор оруусуна кабылып, турмуш шарты өтө оор болгондуктан, убагында даарыланууга бара албай жаткандыктан жана өзүнүн акча каражаты жетишпегендиктен Каныш-Кыя айыл өкмөтүнүн жергиликтүү бюджетинен 50 000 (элүү миң) сом акча каражаты бөлүнүп берилсин.

3.  Бул токтом Кыргыз Республикасынын “Кыргыз Республикасынын ченемдик укуктук актылары жөнүндө”Мыйзамына ылайык Чаткал райондук мамлекеттик администрациясынын расмий www.chatkal.kg маалымат сайтына жарыялансын.

4.  Бул токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Каныш-Кыя айылдык Кеңешинин жооптуу катчысына милдеттендирилсин.

5.  Бул токтомдун аткарылышын камсыз кылуу жагы Каныш-Кыя айыл өкмөтүнун ФЭБ бөлүмүнө, көзөмөлдөө жагы бюджет,экономика жана финансы боюнча туруктуу комитетине тапшырылсын.