ТОКМОК ШААРДЫК КЕҢЕШИ

ТОКТОМ

Токмок шаардык кеңешинин V чакырылышынын кезексиз IV сессиясы

2021-жылдын 17-сентябры № 9/4-5

Токмок шаарынын муниципалдык менчик башкармалыгынын 2021-жылдын үнөмдөлгөн акча каражаттарынын эсебинен бюджеттик ассигнованиелеринин жылдырууларын өткөрүүгө макулдук берүү жɵнүндɵ

Токмок ш. мэри У.О.Самаевдин 2021-жылдын 10-сентябрындагы №1288/1-4 жана 2021-жылдын 16-сентябрындагы №1324/1-4 кайрылууларын карап чыгып, Токмок шаардык кеңешинин экономика, бюджет, каржы, салыктар жана инвестицияларды тартуу боюнча туруктуу депутаттык комиссиясынын отурумунун протоколун эске алып, Кыргыз Республикасынын Бюджеттик кодексинин 78-беренесине ылайык, ошондой эле Кыргыз Республикасынын “Жергиликтүү өз алдынча башкаруу жөнүндө” Мыйзамдарын жетекчиликке алуу менен, Токмок шаардык кеңеши

ТОКТОМ КЫЛАТ:

1. Токмок шаарынын муниципалдык менчик башкармалыгынын бюджеттик ассигнованиелеринин үнөмдөлгөн акча каражаттарынын эсебинен “Мүлктү учурдагы оңдоого кеткен чыгымдар” 2221 беренесинен (учурдагы жолдорду оңдоого) - 1123,4 миң сом жана “Имараттар жана курулуштар” 3111 беренесинен (Жантаев көчөсүнө жарыктандыруу орнотууга) - 2300,0 миң сом, (светофорлор обьектилерин капиталдык оңдоого) -1272,1 миң сом жана (жолдорду капиталдык оңдоого) - 574,5 миң сом төмөнкү жумуштардын түрлөрүнө жылдырууларды өткөрүүгө макулдук берилсин:

     -“Мүлктү учурдагы оңдоого кеткен чыгымдар” 2221 беренеси:

                 -№7 орто мектебинин чатырын оңдоого 520,0 миң сом суммасында;

                 -№6 орто мектебинин чатырын оңдоого 170,0 миң сом суммасында.

     -“Имараттар жана курулуштар” 3111 беренеси:

                 -жаңы курулган бейтапкананын имаратынын аймагын жакшыртууга 3000,0 миң сом суммасында;

     -“Машиналар жана жабдуулар” 3112 беренеси:

                 -мэриянын имаратына видеокамераларын ортнотууга 180,0 миң сом суммасында;

                 -№4 бала-бакчага жылытуу казанын алууга жана орнотууга 1400,0 миң сом суммасында.

2.Ушул токтомдун аткарылышын көзөмөлгө алуу, Токмок шаардык кеңешинин экономика, бюджет, каржы, салыктар жана инвестицияларды тартуу боюнча туруктуу депутаттык комиссиясына жүктөлсүн.