САРАЙ АЙЫЛДЫК КЕҢЕШИ

ТОКТОМ

Кара Суу районунун Сарай айылдык кеңешинин (VI шайланган) кезексиз XXV сессиясы

2021-жылдын 8-февралы № 3

Киров айылына караштуу жаңы чектин көчөлөрүнүн атын коюу жөнүндө

Киров айылына караштуу жаңы чектин тургундарынын чогулушунун протоколун угуп жана талкуулап Сарай айылдык кеңеши токтом кылат

1. Киров айылына караштуу аты коюла элек жаңы чектеги көчөгө Киров айылынын тургуну маркум Айткулов Жолунун аты ыйгарылсын.

2. Атасынын же чоң атасынын аты ыйгарылган көчөнү жарыктандырууга, таза суу менен камсыз кылууга, ошол көчөдөгү жакыр жашаган жарандарга материалдык жардам берүүгө жана көчөгөнүн аты жазылган тактайчаларды жана үйлөрдүн номерлерин илүү жагы уул-кыздарына жана неберелерине милдеттендирилсин.

3. Бул токтомдун аткарылышын көзөмөлдөө жагы Сарай айыл өкмөтүнө жүктөлсүн.