ТОКМОК ШААРДЫК КЕҢЕШИ

ТОКТОМ

ТОКМОК ШААРДЫК КЕҢЕШИНИН V ЧАКЫРЫЛЫШЫНЫН КЕЗЕКСИЗ XVIII СЕССИЯСЫ

2022-жылдын 3-ноябры № 88/18-5

Токмок шаары, Дубовицский көчөсү 90 дарегинде жайгашкан: Нарматов Н.Н. жаранынын аянты 1244,0 чарчы метр жер тилкесинин зоналдык категориясын P-1 зонасынан К-1 зонасына которууга жана “Токмок шаарынын Курулуш жана жерди пайдалануу эрежелеринин” 25-беренесине өзгөртүүлөрдү киргизүү жөнүндө

Токмок шаарынын мэриясынын 2022-жылдын 28-октябрындагы №1-22/2255 катынын жана Токмок шаарынын Курулуш жана жер пайдалануу боюнча комиссиянын протоколунун негизинде, ошондой эле Токмок шаардык кеңешинин орто жана кичи бизнести, ишкерликти өнүктүрүү боюнча муниципалдык менчикти көзөмөлдөө боюнча туруктуу депутаттык комиссиясынын 2022-жылдын 2-ноябрындагы протоколуна ылайык, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө”, “Жергиликтүү кеңештин депутаттарынын статусу жөнүндө” Мыйзамдарын жана Токмок шаардык кеңешинин Регламентин жетекчиликке алуу менен, Токмок шаардык кеңеши

ТОКТОМ КЫЛАТ:

1. “Токмок шаарынын  Курулуш жана жер пайдалануу эрежелеринин” 25-беренесине төмөнкү өзгөртүүлөр киргизилсин:

- Токмок шаары, Дубовицкий көчөсү 90 дарегинде жайгашкан: Нарматов Н.Н. жаранынын аянты 1244,0 чарчы метр жер тилкесинин зоналык категориясын Р-1 (шаардык сейилдөө зонасы) зонасынан К-1 (коммуналдык чарба, транспорт, кампа жана чакан өндүрүш зонасы) зонасына которулсун.

2. Бул токтомдун аткарылышын көзөмөлгө алуу, Токмок шаардык кеңешинин орто жана кичи бизнести, ишкерликти өнүктүрүү боюнча муниципалдык менчикти көзөмөлдөө  боюнча туруктуу депутаттык комиссиясына жүктөлсүн.