БОСТЕРИ АЙЫЛДЫК КЕҢЕШИ

ТОКТОМ

Бостери айылдык кеңешинин ХХIX чакырылышынын кезектеги VI сессиясы

2021-жылдын 19-ноябры № 05

Жер тилкесин муниципалдык менчикке алууга макулдук берүү жөнүндө

Кыргыз Республикасынын “Жергиликтүү өз алдынча башкаруу жөнүндө” мыйзамынын 31- беренесине, КР “Жер Кодексинин 22- статьясына жана КР “ Муниципалдык менчик жөнүндө” мыйзамына ылайык, Бостери айыл өкмөтүнүн Бостери айыл аймагынын күн батыш тарабына Стелла орнотуу максатында 150 м² жер аянтын муниципалдык менчикке алууга токтом чыгарып берүү жөнүндө 08.10.2021-ж № 01-31/1441 катын карап чыгып, Бостери айылдык кеңеши токтом кылат:

1. Бостери айыл аймагынын күн батыш тарабына Стелла орнотуу үчүн Балыкчы –Каракол автотрассасынан 20,80 метр аралыкта жайгашкан 150 м² жер аянтын муниципалдык менчикке алууга макулдук берилсин.

2. Муниципалдык менчикке алынып жаткан 150 м² жер тилкесине тиешелүү укук күбөлөндүрүүчү документтерин даярдоо жагы Бостери айыл өкмөтүнүн башчысы К.Сопуевге тапшырылсын.

3. Ушул токтомдун аткарылышын көзөмөлдөө жагы транспорт-курулуш, байланыш, өнөр жай, муниципалдык менчик боюнча туруктуу комиссиясына жүктөлсүн.

4. Токтом массалык маалымат каражаттарына жарыялансын жана Мамлекеттик –укуктук актылар реестрине киргизүү үчүн облустук юстиция башкармалыгына жиберилсин.