ЖАРГЫЛЧАК АЙЫЛДЫК КЕҢЕШИ

ТОКТОМ

2013-жылдын 16-июлу № 36

Чоң-Жаргылчак айылынын тургундарынын үй куруу үчүн участок бөлүп берүү тууралуу кайрылуусу жөнүндө

Чоң-Жаргылчак айылынын тургундарынын үй курууга болгон муктаждыгы боюнча Жети-Өгүз райондук токой чарбасына караштуу 5,4 га алма бак жер аянтын Чоң-Жаргылчак айылынын тургундарына үй куруу үчүн участок катары бөлүп берүү жөнүндөгү кайрылуусун жана ушул эле маселе боюнча Чоң-Жаргылчак айылынын тургундарынын 2013-жылдын 13-июнундагы жалпы чогулушунун № 5 протоколунун Кыргыз Республикасына караштуу курчап турган чөйрөнү коргоо жана токой чарбасы мамлекеттик агенттигинин 2013-жылдын 27-июнундагы № 01-28/1997 катына ылайык, Эл депутаттарынын Жаргылчак айылдык аймагынын Кеңешинин XXVI чакырылышынын VI кезексиз сессиясы

ТОКТОМ КЫЛАТ:

1. Чоң-Жаргылчак айылынын тургундарынын 2013-жылдын 13-июнунудагы жалпы чогулушунун “Чоң-Жаргылчак айылынын жашоочуларынын айылды кеңейтүүгө огород участкалары үчүн жер аянтын берүү жөнүндө” № 5 протоколу бекитилсин.

2. Чоң-Жаргылчак айылынын тургундарына Жети-Өгүз райондук токой чарбасына караштуу 5,4 га алма бак жер аянттарын жер участок катары бөлүп берүү жагы Жети-Өгүз райондук мамлекеттик администрациясынан суралсын.

3. Суралсын Жети-Өгүз райондук мамлекеттик администрациясынан, Жети-Өгүз райондук токой чарбасына тиешелүү айыл чарба багытындагы жерди калктуу конушка которуунун (трансформациялоонун) иш кагаздарын тиешелүү жогорку органдарга берүү жагы.

4. Токтомдун аткарылышын көзөмөлдөө айыл өкмөтүнүн башчысы У.Акуновго милдеттендирилсин.