ЧОҢ-САРЫ-ОЙ АЙЫЛДЫК КЕҢЕШИ

ТОКТОМ

Эл депутаттарынын Чоң-Сары-Ой айылдык кеңешинин XXVII чакырылышынын кезектеги XXVI сессиясы

2020-жылдын 30-январы № 161

Чоң-Сары-Ой айыл Өкмөтүнүн кызматкерлеринин эмгек шарттарынын зыяндуулугуна карата төлөнүүчү акча каражаты жөнүндө

Кыргыз Республикасынын Өкмөтүнүн 27.04.2015-жыл №258 токтому менен бекитилген «Оор жумуштар жана зыяндуу же эмгек шарттары кооптуу жумуштар үчүн кошумча төлөмдү белгилөөнүн тартиби жөнүндө» Жобосун, Эмгек Кодексинин №164 жана №224-беренелерин, Чоң-Сары-Ой айыл Өкмөтүнүн 25.12.2019-жыл №428 «Жумуш орундарын аттестациялоо боюнча кызматкерлеринин эмгек шарттарын зыяндуулугуна карата кошумча компенсация төлөөнү аныктоо үчүн комиссия түзүү жөнүндө» буйругун ошондой эле Чоң-Сары-Ой айыл Өкмөтүнүн кызматкерлеринин айлык акысына кошумча акча каражат төлөө боюнча айыл Өкмөтүнүн башчысы М. Сарбагышевдин кайрылуусун карап, талкуулап чыгып Чоң-Сары-Ой айылдык кеңеши токтом кылат:

1.Чоң-Сары-Ой айыл Өкмөтүнүн кызматкерлерине эмгек шарттарынын зыяндуулугуна карата төлөнүүчү акча каражаты белгиленген тартипте каралсын.

2. Токтомду макулдашуу жагы Финансы Министрлигинин Ысык-Көл башкармалыгынан суралсын.

3. Токтом массалык маалымат каражаттарына жарыялансын жана Мамлекеттик- укуктук актылар реестрине киргизүү үчүн Ысык-Көл областтык юстиция башкармалыгына жиберилсин.

4. Токтомдун аткарылышы Чоң-Сары-Ой айыл Өкмөтүнүн башчысы М. Сарбагышевге жана ФЭБнун башчысы Ж. Учкемпировага милдеттендирилсин.

5. Токтомду көзөмөлгө алуу жагы «Бюджет, финансы, экономика, инвестиция тартуу жана орто чакан бизнести өнүктүрүү боюнча» туруктуу комиссиясына тапшырылсын