ЖЕРГЕ-ТАЛ АЙЫЛДЫК КЕҢЕШИНИН ТОКТОМУ

Жерге-Тал айыл аймагынын айылдык кеңешинин XXVIII чакырылышынын XXVII кезексиз сессиясынын

2022-жылдын 14-декабры № 27/1

Жерге-Тал айылдык аймагынын территориясындагы ирригациялык курулмаларды муниципалдык менчикке кабыл алуу жөнүндө

Кыргыз Республикасынын «Мүлккө болгон муниципалдык менчик жөнүндө» Мыйзамынын 2 жана 19-беренелерине, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамынын 34-беренесине ылайык, Тешик Суу, Чоң Алыш суу пайдалануучулар ассоциациясынын жана Кызыл-Жылдыз №2 каналынын мүчөлөрүнүн жалпы жыйынынын ирригациялык курулмаларды муниципалдык менчикке берүү жөнүндө чечими тууралуу Жерге-Тал айыл өкмөтүнүн башчысын угуп,  Жерге-Тал айыл аймагынын айылдык  кеңешинин  XXVIII  чакырылышынын XХVII кезексиз сессиясы;

ТОКТОМ КЫЛАТ:

Тешик Суу, Чоң Алыш суу пайдалануучулар ассоциациясынын жана Кызыл-Жылдыз №2 каналынын мүчөлөрүнүн жалпы жыйынынын ирригациялык курулмаларды муниципалдык менчикке берүү жөнүндө суроо-талабы канааттандырылсын.

Жерге-Тал айыл өкмөтүнүн башчысы:

Тешик Суу, Чоң Алыш жана Кызыл-Жылдыз №2 суу пайдалануучулары менен ирригациялык курулмалар түрүндө кабыл алуу-берүү актын түзсүн.

Тешик Суу, Чоң Алыш суу пайдалануучулар ассоциациясы жана Кызыл-Жылдыз №2 каналы менен ирригациялык курулмаларды берүү келишимине кол койсун, аны мамлекеттик нотариустан күбөлөндүрсүн жана мамлекеттик каттоо кызматтарынын органдарына каттасын.

Ирригациялык курулмаларды муниципалдык менчик реестрине камтысын.

Ушул Жерге-Тал айылдык кеңешинин 2022-жылдын 14-декабрындагы №27/1 токтомун юстициянын Нарын облустук башкармалыгында каттоодон өткөрүлсүн.

Бул токтомдун аткарылышын  көзөмөлдөө айылдык кеңештин айыл чарба,токой чарба, суу чарба, жашылдандыруу, көрктөндүрүү, энергетика жана өз алдынча башкаруу боюнча туруктуу депутаттык комиссиясына жүктөлсүн.