КАНЫШ-КЫЯ АЙЫЛДЫК КЕҢЕШИ

ТОКТОМ

Каныш-Кыя айылдык кеңешинин VII чакырылышынын кезектеги XXI сессиясы

2022-жылдын 14-ноябры № 10

Аймактагы калкка кызмат көрсөтүүгө маршруттук автоунаа сатып алуу жөнүндө

Каныш-Кыя айыл өкмөтүнүн башчысы Б.Исабековдун сунушун, “Каныш-Кыя Тазалык” муниципалдык ишканасынын 25.10.2022-жылдагы № 13 чыгыш сандуу Айгыр-Жал, Кара-Булак айылдарындагы балдарды бала бакчага, мектепке ташуу үчүн кичиавтобус сатып алуу боюнча жазган кайрылуусун карап жана талкуулап Каныш-Кыя айылдык кеңешинин VII чакырылышынын кезектеги XXI сессиясы

Токтом кылат:

1.  Каныш-Кыя айыл өкмөтүнүн башчысы Б.Исабековдун сунушу жана “Каныш-Кыя Тазалык” муниципалдык ишканасынын башчысы М.Чоңатаевдин кайрылуусу эске алынсын.

2.  Каныш-Кыя айыл өкмөтү боюнча 2022-жылдын бюджетинде бекитилип иштетилбей калган 35 048 741 (отуз беш миллион кырк сегиз миң жети жүз кырк бир) сом акча каражатынан; Каныш-Кыя айыл аймагындагы калкка кызмат көрсөтүүнү жакшыртуу максатында балдарды бала бакчага жана мектепке ташуу үчүн Айгыр-Жал, Кара-Булак айылдарына маршруттук каттам жүргүзүүгө 18 орундуу кичиавтобус Мерседес Спринтер автоунаасын сатып алууда мыйзамдуулугун кароо менен 1 500 000 (бир миллион беш жүз миң) сом бөлүнүп берилсин.

3.  Бул токтом Кыргыз Республикасынын “Кыргыз Республикасынын ченемдик укуктук актылары жөнүндө”Мыйзамына ылайык Чаткал райондук мамлекеттик администрациясынын расмий www.chatkal.kg маалымат сайтына жарыялансын.

4.  Бул токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Каныш-Кыя айылдык кеңешинин жооптуу катчысына милдеттендирилсин.

5.  Бул токтомдун аткарылышын камсыз кылуу жагы Каныш-Кыя айыл өкмөтүнүн башчысы Б.Исабековго милдеттендирилип, көзөмөлдөө жагы бюджет, экономика жана финансы боюнча туруктуу комитетине тапшырылсын.