Бишкек шаары, Өкмөт Үйү

2004-жылдын 12-февралы № 11

КЫРГЫЗ РЕСПУБЛИКАСЫНЫН МЫЙЗАМЫ

"Мамлекеттик пенсиялык социалдык камсыздандыруу

жөнүндө" Кыргыз Республикасынын мыйзамына

толуктоо жана өзгөртүү киргизүү тууралу

 1-статья.

"Мамлекеттик пенсиялык социалдык камсыздандыруу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Ведомосттору, 1997-ж., N 8, 392-ст.) төмөндөгүдөй толуктоо жана өзгөртүү киргизилсин:

13-статья төмөндөгүдөй мазмундагы 2-пункт менен толукталсын:

"2. Курагы жана майыптыгы боюнча пенсияларга белгиленген кошумча төлөөлөрдүн өлчөмдөрү адамдардын төмөндөгү категорияларына 300 сомго жогорулатылат:

- Улуу Ата мекендик согуштун майыптарына жана аларга теңештирилген адамдарга, анын ичинде интернационалдык милдетин аткарган,

1999-2000-жылдардагы Баткен окуяларына катышкан жана майып деп табылган аскер кызматчыларына;

- Улуу Ата мекендик согуштун катышуучуларына;

- Чернобыль АЭСиндеги жана башка граждандык же аскердик багыттагы атом объекттериндеги кыйроонун кесепеттерин жоюуга катышкандарга.";

2-пункт 3-пункт деп эсептелсин.

2-статья.

Ушул Мыйзам 2003-жылдын 1-январынан тартып күчүнө кирет.

Кыргыз Республикасынын

Президенти                                                                                   А.Акаев

2003-жылдын 15-декабрында Кыргыз Республикасынын Жогорку

Кеңешинин Мыйзам чыгаруу жыйыны

тарабынан кабыл алынган