КР Министрлер Кабинетинин 2021-жылдын 15-ноябрындагы № 264 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 20-июну № 303

Кыргыз Республикасынын Өкмөтүнүн экономикалык дипломатияны илгерилетүү боюнча айрым чечимдерине өзгөртүүлөрдү киргизүү жөнүндө

Заманбап тышкы саясий процесстердин өнүгүү динамикасынын өсүп келе жатканына байланыштуу, экономикалык дипломатияны натыйжалуу илгерилетүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 20-февралындагы № 113 "Кыргыз Республикасынын Тышкы иштер министрлиги жөнүндө" токтомуна төмөнкүдөй өзгөртүүлөр киргизилсин:

- жогоруда аталган токтом менен бекитилген Кыргыз Республикасынын Тышкы иштер министрлиги жөнүндө жободо:

- 8-пунктунун 2-пунктчасында:

төртүнчү абзацы төмөнкүдөй редакцияда баяндалсын:

"- Кыргыз Республикасынын чет мамлекеттер менен тышкы экономикалык жана соода байланыштарын, чет мамлекеттер жана эл аралык уюмдар менен гуманитардык жана техникалык кызматташтыгын өнүктүрүүгө жана кеңейтүүгө, ошондой эле Кыргыз Республикасынын экономикалык жана социалдык саясатын ишке ашырууга катышуу;";

төмөнкүдөй мазмундагы бешинчи-жетинчи абзацтар менен толукталсын:

"- экономика, туризм жана инвестицияларды тартуу чөйрөсүндөгү ыйгарым укуктуу органдар менен бирдикте Кыргыз Республикасынын экспортун жана туристтик мүмкүнчүлүктөрүн илгерилетүү, Кыргыз Республикасынын экономикасына чет өлкөлүк инвестицияларды, жаңы технологияларды жана инновацияларды тартуу боюнча максаттуу ишти жүргүзүү;

- экономика, туризм жана инвестицияларды тартуу чөйрөсүндөгү ыйгарым укуктуу органдар жана Кыргыз Республикасынын башка кызыкдар мамлекеттик органдары берген маалыматтык материалдардын негизинде Кыргыз Республикасынын инвестициялык, экспорттук жана туристтик мүмкүнчүлүктөрү жөнүндө маалыматты чет өлкөлөрдө расмий жана англис тилдеринде жайылтуу;

- чет өлкөдө болуп жаткан маанилүү экономикалык, туристтик жана инвестициялык окуялар жана иш-чаралар жөнүндө, инвестицияларды тартуу, экспортту жана туризмди илгерилетүү боюнча иштерди уюштуруу чөйрөсүндө чет өлкөлүк тажрыйба тууралуу маалыматтык-аналитикалык материалдарды Кыргыз Республикасынын кызыкдар мамлекеттик органдарына берүү;".

2. Кыргыз Республикасынын Тышкы иштер министрлигине тиешелүү бюджеттик каржылоосу (чыгымдардын бардык беренелери боюнча) менен төмөнкүлөр өткөрүп берилсин:

- Кыргыз Республикасынын Экономика министрлиги - 1 штаттык бирдик;

- Кыргыз Республикасынын Айыл чарба, тамак-аш өнөр жайы жана мелиорация министрлиги - 1 штаттык бирдик;

- Кыргыз Республикасынын Саламаттык сактоо министрлиги - 1 штаттык бирдик;

- Кыргыз Республикасынын Билим берүү жана илим министрлиги - 1 штаттык бирдик;

- Кыргыз Республикасынын Транспорт жана жол министрлиги - 1 штаттык бирдик;

- Кыргыз Республикасынын Өнөр жай, энергетика жана жер казынасын пайдалануу мамлекеттик комитети - 1 штаттык бирдик;

- Кыргыз Республикасынын Өкмөтүнө караштуу Мамлекеттик салык кызматы - 1 штаттык бирдик;

- Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы - 1 штаттык бирдик;

- Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекциясы - 1 штаттык бирдик.

3. Кыргыз Республикасынын Өкмөтүнүн 2011-жылдын 22-августундагы № 473 "Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө" токтомуна төмөнкүдөй өзгөртүүлөр киргизилсин:

- жогоруда аталган токтомдун 1-тиркемесинде:

1-пунктундагы "383" жана "170" деген цифралар тиешелүү түрдө "392" жана "179" деген цифралар менен алмаштырылсын;

5-пунктундагы "320" жана "198" деген цифралар тиешелүү түрдө "319" жана "197" деген цифралар менен алмаштырылсын;

6-пунктундагы "4903" жана "4617" деген цифралар тиешелүү түрдө "4902" жана "4616" деген цифралар менен алмаштырылсын;

7-пунктундагы "994" жана "933" деген цифралар тиешелүү түрдө "993" жана "932" деген цифралар менен алмаштырылсын;

8-пунктундагы "175" жана "100" деген цифралар тиешелүү түрдө "174" жана "99" деген цифралар менен алмаштырылсын;

9-пунктундагы "366" жана "86" деген цифралар тиешелүү түрдө "365" жана "85" деген цифралар менен алмаштырылсын;

12-пунктундагы "377" жана "123" деген цифралар тиешелүү түрдө "376" жана "122" деген цифралар менен алмаштырылсын;

20-пунктундагы "2229" жана "199" деген цифралар тиешелүү түрдө "2228" жана "198" деген цифралар менен алмаштырылсын;

25-пунктундагы "143" жана "95" деген цифралар тиешелүү түрдө "142" жана "94" деген цифралар менен алмаштырылсын;

34-пунктундагы "640" жана "497" деген цифралар тиешелүү түрдө "639" жана "496" деген цифралар менен алмаштырылсын.

4. Ушул токтомду ишке ашыруу менен байланышкан чыгымдар Кыргыз Республикасынын Тышкы иштер министрлигине, Кыргыз Республикасынын Экономика министрлигине, Кыргыз Республикасынын Айыл чарба, тамак-аш өнөр жайы жана мелиорация министрлигине, Кыргыз Республикасынын Саламаттык сактоо министрлигине, Кыргыз Республикасынын Билим берүү жана илим министрлигине, Кыргыз Республикасынын Транспорт жана жол министрлигине, Кыргыз Республикасынын Өнөр жай, энергетика жана жер казынасын пайдалануу мамлекеттик комитетине, Кыргыз Республикасынын Өкмөтүнө караштуу Мамлекеттик салык кызматына, Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматына, Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекцияга 2019-жылга жана кийинки жылдарга каралган каражаттардын чектеринде жүзөгө ашырыла тургандыгы белгиленсин.

5. Кыргыз Республикасынын Тышкы иштер министрлиги жана ушул токтомдун 4-пунктунда аталган мамлекеттик органдар:

- өзүнүн чечимдерин ушул токтомго ылайык келтиришсин;

- түзүмдү жана штаттык санды ушул токтомго ылайык келтиришсин;

- ушул токтомдон келип чыгуучу башка чараларды көрүшсүн.

6. Ушул токтом расмий жарыяланган күндөн тартып жети күн өткөндөн кийин күчүнө кирет.