ТоктомКүчүндө

КР Шайлоо жана референдум өткөрүү боюнча борбордук комиссиясынын 2014-жылдын 10-январындагы № 3 «Нарын облусундагы Жумгал районунун Чаек айыл өкмөтүнүн башчысын шайлоону дайындоо жөнүндө» токтому

Редакция10.01.2014 редакциясы
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2014-жылдын 10-январы № 3

Нарын облусундагы Жумгал районунун Чаек айыл өкмөтүнүн башчысын шайлоону дайындоо жөнүндө

Нарын облусундагы Жумгал районунун Чаек айыл өкмөтүнүн башчысы Ибраимов К.А. өзүнүн жазган арызынын негизинде Жумгал райондук мамлекеттик администрациясынын башчысы-акиминин 2013-жылдагы 27-декабрындагы №56 буйругу менен бошотулган.

“Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 6-беренесинин 5-пунктуна, 7-беренесинин 1-бөлүгүнүн 2-пунктуна, “Жергиликтүү өз алдынча башкаруу жөнүндө” Кыргыз Республикасынын Мыйзамынын 49-беренесине ылайык, Кыргыз Республикасынын Шайлоо жана референдум өткөрүү боюнча борбордук комиссиясы

ТОКТОМ КЫЛАТ:

1. Нарын облусундагы Жумгал районунун Чаек айыл өкмөтүнүн башчысын шайлоо 2014-жылдын 29- январына дайындалсын.

2. Жумгал аймактык шайлоо комиссиясы шайлоону мыйзамда белгиленген тартипте өткөрүүнү уюштурсун.

3. Бул токтом «Эркин Тоо» газетасына жарыялансын жана Кыргыз Республикасынын Шайлоо жана референдум өткөрүү боюнча борбордук комиссиясынын расмий сайтына жайгаштырылсын.

4. Бул токтомдун аткарылышын контролдоо Кыргыз Республикасынын Шайлоо жана референдум өткөрүү боюнча борбордук комиссиясынын аппарат жетекчиси Б.Т. Бейшенкуловго жүктөлсүн.

 

Төрага

Т. Абдраимов