КР Министрлер Кабинетинин 2022-жылдын 15-декабрындагы № 678 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 20-августу № 410

Кыргыз Республикасынын Өкмөтүнүн 2014-жылдын 26-июнундагы № 352 "Кыргыз Республикасынын Өкмөтүнө караштуу Коомдук саламаттык сактоо боюнча координациялык кеңеш жөнүндө" токтомуна өзгөртүүлөрдү киргизүү тууралуу

Коомдук саламаттык сактоо боюнча координациялык кеңештин ишинин натыйжалуулугун жогорулатуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2014-жылдын 26-июнундагы № 352 "Кыргыз Республикасынын Өкмөтүнө караштуу Коомдук саламаттык сактоо боюнча координациялык кеңеш жөнүндө" токтомуна төмөнкүдөй өзгөртүүлөр киргизилсин:

- 5-пунктундагы "билим берүү, маданият жана спорт" деген сөздөр "социалдык өнүктүрүү" деген сөздөр менен алмаштырылсын;

жогоруда аталган токтом менен бекитилген Кыргыз Республикасынын Өкмөтүнө караштуу Коомдук саламаттык сактоо боюнча координациялык кеңеш жөнүндө жободо:

- 3-пунктунун биринчи абзацындагы "жеке курамын" деген сөздөр "курамын" деген сөз менен алмаштырылсын;

- 5-пунктунда:

үчүнчү абзацы "административдик ведомстволук" деген сөздөрдөн кийин "Кыргыз Республикасынын Өкмөтүнүн облустардагы ыйгарым укуктуу өкүлдөрү" деген сөздөр менен толукталсын;

төмөнкүдөй мазмундагы төртүнчү абзац менен толукталсын:

"- калктын ден соолугун сактоо жана саламаттык сактоо системасын өнүктүрүү боюнча улуттук, мамлекеттик, тармактык программаларды ишке ашыруунун жүрүшүнө мониторинг жана баалоо киргизүү.";

- 6-пунктунда:

төртүнчү абзацы төмөнкүдөй редакцияда баяндалсын:

"- Кыргыз Республикасындагы коомдук саламаттык сактоо көйгөйлөрү боюнча башка мамлекеттердин тажрыйбаларын колдонуу маселелерин кароо";

бешинчи абзацындагы "коомдук саламаттык сактоо жаатындагы" деген сөздөр "саламаттык сактоо системасын өнүктүрүү жана калктын ден соолугун коргоо маселелери боюнча" деген сөздөр менен алмаштырылсын;

алтынчы абзацындагы "коомдук саламаттык сактоо" деген сөздөр "саламаттык сактоо системасын өнүктүрүү жана калктын ден соолугун коргоо маселелери боюнча" деген сөздөр менен алмаштырылсын;

жетинчи абзацындагы "коомдук саламаттык сактоонун" деген сөздөр "саламаттык сактоо системасын өнүктүрүү жана калктын ден соолугун коргоо маселелери боюнча" деген сөздөр менен алмаштырылсын.

Төмөнкүдөй мазмундагы сегизинчи-тогузунчу абзацтар менен толукталсын:

"- калктын ден соолугун сактоо жана саламаттык сактоо системасын өнүктүрүү боюнча актуалдуу маселелерди кароо;

- жылдын жыйынтыгы боюнча Кыргыз Республикасынын Саламаттык сактоо министрлигинин саламаттык сактоо системасын өнүктүрүү жана калктын ден соолугун сактоо боюнча улуттук, мамлекеттик, тармактык программалардын аткарылышы жөнүндө маалыматын кароо жана кийин аны Кыргыз Республикасынын Өкмөтүнүн жыйынына чыгаруу.";

- 7-пунктунда:

экинчи жана үчүнчү абзацындагы "коомдук саламаттык сактоо" деген сөздөр "саламаттык сактоо системасын өнүктүрүү жана калктын ден соолугун коргоо" деген сөздөр менен алмаштырылсын.

- 10-пункту төмөнкүдөй мазмундагы экинчи абзац менен толукталсын:

"Координациялык кеңештин мүчөлөрүнүн сунушу боюнча ар бир жылдын 25-январына чейин Координациялык кеңештин үстүдөгү жылга иш-планы түзүлөт жана төрагасы тарабынан бекитилет.".

2. Ушул токтом расмий жарыяланган күндөн тартып жети күн өткөндөн кийин күчүнө кирет.