КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 20-августу № 411

Кыргыз Республикасынын көп этностуу райондорундагы жана шаарларындагы этностор аралык мамилелерге тийиштүү маселелер боюнча коомдук кабылдамалардын ишин камсыз кылуучу жооптуу катчылардын эмгегине акы төлөө жөнүндө

(КР Министрлер Кабинетинин 2022-жылдын 22-мартындагы №142 токтомунун редакциясына ылайык)

Кыргыз Республикасынын көп этностуу райондорундагы жана шаарларындагы этностор аралык мамилелерге тийиштүү маселелер боюнча коомдук кабылдамалардын ишин камсыз кылуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Этностор аралык мамилелерге тийиштүү маселелер боюнча коомдук кабылдамалардын жооптуу катчыларынын кызматтык маяналары 13300 (он үч миң үч жүз) сом өлчөмүндө тиркемеге ылайык бекитилсин.

2. Кыргыз Республикасынын Финансы министрлиги Кыргыз Республикасынын Маданият, маалымат, спорт жана жаштар саясаты министрлигине этностор аралык мамилелерге тийиштүү маселелер боюнча коомдук кабылдамалардын жооптуу катчыларынын эмгегине акы төлөөгө зарыл болгон 4304013 (төрт миллион үч жүз төрт миң он үч) сом суммасындагы каражаттарды республикалык бюджеттен жыл сайын карасын.

(КР Министрлер Кабинетинин 2022-жылдын 22-мартындагы №142 токтомунун редакциясына ылайык)

3. Ушул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

(КР Министрлер Кабинетинин 2022-жылдын 22-мартындагы №142 токтомунун редакциясына ылайык)

4. Ушул токтом расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын көп этностуу райондорундагы жана шаарларындагы этностор аралык мамилелерге тийиштүү маселелер боюнча коомдук кабылдамалардын ишин камсыз кылуучу жооптуу катчылардын эмгегине акы төлөөнүн жылдык фондун эсептөө