КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 14-октябры № 539

Кыргыз Республикасынын Өкмөтүнүн 2012-жылдын 15-мартындагы № 176 "Кыргыз Республикасынын Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматын (финансы полициясын) түзүү жөнүндө" токтомуна өзгөртүүлөрдү киргизүү тууралуу

(КР Өкмөтүнүн 2020-жылдын 3-февралындагы № 52 токтомунун редакциясына ылайык)

Кыргыз Республикасынын Өкмөтүнө караштуу Экономикалык кылмыштарга каршы күрөшүү боюнча мамлекеттик кызматтын (финансы полициясы) ишин жөнгө салган Кыргыз Республикасынын ченемдик укуктук актыларын 2019-жылдын 1-январынан тартып мыйзамдуу күчүнө кирген Кыргыз Республикасынын Жазык-процесстик кодексине ылайык келтирүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерин жетекчиликке алуу менен Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 15-мартындагы № 176 "Кыргыз Республикасынын Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматын (финансы полициясын) түзүү жөнүндө" токтомуна төмөнкүдөй өзгөртүү киргизилсин:

1) 2-пунктундагы "тергөө жана алгач текшерүү" деген сөздөр "кылмыш иштери жана жоруктар жөнүндө иштер боюнча сотко чейинки өндүрүш" деген сөздөр менен алмаштырылсын;

2) жогоруда аталган токтом менен бекитилген Кыргыз Республикасынын Өкмөтүнө караштуу Экономикалык кылмыштарга каршы күрөшүү боюнча мамлекеттик кызмат (финансы полициясы) жөнүндө жободо:

- 1-пунктундагы "тергөө жана алгач текшерүү" деген сөздөр "кылмыш иштери жана жоруктар жөнүндө иштер боюнча сотко чейинки өндүрүш" деген сөздөр менен алмаштырылсын;

3) (КР Өкмөтүнүн 2020-жылдын 3-февралындагы № 52 токтомуна ылайык күчүн жоготту)

(КР Өкмөтүнүн 2020-жылдын 3-февралындагы № 52 токтомунун редакциясына ылайык)

2. Ушул токтом расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2019-жылдын 18-октябрындагы № 87 жарыяланды