КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 21-ноябры № 621

Кыргыз Республикасынын Өкмөтүнүн транспорт каражаттарын техникалык кароодон өткөрүү чөйрөсүндөгү айрым чечимдерине өзгөртүүлөрдү киргизүү жөнүндө

(КР Министрлер Кабинетинин 2023-жылдын 12-июлундагы № 350 токтомунун редакциясына ылайык)

Кыргыз Республикасында транспорт каражаттарын техникалык кароодон өткөрүүчү диагностикалык борборлордун ишинин натыйжалуулугун жогорулатуу, техникалык кароодон өткөн автотранспорт каражаттарынын маалымат базасын автоматташтыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. (КР Министрлер Кабинетинин 2023-жылдын 12-июлундагы № 350 токтомуна ылайык күчүн жоготту)

2. Кыргыз Республикасынын Өкмөтүнүн 2017-жылдын 23-июнундагы № 407 "Транспорт каражаттарды, түзүлүштөрдү жана жабдууларды каттоо маселеси тууралуу" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Катталган транспорт каражаттарынын жана айдоочулук курамынын электрондук маалыматтар базасына ыкчам кирүү укугу бар Кыргыз Республикасынын мамлекеттик органдарынын жана кызмат адамдарынын тизмеги төмөнкүдөй мазмундагы он биринчи абзац менен толукталсын:

"Кыргыз Республикасынын Экономика министрлигинин кызмат адамдары.".

3. Ушул токтом расмий жарыяланган күндөн тартып он сегиз ай өткөндөн кийин күчүнө кирүүчү 1-пунктунун бешинчи, он биринчи, жыйырма биринчи жана жыйырма экинчи абзацтарынан тышкары расмий жарыяланган күндөн тартып он беш күн өткөндөн кийин күчүнө кирет.