КР Министрлер Кабинетинин 2023-жылдын 13-январындагы № 13 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 3-декабры № 651

"Кыйроодон куткаруу кызматтары жана куткаруучулардын статусу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү

ТОКТОМ КЫЛАТ:

1. "Кыйроодон куткаруу кызматтары жана куткаруучулардын статусу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жактырылсын.

2. Аталган мыйзамдын долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Өзгөчө кырдаалдар министрлигинин статс-катчысы аталган мыйзамдын долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

КЫРГЫЗ РЕСПУБЛИКАСЫНЫН МЫЙЗАМЫ

"Кыйроодон куткаруу кызматтары жана куткаруучулардын статусу жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Кыйроодон куткаруу кызматтары жана куткаруучулардын статусу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2000-ж., № 5, 260-ст.) төмөнкүдөй өзгөртүүлөр киргизилсин:

1) 4-статьясынын биринчи абзацындагы "өзгөчө кырдаалдардын алдын алуу жана жоюу боюнча мамлекеттик бирдиктүү тутумунун" деген сөздөр "Жарандык коргонуунун мамлекеттик тутумунун" деген сөздөр менен алмаштырылсын.

2) 6-статьясынын:

а) 1-пунктунда:

экинчи абзацындагы "башкаруу органдарын" деген сөздөр "Жарандык коргонуунун башкаруу органдарын" деген сөздөр менен алмаштырылсын;

алтынчы абзацындагы "өзгөчө кырдаалдардын алдын алуунун жана жоюунун" деген сөздөр "Жарандык коргонуунун" деген сөздөр менен алмаштырылсын;

сегизинчи абзацы күчүн жоготту деп таанылсын;

онунчу абзацындагы "алдын алуу үчүн" деген сөздөр "алдын алуу жана аларды жоюу үчүн" деген сөздөр менен алмаштырылсын;

он биринчи абзацындагы "калкты жана аймактарды өзгөчө кырдаалдардан коргоо" деген сөздөр "Жарандык коргонуу" деген сөздөр менен алмаштырылсын;

он төртүнчү абзацындагы "өзгөчө кырдаалдардын алдын алуу жана жоюу боюнча мамлекеттик бирдиктүү тутумга" деген сөздөр "Жарандык коргонуунун мамлекеттик тутумуна" деген сөздөр менен алмаштырылсын;

б) 2-пункту төмөнкүдөй редакцияда баяндалсын:

"2. Кыйроодон куткаруучу конкреттүү кызматтарына, кыйроодон куткаруучу кошуундарына жүктөлүүчү милдеттердин толук тизмеси Жарандык коргонуу жаатындагы ыйгарым укуктуу мамлекеттик орган, Жарандык коргонуунун республикалык жана аймактык башкаруу органдары менен макулдашуу боюнча алардын ыйгарым укуктарына ылайык аныкталат жана кыйроодон куткаруу кызматтары, кыйроодон куткаруу кошуундары жөнүндө жоболордо же аталган кызматтардын жана кошуундардын уставдарында бекитилет.";

3) 7-статьясынын 2-пунктунда:

а) экинчи абзацындагы "аткаруу бийлигинин калкты жана аймактарды өзгөчө кырдаалдардан коргоо жагындагы маселелерди чечүүгө атайын укук берилген борбордук органы" деген сөздөр "Кыргыз Республикасынын Жарандык коргонуу жаатындагы ыйгарым укуктуу мамлекеттик органы" деген сөздөр менен алмаштырылсын;

б) төртүнчү абзацындагы "Кыргыз Республикасынын жергиликтүү мамлекеттик администрацияларынын калкты жана аймактарды өзгөчө кырдаалдардан коргоо боюнча маселелерди чечүүгө атайын укук берилген башкаруу органына" деген сөздөр "аймактык деңгээлдеги Жарандык коргонуунун башкаруу органына" деген сөздөр менен алмаштырылсын;

в) бешинчи абзацындагы "жергиликтүү мамлекеттик администрациянын" деген сөздөр "жергиликтүү өз алдынча башкаруу" деген сөздөр менен алмаштырылсын;

4) 8-статьясынын биринчи абзацындагы "өзгөчө кырдаалдардын алдын алуу жана жоюу" деген сөздөр "Жарандык коргонуу" деген сөздөр менен алмаштырылсын;

5) 10-статьясы күчүн жоготту деп таанылсын;

6) 11-статьясынын 5-пункту төмөнкүдөй редакцияда баяндалсын:

"5. Кыйроодон куткаруучу кесипкөй кызматтардын, кыйроодон куткаруучу кесипкөй кошуундардын өзгөчө кырдаалдарга чара көрүү жана аларды жоюу боюнча иштерди жүргүзүүгө даярдыгы аттестация учурунда текшерилет, ошондой эле Кыргыз Республикасынын Жарандык коргонуу жаатындагы ыйгарым укуктуу мамлекеттик органы, мамлекеттик көзөмөл органдары, аймактык деңгээлдеги Жарандык коргонуунун башкаруу органдары өз ыйгарым укуктарынын чегинде жүргүзүүчү текшерүүлөрдө аныкталат.";

7) 13-статьясынын 1-пунктунун экинчи абзацындагы "өзгөчө кырдаалдардын алдын алуунун жана жоюунун" деген сөздөр "Жарандык коргонуу" деген сөздөр менен алмаштырылсын;

8) 14-статьясынын 2-пунктундагы "өзгөчө кырдаалдардын алдын алуунун жана жоюунун" деген сөздөр "Жарандык коргонуу" деген сөздөр менен алмаштырылсын;

9) 18-статьясында:

а) 1-пунктунун үчүнчү абзацындагы "өзгөчө кырдаалдардан калкты жана аймакты коргоо" деген сөздөр "Жарандык коргонуу" деген сөздөр менен алмаштырылсын;

б) 2-пунктундагы "мамлекеттик башкаруунун калкты жана аймактарды өзгөчө  кырдаалдардан коргоо жагындагы маселелерди чечүүгө атайын укук берилген борбордук органы" деген сөздөр "Кыргыз Республикасынын Жарандык коргонуу жаатындагы ыйгарым укуктуу мамлекеттик органы" деген сөздөр менен алмаштырылсын;

в) 3-пунктундагы "жергиликтүү мамлекеттик администрациялардын органдарына караштуу, калкты жана аймактарды өзгөчө кырдаалдардан коргоо жагындагы маселелерди чечүүгө атайын укук берилген" деген сөздөр "аймактык деңгээлдеги Жарандык коргонуунун" деген сөздөр менен алмаштырылсын;

г) 4-пунктундагы "жергиликтүү өз алдынча башкаруу органдарына караштуу, калкты жана аймактарды өзгөчө кырдаалдардан коргоо жагындагы маселелерди чечүүгө атайын укук берилген" деген сөздөр "аймактык деңгээлдеги Жарандык коргонуунун" деген сөздөр менен алмаштырылсын;

10) 19-статьясында:

а) 2-пунктундагы "өзгөчө кырдаалдардан калкты жана аймактарды коргоо жагындагы маселелерди чечүүгө атайын укуктуу аткаруу бийлигинин органдары" деген сөздөр "Кыргыз Республикасынын Жарандык коргонуу жаатындагы ыйгарым укуктуу мамлекеттик органдары" деген сөздөр менен алмаштырылсын;

б) 3-пункту төмөнкүдөй редакцияда баяндалсын:

"3. Юридикалык жактардын администрациясынын чечими боюнча түзүлгөн кыйроодон куткаруучу кошуундарды жоюу жөнүндө чечимди кабыл алууда алардын жетекчилиги ушул Мыйзамдын 18-статьясына ылайык аталган кошуундардын иштерин координациялоо функциясы жүктөлгөн аймактык деңгээлдеги Кыргыз Республикасынын Жарандык коргонуу жаатындагы ыйгарым укуктуу мамлекеттик органын маалымдашат.";

11) 23-статьясынын 2-пунктунун экинчи абзацындагы "аткаруу бийлигинин калкты жана аймактарды өзгөчө кырдаалдардан коргоо жагындагы маселелерди чечүүгө атайын укук берилген органы" деген сөздөр "Кыргыз Республикасынын Жарандык коргонуу жаатындагы ыйгарым укуктуу мамлекеттик органы" деген сөздөр менен алмаштырылсын.

2-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.