КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2019-жылдын 17-декабры № 687

Кыргыз Республикасынын Өкмөтүнүн 2019-жылдын 7-мартындагы № 112 "2019-2022-жылдарга Кыргыз Республикасынын сот системасын өнүктүрүү" максаттуу мамлекеттик программасынын долбоору жөнүндө" токтомуна өзгөртүү киргизүү тууралуу

Сот бийлигинин көз карандысыздык принцибин сактоо максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2019-жылдын 7-мартындагы № 112 "2019-2022-жылдарга Кыргыз Республикасынын сот системасын өнүктүрүү" максаттуу мамлекеттик программасынын долбоору жөнүндө" токтомуна төмөнкүдөй өзгөртүү киргизилсин:

4-пункттагы "Кыргыз Республикасынын Жогорку сотунун төрагасы (макулдашуу менен)," деген сөздөр алынып салынсын.

2. Ушул токтом расмий жарыяланган күндөн жети күн өткөндөн кийин күчүнө кирет.