КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2020-жылдын 10-январы № 3

Кыргыз Республикасында Комуз күнүн белгилөө жөнүндө

Кыргыз Республикасынын Президентинин 2019-жылдын 24-июлундагы № 96 "Комуз күнү жөнүндө" Жарлыгын ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. 9-сентябрь - Кыргыз Республикасында жыл сайын белгиленүүчү Комуз күнү деп белгиленсин.

2. Кыргыз Республикасынын Маданият, маалымат жана туризм министрлиги, Кыргыз Республикасынын Өкмөтүнүн облустардагы ыйгарым укуктуу өкүлдөрү, жергиликтүү мамлекеттик администрациялар жана жергиликтүү өз алдынча башкаруу органдары (макулдашуу боюнча) Комуз күнүн майрамдоого арналган иш-чараларды уюштурууну ишке ашырышсын.

3. Ушул токтом расмий жарыяланган күндөн тартып күчүнө кирет.

"Эркин Тоо" газетасынын 2020-жылдын 7-февралындагы № 12(3084) жарыяланды