КР Министрлер Кабинетинин 2023-жылдын 13-январындагы № 13 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2020-жылдын 8-майы № 239

"Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жөнүндө

Кыргыз Республикасынын Конституциясынын 79-беренесине жана 80-беренесинин 2-бөлүгүнө ылайык Кыргыз Республикасынын Өкмөтү токтом кылат:

1. "Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоору жактырылсын.

2. Аталган мыйзамдын долбоору Кыргыз Республикасынын Жогорку Кеңешинин кароосуна киргизилсин.

3. Кыргыз Республикасынын Жогорку Кеңешинен аталган мыйзамдын долбоорун кечиктирилгис катары кезексиз тартипте кароо суралсын.

4. Кыргыз Республикасынын Финансы министри аталган мыйзамдын долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

КЫРГЫЗ РЕСПУБЛИКАСЫНЫН МЫЙЗАМЫ

"Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу

1-берене.

"Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" Кыргыз Республикасынын Мыйзамына ("Эркин Тоо" гезити, 2019-жылдын 24-декабры, № 106) төмөнкүдөй өзгөртүүлөр киргизилсин:

1) 1-беренесинде:

а) 1-бөлүгүндөгү "163710434,2" жана "171663937,2" деген цифралар тиешелүү түрдө "132883348,4" жана "161319609,5" деген цифралар менен алмаштырылсын;

б) 2-бөлүгүндөгү "7953503,0" деген цифралар "28436261,1" деген цифралар менен алмаштырылсын;

в) 3-бөлүгүндөгү "7953503,0" деген цифралар "28436261,1" деген цифралар менен алмаштырылсын;

2) 5-беренесинде:

а) 2-бөлүгүндөгү "3000000,0" деген цифралар "2011508,2" деген цифралар менен алмаштырылсын;

б) 4-бөлүгүндөгү "600000,0" деген цифралар "0,0" деген цифралар менен алмаштырылсын;

3) 14-беренеси төмөнкүдөй редакцияда баяндалсын:

"14-берене

Кыргыз Республикасынын республикалык бюджетинин каражаттары, анын ичинде бюджеттик мекемелер, чарбакер субъекттер жана жергиликтүү өз алдынча башкаруу органдары тарабынан максаттуу багыты боюнча пайдаланылбаган атайын эсептерде топтолгон, ошондой эле Кыргыз Республикасынын Бюджеттик кодексинин 105-беренесин бузуу менен атайын эсептерге чегерилген каражаттар тийиштүү бюджеттерге өндүрүп алынсын.

Мамлекеттик органдар жана жергиликтүү өз алдынча башкаруу органдары, ошондой эле мамлекеттик органдар жана жергиликтүү өз алдынча башкаруу органдары тарабынан түзүлгөн мекемелер Кыргыз Республикасынын Бюджеттик кодексинин 105-беренесинин 4-пунктунда каралгандардан жана Кыргыз Республикасынын чегинен сыртта жайгашкан бюджеттик мекемелерден сырткары, казыналык системасынан тышкаркы бардык эсептерди жабышсын.

Аталган ченемдер бузулган учурда бюджеттик мекемелердин жетекчилери Кыргыз Республикасынын мыйзамдарына ылайык жоопкерчилик тартат.";

4) төмөнкүдөй мазмундагы 19¹-берене менен толукталсын:

"19¹-берене

Кыргыз Республикасынын Өкмөтү өзгөчө кырдаалдардын бюджетинин алкагында ушул Мыйзамга өзгөртүүлөр киргизилгенге чейин Кыргыз Республикасынын Өкмөтүнүн тиешелүү чечимдерин кабыл алуу аркылуу бюджеттик каражаттардын негизги бөлүштүрүүчүлөрүнүн ортосунда бюджеттик каражаттарды кайра бөлүштүрүүгө укуктуу экендиги белгиленсин.";

5) жогоруда көрсөтүлгөн Мыйзамдын 1, 3, 3-1, 4, 5, 6, 7, 8, 8-1, 8-2-тиркемелери ушул Мыйзамдын 1, 3, 3-1, 4, 5, 6, 7, 8, 8-1, 8-2-тиркемелерине ылайык редакцияда баяндалсын.

2-берене.

Ушул Мыйзам расмий жарыяланган күндөн тартып күчүнө кирет.