КР Министрлер Кабинетинин 2021-жылдын 15-ноябрындагы № 264 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

2020-жылдын 4-майы № 234

Кыргыз Республикасынын Башкы прокуратурасынын ишинин маселелери боюнча Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө

Кыргыз Республикасынын Башкы прокуратурасынын ишин оптималдаштыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2011-жылдын 22-августундагы № 473 "Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө" токтомуна төмөнкүдөй өзгөртүүлөр киргизилсин:

1) жогоруда аталган токтомдун 2-тиркемесинде:

- 1-пунктундагы "1076", "181" жана "824" деген цифралар тиешелүү түрдө "1077", "186" жана "820" деген цифралар менен алмаштырылсын;

2) жогоруда аталган токтомдун 5-тиркемесинде:

- 7-пунктундагы "Кыргыз Республикасынын Башкы прокуратурасы," деген сөздөр алып салынсын;

- төмөнкүдөй мазмундагы 7²-пункт менен толукталсын:

"

".

2. Кыргыз Республикасынын Өкмөтүнүн 2017-жылдын 4-майындагы № 253 "Кыргыз Республикасынын министрликтеринин, мамлекеттик комитеттеринин, администрациялык ведомстволорунун жана башка мамлекеттик органдарынын техникалык жана тейлөөчү персоналынын штаттык санынын чеги жөнүндө" токтомуна төмөнкүдөй өзгөртүү киргизилсин:

жогоруда аталган токтомдун 2-тиркемесинде:

- 1-пунктундагы "32" жана "309" деген цифралар тиешелүү түрдө "35" жана "306" деген цифралар менен алмаштырылсын.

3. Кыргыз Республикасынын Финансы министрлиги белгиленген тартипте:

- Кыргыз Республикасынын Башкы прокурорунун орун басары кызматынын кошумча штаттык бирдигин камсыздоого 1125377 (бир миллион жүз жыйырма беш миң үч жүз жетимиш жети) сом суммасындагы кошумча каражаттарды тапсын;

- "Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө" Кыргыз Республикасынын Мыйзамына өзгөртүүлөрдү киргизүү тууралуу" Кыргыз Республикасынын Мыйзамынын долбоорун даярдоодо тийиштүү өзгөртүүлөрдү карасын.

4. Кыргыз Республикасынын Башкы прокуратурасына төмөнкүлөр сунушталсын:

- аймактык жана ведомстволук бөлүмдөрдөн Кыргыз Республикасынын Башкы прокуратурасынын борбордук аппаратына өткөрүп берилген 7 штаттык бирдикти камсыздоо үчүн республикалык бюджетте тийиштүү жылга жана кийинки жылдарга Кыргыз Республикасынын Башкы прокуратурасына каралган каражаттардын чегинде ушул токтомду ишке ашыруу;

- өзүнүн чечимдерин ушул токтомго ылайык келтирүү.

5. Ушул токтом расмий жарыяланган күндөн тартып жети күн өткөндөн кийин күчүнө кирет.

"Эркин Тоо" газетасынын 2020-жылдын 15-майындагы № 38 (3110) жарыяланды