КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

2020-жылдын 29-декабры № 632

2020-жылдын 23-декабрында Москва шаарында жана 2020-жылдын 25-декабрында Бишкек шаарында кол коюлган Кыргыз Республикасынын Ички иштер министрлиги менен Россия Федерациясынын Ички иштер министрлигинин ортосундагы Баңги заттарды мыйзамсыз жүгүртүүгө каршы күрөшүүдө финансылык, материалдык-техникалык жана уюштуруучулук жардам көрсөтүү жөнүндө макулдашууну бекитүү тууралуу

Мамлекеттик ички жол-жоболорду аткаруу максатында, "Кыргыз Республикасынын эл аралык келишимдери жөнүндө" Кыргыз Республикасынын Мыйзамына ылайык Кыргыз Республикасынын Өкмөтү токтом кылат:

1. 2020-жылдын 23-декабрында Москва шаарында жана 2020-жылдын 25-декабрында Бишкек шаарында кол коюлган Кыргыз Республикасынын Ички иштер министрлиги менен Россия Федерациясынын Ички иштер министрлигинин ортосундагы Баңгизаттарды мыйзамсыз жүгүртүүгө каршы күрөшүүдө финансылык, материалдык-техникалык жана уюштуруучулук жардам көрсөтүү жөнүндө расмий тилде тиркелген макулдашуу бекитилсин.

2. Кыргыз Республикасынын Тышкы иштер министрлиги россиялык тарапка жогоруда аталган Макулдашуунун күчүнө кириши үчүн зарыл болгон мамлекеттик ички жол-жоболор кыргыз тарабынан аткарылгандыгы тууралуу кабарласын.

3. Ушул токтом кол коюлган күндөн тартып күчүнө кирет.