КР Министрлер Кабинетинин 2022-жылдын 12-августундагы № 448 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2021-жылдын 12-февралы № 39

Кыргыз Республикасынын Өкмөтүнүн 2019-жылдын 2-августундагы № 397 "Үрөнчүлүктөгү мамлекеттик дотация жөнүндө" Кыргыз Республикасынын Мыйзамын ишке ашыруу боюнча чаралар тууралуу" токтомуна өзгөртүүлөрдү киргизүү жөнүндө

Дотациялык үрөндөрдү берүү механизмин андан ары өркүндөтүү жана үрөнчүлүктөгү мамлекеттик дотациялоо боюнча иш-чараларга үрөнчүлүк чарбаларынын катышуусу үчүн жагымдуу шарттарды түзүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2019-жылдын 2-августундагы № 397 "Үрөнчүлүктөгү мамлекеттик дотация жөнүндө" Кыргыз Республикасынын Мыйзамын ишке ашыруу боюнча чаралар тууралуу" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын үрөнчүлүк чарбаларына мамлекеттик дотация берүү тартиби жөнүндө жободо:

- 1-пунктунун үчүнчү абзацындагы "буудайдын" деген сөз "артыкчылыктуу айыл чарба өсүмдүктөрүнүн" деген сөздөр менен алмаштырылсын";

- 3-пунктунун төртүнчү абзацындагы "буудайдын" деген сөз "артыкчылыктуу айыл чарба өсүмдүктөрүнүн" деген сөздөр менен алмаштырылсын";

- 4-пункту "дотация" деген сөздөн кийин "артыкчылыктуу" деген сөз менен толукталсын;

- 9-пункту "начальниги" деген сөздөн кийин ", үрөндөрдү, себүүчү материалды сертификаттоо, сортторду сыноо жана каттоо жаатындагы ыйгарым укуктуу мамлекеттик органдын өкүлү, айыл өкмөтүнүн өкүлү (макулдашуу боюнча)" деген сөздөр менен толукталсын;

- 11-пунктундагы "айыл өкмөтүнүн жана айылдык кеңештин өкүлдөрүнүн" деген сөздөр алып салынсын;

- 12-пунктунун алтынчы абзацы төмөнкүдөй редакцияда баяндалсын:

"- райондук комиссиялардын бардык мүчөлөрү тарабынан кол коюлган дотациялык үрөндү ар бир алуучунун максаттуу колдонушу жөнүндө райондук комиссиянын актылары";

- 14-пункту төмөнкүдөй редакцияда баяндалсын:

"14. "Экинчи топтогу үрөнчүлүк чарба мамлекеттик дотация алуу үчүн ушул Жобонун 12-пунктунда аталган документтерди райондук комиссияга берет.";

- 19-пункту төмөнкүдөй редакцияда баяндалсын:

"19. Үрөнчүлүк чарбаларга мамлекеттик дотация төлөө ушул Жобонун 18-пунктунда аталган мамлекеттик дотацияны төлөө жөнүндө чечим кабыл алынган күндөн тартып 15 жумуш күндөн кечиктирилбей, айыл чарба чөйрөсүндөгү ыйгарым укуктуу мамлекеттик орган тарабынан учурдагы жылга республикалык бюджетте бул максат үчүн каралган каражаттардын чегинде жүргүзүлөт.".

2. Ушул токтом расмий жарыяланган күндөн тартып он беш күн өткөндөн кийин күчүнө кирет.