КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2021-жылдын 24-июну № 48

Кыргыз Республикасынын Ош облусунун Өзгөн районундагы Баш-Дөбө айыл аймагында жайгашкан жерлерди " Айыл чарба багытындагы жерлер" категориясынан "Калктуу конуштардын жерлери" категориясына которуу (трансформациялоо) жөнүндө

Ош  облусунунун Өзгөн районундагы Баш-Дөбө айыл аймагынын тургундагын жана Өзбекстан Республикасынан көчүп келген этностук кыргыздарды жеке турак үй куруу үчүн жер участоктору менен камсыздоо максатында, Кыргыз Республикасынын Жер кодексинин 20-беренесине, “Жер участокторун которуу (трансформациалоо) жөнүндө” Кыргыз Республикасынын Мыйзамынын 6-беренесине, “ Кыргыз Республикасынын Өкмөтү жөнүндө” Кыргыз Республикасынын Мыйзамынын 10 жана 17-беренелерине ылайык, Кыргыз Республикасынын Өкмөтүнүн Ош облусундагы ыйгарым укуктуу өкүлүнүн 2020-жылдын 30-июнундагы корутундусун, Ош облусунун Өзгөн районунун мамлекеттик администрациянын 2020-жылдын 30-июнундагы №19 токтомун көңүлгө алуу менен Кыргыз Республикасынын Министрлер Кабинети токтом кылат:

1.Кыргыз Республикасынын Ош облусунун Өзгөн районунун Баш-Дөбө айыл аймагында жайгашкан, жалпы аянты 49,95 га мамлекеттин менчигиндеги жерлер жеке турак жай куруу үчүн “ Айыл чарба багытындагы жерлер” категориясынан “Калктуу конуштардын жерлери” категориясына которулсун (трансмформациялансын), анын ичинен:

№26 контурундагы-2,80 га кайрак айдоо;

№34 контурдагы-20,90 га кайрак айдоо;

№39 контурундагы-7,20 га кайрак айдоо;

№43 контурдагы-9,40 га кайрак айдоо;

№46 контурундагы-3,90 га кайрак айдоо;

№26а контурдагы-1,60 га жайыт;

№28 контурдагы-1,50 га жайыт;

№36 контурдагы-0,90 га жайыт;

№42 контурдагы-0,40 га жайыт;