КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2021-жылдын 13-августу № 132

"Бузуулардын бирликтүү реестри" автоматташтырылган маалыматтык системасын колдонууга байланышкан маселелер боюнча Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө

"Кыргыз Республикасынын прокуратурасы жөнүндө" Кыргыз Республикасынын Мыйзамынын 45-беренесин, Кыргыз Республикасынын Президентинин 2018-жылдын 31-октябрындагы № 221 "2018-2040-жылдары Кыргыз Республикасын өнүктүрүүнүн улуттук стратегиясы жөнүндө" Жарлыгын ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Ички иштер министрлиги "Бузуулардын бирдиктүү реестри" автоматташтырылган маалыматтык системасын (мындан ары - "ББР" АМС) мүлкү, аталган системаны күтүүгө жана андан ары ишке киргизүүгө каралган финансы ресурстары менен Кыргыз Республикасынын Башкы прокуратурасына белгиленген тартипте өткөрүп берсин.

2. Кыргыз Республикасынын Башкы прокуратурасына "ББР" АМСин өзүнүн карамагына кабыл алуу жана аны андан ары эксплуатациялоо жана жүргүзүү үчүн зарыл болгон чараларды көрүү сунушталсын.

3. Кыргыз Республикасынын Өкмөтүнүн 2016-жылдын 17-июнундагы № 336 "Кыргыз Республикасынын Ички иштер министрлигинин Маалыматтык технологиялар башкы башкармалыгын түзүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген "Кыргыз Республикасынын Ички иштер министрлигинин Маалыматтык технологиялар башкы башкармалыгы жөнүндө жободо:

- 12-пунктунун сегизинчи абзацы жана 13-пунктунун жыйырма бешинчи абзацы күчүн жоготту деп таанылсын.

4. Кыргыз Республикасынын Өкмөтүнүн 2018-жылдын 21-декабрындагы № 603 "Бузуулардын бирдиктүү реестрин жүргүзүү тартиби жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

2-пункту төмөнкүдөй редакцияда баяндалсын:

"2. Кыргыз Республикасынын Башкы прокуратурасы Бузуулардын бирдиктүү реестринин ээси (кармоочусу) болуп аныкталсын.";

4-пункту күчүн жоготту деп таанылсын;

6-пункту төмөнкүдөй редакцияда баяндалсын:

"6. Бул токтомдун аткарылышын контролдоо Кыргыз Республикасынын Президентинин Администрациясынын соттор жана прокуратура органдары менен өз ара аракеттенүү бөлүмүнө жүктөлсүн.";

аталган токтом менен бекитилген Бузуулардын бирдиктүү реестрин жүргүзүүнүн тартиби жөнүндө жободо:

- 2-пунктунун алтынчы абзацы төмөнкүдөй редакцияда баяндалсын:

"- статистиканы түзүү, прокурордук көзөмөлдү жана бузуулар жөнүндө иштерди эсепке алуу боюнча бирдиктүү контролду жүргүзүү;";

- 6-пунктунун бешинчи абзацы төмөнкүдөй редакцияда баяндалсын:

"- ББРди түзүү, жүргүзүү жана колдонуу боюнча ченемдик документтерди иштеп чыгуу, бекитүү жана өркүндөтүү;";

- 22-пункту күчүн жоготту деп таанылсын;

"51-пункту төмөнкүдөй редакцияда баяндалсын:

"51. ББР менен Кылмыштардын жана жоруктардын бирдиктүү реестринин ортосунда маалымат алмашуу тартиби автоматташтырылган маалыматтык системалардын ээси тарабынан белгиленет.";

- мамлекеттик тилдеги текстинин 77-пунктундагы "катышуучусу" деген сөз "ээси" деген сөз менен алмаштырылсын.

5. Кыргыз Республикасынын Ички иштер министрлиги ушул токтомдон келип чыгуучу чараларды көрсүн.

6. Кыргыз Республикасынын Башкы прокуратурасына өзүнүн чечимдерин ушул токтомго ылайык келтирүү сунушталсын.

7. Бул токтом расмий жарыяланган күндөн тартып жети күн өткөндөн кийин күчүнө кирет.

"Эркин Тоо" газетасынын 2021-жылдын 20-августундагы № 89 жарыяланды