КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2008-жылдын 29-январы № 33

Баткен облустук музыкалык-драма театрын Кыргыз Республикасынын Маданият жана маалымат министрлигинин карамагына өткөрүп берүү жөнүндө

Маданий тейлөө системасын андан ары өркүндөтүү максатында Кыргыз Республикасынын Өкмөтү

ТОКТОМ КЫЛАТ:

1. Баткен облустук музыкалык-драма театры Кыргыз Республикасынын Маданият жана маалымат министрлигинин карамагына өткөрүп берилсин.

2. Кыргыз Республикасынын Маданият жана маалымат министрлиги:

- бир айлык мөөнөттө Баткен облустук музыкалык-драма театрынын Уставын ушул токтомго ылайык келтирсин;

- ушул токтомдон келип чыгуучу уюштуруу маселелерин чечсин.

3. Кыргыз Республикасынын Финансы министрлиги республикалык бюджеттин каражатынын эсебинен Баткен облустук музыкалык-драма театрын каржылоону камсыз кылсын.

4. Бул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.