КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2008-жылдын 19-сентябры № 520

Кыргыз Республикасынын Саламаттык сактоо министрлигинин алдындагы Эне менен баланы коргоо улуттук борборунун кызматкерлеринин эмгек акыларына кошумча белгилөө жөнүндө

Кыргыз Республикасынын Президентинин 2002-жылдын 10-апрелиндеги № 84 "Кыргыз Республикасынын мамлекеттик мекемелери менен уюмдарына "улуттук" деген статус берүүнүн тартиби жөнүндө" жана 2007-жылдын 30-августундагы № 390 "Балдарды коргоо жана колдоо жөнүндө" жарлыктарына ылайык, эне менен баланы коргоо жаатында медициналык жардам көрсөтүүнүн сапатын жана натыйжалуулугун жогорулатуу максатында Кыргыз Республикасынын Өкмөтү

ТОКТОМ КЫЛАТ:

1. Эмгек акынын белгиленген фондунун чегинде Кыргыз Республикасынын Саламаттык сактоо министрлигинин алдындагы Эне менен баланы коргоо улуттук борборунун клиникалык жана илимий подразделениелеринин кызматкерлеринин кызматтык маяналарына 25 пайыздык өлчөмдө кошумча белгиленсин.

2. Кыргыз Республикасынын Саламаттык сактоо министрлиги ушул токтомдон келип чыгуучу финансылык маселелерди бир айлык мөөнөттө чечсин.

3. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө жүктөлсүн.