КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН

ТОКТОМУ

2022-жылдын 31-майы № 292

Кыргыз Республикасынын Нарын облусунун Ат-Башы районунун Ак-Талаа айыл аймагында жайгашкан жерлерди “Айыл чарба багытындагы жерлер" категориясынан "Өнөр жайынын, транспорттун, байланыштын, энергетиканын,коргонуунун жерлери жана башка багыттагы жерлер" категориясына которуу (трансформациялоо) жөнүндө

Нарын облусунун Ат-Башы районунун Ак-Талаа айыл аймагынын Жайылма участогунда мал чарба фермасын куруу максатында, Кыргыз Республикасынын Жер кодексинин 20-статьясына, "Жер участокторун которуу (трансформациялоо) жөнүндө" Кыргыз Республикасынын Мыйзамынын 6-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык, Кыргыз Республикасынын Президентинин Кыргыз Республикасынын Нарын облусундагы ыйгарым укуктуу өкүлүнүн 2022-жылдын 21-апрелиндеги № 01-17/830 корутундусун жана Нарын облусунун Ат-Башы районунун мамлекеттик администрациясынын 2021-жылдын 29-мартындагы № 1 чечимин көңүлгө алып, Кыргыз Республикасынын Министрлер Кабинети токтом кылат:

1. Нарын облусунун Ат-Башы районунун Ак-Талаа айыл аймагындагы № 452 контурда жайгашкан 10,9 га кысыр аңыз жер мал чарба фермасын куруу үчүн "Айыл чарба багытындагы жерлер" категориясынан "Өнөр жайынын, транспорттун, байланыштын, энергетиканын, коргонуунун жерлери жана башка багыттагы жерлер" категориясына которулсун (трансформациялансын).

2. Нарын облусунун Ат-Башы районунун мамлекеттик администрациясы төмөнкүлөрдү камсыз кылсын:

- жерди эсепке алуу документтерине тиешелүү өзгөртүүлөрдү киргизүүнү;

- ушул токтомдун 1-пунктунда көрсөтүлгөн жерди максаттуу багыты боюнча пайдаланууну;

- Кыргыз Республикасынын мыйзамдарына ылайык айыл чарба өндүрүшүнүн жоготууларынын жана алынбай калган пайданын ордун толтуруу наркынын суммасын төлөөнү;

- көрсөтүлгөн жер максаттуу багыты боюнча пайдаланылбаган учурда Кыргыз Республикасынын мыйзамдарына ылайык алып коюуну.

3. Бул токтомдун аткарылышын контролдоо Кыргыз Республикасынын айыл чарба министрине жүктөлсүн.

4. Бул токтом расмий жарыяланган күндөн тартып жети күн өткөндөн кийин күчүнө кирет.