КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2022-жылдын 27-сентябры № 536

Кыргыз Республикасынын Өкмөтүнүн 2017-жылдын 21-ноябрындагы № 760 "Жеке маалыматтарды маалымат тутумдарында иштетүү учурунда аткарылышы жеке маалыматтардын корголушун белгиленген деңгээлде камсыз кылуучу, жеке маалыматтардын коопсуздугун камсыз кылууга жана коргоого талаптарды бекитүү жөнүндө" токтомуна өзгөртүүлөрдү киргизүү тууралуу

"Жеке мүнөздөгү маалымат жөнүндө" Кыргыз Республикасынын Мыйзамынын 21-статьясына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Өкмөтүнүн 2017-жылдын 21-ноябрындагы № 760 "Жеке маалыматтарды маалымат тутумдарында иштетүү учурунда аткарылышы жеке маалыматтардын корголушун белгиленген деңгээлде камсыз кылуучу, жеке маалыматтардын коопсуздугун камсыз кылууга жана коргоого талаптарды бекитүү жөнүндө" токтомуна төмөнкүдөй өзгөртүүлөр киргизилсин:

1) 2-пунктунун биринчи абзацы төмөнкүдөй редакцияда баяндалсын:

"2. Кыргыз Республикасынын Министрлер Кабинетине караштуу Жеке маалыматтарды коргоо боюнча мамлекеттик агенттик үч айлык мөөнөттө төмөнкүлөрдү иштеп чыксын жана бекитсин:";

2) жогоруда аталган токтом менен бекитилген Жеке маалыматтарды маалымат тутумдарында иштетүү учурунда аткарылышы жеке маалыматтардын корголушун белгиленген деңгээлде камсыз кылуучу, жеке маалыматтардын коопсуздугун камсыз кылууга жана коргоого талаптарда:

- 5-пунктунун 1-пунктчасы төмөнкүдөй редакцияда баяндалсын:

"1) жеке маалыматтар боюнча ыйгарым укуктуу мамлекеттик орган ыктымалдуу коркунучтардын бардык түрлөрүн жана типтерин, ошондой эле жеке маалыматтардын маалымат тутумдарындагы коопсуздук коркунучтарын аныктоонун методикасын (мындан ары - Коркунучтарды аныктоо методикасы) жана коркунучтардын түрлөрүнүн тизмегинин формасын камтыган Жеке маалыматтарды маалымат тутумдарында иштетүү учурунда жеке маалыматтардын коопсуздугуна коркунучтардын типтүү тизмегин (мындан ары - Типтүү тизмек) иштеп чыгат жана бекитет;".

2. Бул токтом расмий жарыяланган күндөн тартып күчүнө кирет.