КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2022-жылдын 27-октябры № 590

Кыргыз Республикасынын Министрлер Кабинетинин 2021-жылдын 8-октябрындагы № 203 "Чет өлкөнүн жарандыгы бар мекендештердин укуктук абалынын маселелерин жөнгө салуу жөнүндө" токтомуна өзгөртүүлөрдү киргизүү тууралуу

"Мекен-карт" улуттук демилгесин ишке киргизүүнү тездетүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2021-жылдын 8-октябрындагы № 203 "Чет өлкөнүн жарандыгы бар мекендештердин укуктук абалынын маселелерин жөнгө салуу жөнүндө" токтомуна төмөнкүдөй өзгөртүүлөр киргизилсин:

- 5-пункттун төртүнчү абзацы күчүн жоготту деп таанылсын;

- төмөнкүдөй мазмундагы 5-1-пункт менен толукталсын:

"5-1. Кыргыз Республикасынын Санариптик өнүктүрүү министрлиги "Учкун" ачык акционердик коому менен биргеликте (макулдашуу боюнча) чет өлкөнүн жарандыгы бар мекендештин "Мекен-карт" документинин бланктарын камсыз кылуу боюнча зарыл чараларды көрсүн.".

2. Бул токтом расмий жарыяланган күндөн тартып беш күн өткөндөн кийин күчүнө кирет.