КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН

ТОКТОМУ

2023-жылдын 21-январы № 25

Жерлерди бузгандыгы үчүн зыяндын өлчөмүн эсептөөнүн тартибин бекитүү жөнүндө

"Айлана-чөйрөнү коргоо жөнүндө" Кыргыз Республикасынын Мыйзамынын 40, 54-статьяларына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Жерлерди бузгандыгы үчүн зыяндын өлчөмүн эсептөөнүн тартиби тиркемеге ылайык бекитилсин.

1¹. Бул токтомдун колдонулушу Айыл чарба жерлеринин мамлекеттик фондунун жерлеринде, анын ичинде асылдуулугу төмөн жерлерде суу үнөмдөөчү сугат системаларынын курулмаларын жайгаштырууда жерлерди бузууга карата жайылтылбайт деп белгиленсин.

2. Бул токтом расмий жарыяланган күндөн тартып он беш күн өткөндөн кийин күчүнө кирет.

"Эркин Тоо" газетасынын 2023-жылдын 27-январындагы №6 жарыяланды