Кыргыз Республикасынын Министрлер Кабинетинин 2025-жылдын сентябрындагы № 605 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 31-январы № 42

Кыргыз Республикасынын Министрлер Кабинетинин 2022-жылдын 20-июнундагы № 326 "Улуттук экономиканын субъекттерине кепилдик берүү тартибин бекитүү жөнүндө" токтомуна өзгөртүүлөрдү киргизүү тууралуу

Улуттук экономиканын субъекттерине кепилдик берүүнүн жол-жоболорун өркүндөтүү максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетинин 2022-жылдын 20-июнундагы № 326 "Улуттук экономиканын субъекттерине кепилдик берүү тартибин бекитүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Улуттук экономиканын субъекттерине кепилдик берүү тартибинде:

- 4-пункттун 5-пунктчасындагы "ушул пункттун 2-пунктчасы" деген сөздөр "ушул пункттун 2, 4-пунктчалары" деген сөздөргө алмаштырылсын;

- төмөнкүдөй мазмундагы 9-1-пункт менен толукталсын:

"9-1. Кепилдикте Фонддун бирдей жана субсидиардык жоопкерчилиги каралышы мүмкүн. Мында тобокелдиктерди азайтуу максатында Фонд субъекттин мүлкүнө карата биринчи же экинчи кезектеги күрөө кармоочу катары чыгууга укуктуу.";

- 10-пункттун биринчи абзацындагы "Кредиттик келишим" деген сөздөр "Кепилдик келишимин түзгөнгө чейин кредиттик келишим" деген сөздөргө алмаштырылсын;

- төмөнкүдөй мазмундагы 10-1-пункт менен толукталсын:

"10-1. Өлкөнүн экономикалык, азык-түлүк жана улуттук коопсуздугу үчүн стратегиялык мааниге ээ, уставдык капиталдагы катышуу үлүшүнүн 50 жана андан ашык пайызы мамлекетке таандык болгон субъекттерге кредиттик келишимдин мөөнөтүнүн жарымынан ашпаган, бирок 36 айдан ашык эмес мөөнөткө бир жолку комиссияны төлөө бөлүгүндө мөөнөтүн кийинкиге жылдыруу берилиши мүмкүн.";

- 21-пункт төмөнкүдөй редакцияда баяндалсын:

"21. Фонд түзүлгөн кепилдик келишиминин алкагында субъекттин ишине, анын ичинен бир жолку комиссиянын каражаттарынын эсебинен тиешелүү тармакта кесиптик иш тажрыйбасы бар көз карандысыз эксперттерди жана адистерди тартуу менен мониторинг жүргүзүүгө укуктуу.".

2. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

3. Бул токтом расмий жарыяланган күндөн тартып күчүнө кирет.

"Эркин Тоо" газетасынын 2023-жылдын 3-февралындагы № 8 (3457) жарыяланды