КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН

ТОКТОМУ

2022-жылдын 24-июну № 338

Автотранспорт каражаттарын Кыргыз Республикасынын жергиликтүү өз алдынча башкаруу органдарынын муниципалдык менчигине өткөрүп берүү жөнүндө

Жергиликтүү өз алдынча башкаруу органдарынын материалдык-техникалык базасын чыңдоо максатында, "Мүлккө муниципалдык менчик жөнүндө" Кыргыз Республикасынын Мыйзамына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Экономика жана коммерция министрлигине караштуу Мамлекеттик мүлктү башкаруу боюнча фонд Кыргыз Республикасынын Президентинин Кыргыз Республикасынын Ысык-Көл облусундагы ыйгарым укуктуу өкүлү менен биргеликте белгиленген тартипте төмөнкүлөрдү муниципалдык менчикке өткөрүп берсин:

- Кыргыз Республикасынын Ысык-Көл облусунун Жети-Өгүз районунун Тамга айыл өкмөтүнө 2005-жылы чыгарылган, кузовунун № VSKJVMR51U0029191, кыймылдаткычынын көлөмү 2500 см³ болгон кара түстөгү "Nissan Pathfinder" маркасындагы автомашинаны;

- Кыргыз Республикасынын Ысык-Көл облусунун Жети-Өгүз районунун Ак-Шыйрак айыл аймагына 2012-жылы чыгарылган, кузовунун № JN8FY15Y3CX590914, кыймылдаткычынын көлөмү 4,2 см³, мамлекеттик номери 09 KG 015 AC болгон ак түстөгү "Ниссан Патрол" маркасындагы автомашинаны;

- Кыргыз Республикасынын Президентинин Кыргыз Республикасынын Ысык-Көл облусундагы ыйгарым укуктуу өкүлүнүн аппаратынын автогаражына кыймылдаткычынын көлөмү 2,5 см³, кузовунун № 4T1BF3EKOBU593076, мамлекеттик номери 09 KG 124 AD болгон күмүш түстөгү "Тойота камри" маркасындагы автомашинаны.

2. Ушул токтомдун 1-пунктунда көрсөтүлгөн Кыргыз Республикасынын жергиликтүү өз алдыча башкаруу органдарына төмөнкүлөр сунушталсын:

- автотранспорт каражаттарын белгиленген тартипте муниципалдык менчикке кабыл алуу;

- автотранспорт каражаттарын жергиликтүү бюджеттин каражаттарынын чегинде күтүүнү камсыз кылуу;

- Кыргыз Республикасынын мыйзамдарына ылайык автотранспорт каражаттарын мамлекеттик органдарда кайра каттоону жүргүзүү.

3. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.