КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 23-июну № 320

Кыргыз Республикасынын Айыл чарба министрлигинин түзүмү жаатындагы Кыргыз Республикасынын Министрлер Кабинетинин айрым чечимдерине өзгөртүүлөрдү киргизүү жөнүндө

(Кыргыз Республикасынын Министрлер Кабинетинин 2023-жылдын 22-декабрындагы № 696 токтомунун редакциясына ылайык)

Кыргыз Республикасынын Президентинин 2021-жылдын 2-декабрындагы № 541 "Республикалык бюджеттин чыгашаларын оптималдаштыруу, мамлекеттик органдардын жана жергиликтүү өз алдынча башкаруу органдарынын бюджеттик каражаттарды пайдалануусунун натыйжалуулугун жогорулатуу боюнча чаралар жөнүндө" Жарлыгын ишке ашыруу максатында, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерин жетекчиликке алып, Кыргыз Республикасынын Министрлер Кабинети токтом кылат:

1. Тиешелүү штаты, финансылык жана материалдык-техникалык каражаттары, ошондой эле тиешелүү филиалдары менен функцияларды өткөрүп берүү аркылуу Кыргыз Республикасынын Айыл чарба министрлигине караштуу Жер ресурстары кызматы ага Кыргыз Республикасынын Айыл чарба министрлигине караштуу Жер ресурстары кызматынын алдындагы "Кадастр" мамлекеттик мекемесин кошуу жолу менен кайра уюштурулсун.

2. Кыргыз Республикасынын Министрлер Кабинетинин 2021-жылдын 6-августундагы № 116 "Кыргыз Республикасынын Айыл, суу чарба жана аймактарды өнүктүрүү министрлигинин ведомстволук бөлүмдөрү жана уюмдары жөнүндө" токтомуна төмөнкүдөй өзгөртүүлөр киргизилсин:

1) 3-пункттун 17-пунктчасы күчүн жоготту деп таанылсын;

2) жогоруда аталган токтомдун 3-тиркемесинде:

- 2-пункт "мамлекеттик агенттиктин" деген сөздөрдөн кийин "жана Кыргыз Республикасынын Айыл чарба министрлигине караштуу Жер ресурстары кызматынын алдындагы "Кадастр" мамлекеттик мекемесинин" деген сөздөр менен толукталсын;

- 6-пунктта "Кадастр" мамлекеттик мекемеси филиалдары менен" деген сөздөр "Кызматтын филиалдары" деген сөздөргө алмаштырылсын;

- 9-пункт төмөнкүдөй мазмундагы жетинчи-тогузунчу абзацтар менен толукталсын:

"- Кыймылсыз мүлккө укуктардын бирдиктүү мамлекеттик реестринин базасында Кыймылсыз мүлк боюнча мамлекеттик геомаалыматтык системаны түзүү жана актуалдаштыруу;

- өз компетенциясынын чегинде Мамлекеттик жер кадастрын түзүү жана жүргүзүү;

- кадастр жана кыймылсыз мүлккө укуктарды жана аны менен болгон бүтүмдөрдү каттоо системасын институттук өнүктүрүүнү камсыз кылуу.";

- 10-пункттун 3-пунктчасы төмөнкүдөй мазмундагы жыйырма биринчи-жыйырма төртүнчү абзацтар менен толукталсын:

"- кыймылсыз мүлккө салык салуу максаттары үчүн кыймылсыз мүлктү мамлекеттик баалоону (кайра баалоону) жүзөгө ашырууга катышуу;

- кыймылсыз мүлктүн салык салынуучу базасы боюнча реестрди түзүүнү камсыз кылуу;

- айыл чарба өндүрүшүнүн жоготууларынын жана алынбай калган пайданын ордун толтуруунун эсебин жүргүзүү;

- жерлерди бир категориядан башкасына которуу (трансформациялоо) боюнча жерге жайгаштыруу материалдарын түзүү.";

- 10-пункттун 5-пунктчасы төмөнкүдөй мазмундагы бешинчи-сегизинчи абзацтар менен толукталсын:

"- өз компетенциясынын чегинде маалыматтык ресурстарды, маалыматтык системалардын коопсуздугун камсыз кылуу боюнча талаптарды иштеп чыгууга жана өнүктүрүүгө катышуу;

- өз компетенциясынын чегинде Кыргыз Республикасынын мамлекеттик реестрлерин түзүү жана тейлөө;

- кыймылсыз мүлктү сатуу боюнча конкурстарды жана аукциондук тооруктарды өткөрүүгө белгиленген тартипте катышуу;

- өзүнүн компетенциясынын чегинде кыймылсыз мүлк боюнча талаштарды чечүүгө катышуу.";

11-пунктта:

он биринчи абзацта "мекемелери" деген сөз "мекемеси жана филиалдары" деген сөздөргө алмаштырылсын;

төмөнкүдөй мазмундагы он экинчи жана он үчүнчү абзацтар менен толукталсын:

"- Кыргыз Республикасынын мамлекеттик сатып алуулар жөнүндө мыйзамдарына ылайык товарларды, жумуштарды жана кызмат көрсөтүүлөрдү сатып алууну жүзөгө ашырууга;

- филиалдарды түзүүгө.";

төмөнкүдөй мазмундагы 17-1-пункт менен толукталсын:

"17-1. Кызматтын директорунан, директордун орун басарларынан башка Кызматтын кызматкерлери мамлекеттик кызматчы болуп саналбайт жана Кызматтын атайын эсебинде топтолгон каражаттардын эсебинен каржыланат.";

- 18-пунктта:

бешинчи абзац "түзүмдүк бөлүмдөрү" деген сөздөн кийин "жана филиалдары" деген сөздөр менен толукталсын;

алтынчы, он биринчи, он экинчи жана он төртүнчү абзацтарда ар түрдүү жөндөмөлөрдөгү "ишканасы жана мекемелери" деген сөздөр тиешелүү жөндөмөлөрдөгү "ишканасы, мекемеси жана филиалдары" деген сөздөргө алмаштырылсын;

сегизинчи абзац төмөнкүдөй редакцияда баяндалсын:

"- учурдагы финансылык жылга каралган каражаттардын чегинде Кызматтын ведомстволук мекемесинин, филиалдарынын түзүмүн, штаттык ырааттамасын, кирешелер жана чыгашалар сметасын бекитет;";

тогузунчу абзац төмөнкүдөй редакцияда баяндалсын:

"- Кызматтын кирешелер жана чыгашалар сметасына, жамааттык келишимдин шарттарына ылайык Кызматтын борбордук аппаратынын, филиалдарынын кызматкерлерине эмгек акы төлөөнүн шарттарын бекитет;";

он үчүнчү абзацта "жана мекемелеринин" деген сөздөр ", мекемесинин жана филиалдарынын" деген сөздөргө алмаштырылсын;

төмөнкүдөй мазмундагы он жетинчи абзац менен толукталсын:

"- бюджетти болжолдоо жана аткаруу боюнча ыйгарым укуктуу мамлекеттик орган менен макулдашуу боюнча Кызматтын атайын эсебинин каражаттарынын кирешелер жана чыгашалар сметасын бекитет.";

3) жогоруда аталган токтомдун 4-тиркемеси ушул токтомдун тиркемесине ылайык редакцияда баяндалсын.

3. Кыргыз Республикасынын Министрлер Кабинетинин 2021-жылдын 15-ноябрындагы № 264 "Кыргыз Республикасынын аткаруу бийлигинин мамлекеттик органдарынын жана Кыргыз Республикасынын башка мамлекеттик органдарынын, анын ичинде техникалык жана тейлөөчү персоналынын штаттык санынын чеги жөнүндө" токтомуна төмөнкүдөй өзгөртүүлөр киргизилсин:

1) жогоруда аталган токтомдун 1-тиркемесинде:

- 6-пунктта:

"Кыргыз Республикасынын Айыл чарба министрлиги" деген сапта "7528", "1541" деген цифралар тиешелүү түрдө "7491", "1529" деген цифраларга алмаштырылсын;

"ведомстволук бөлүмдөрү" деген сапта "7257", "1488" деген цифралар тиешелүү түрдө "7220", "1476" деген цифраларга алмаштырылсын;

эскертүүнүн 1-пункту төмөнкүдөй мазмундагы 3-1-пунктча менен толукталсын:

"3-1) атайын эсептерде топтолгон каражаттардан каржылануучу жана өзүн-өзү каржылоо принциптеринде иш жүргүзгөн Кыргыз Республикасынын Айыл чарба министрлигинин ведомстволук бөлүмдөрүнүн жана мекемелеринин;".

4. Кыргыз Республикасынын Министрлер Кабинетинин 2022-жылдын 4-мартындагы № 114 "Кыргыз Республикасынын Өкмөтүнүн Кыргыз Республикасынын Айыл чарба министрлигинин иш чөйрөсүндөгү айрым чечимдерине өзгөртүүлөрдү киргизүү жөнүндө" токтомунун 1-пунктунун 1-пунктчасынын бешинчи абзацы жана 5, 6-пунктчалары күчүн жоготту деп таанылсын.

5. Кыргыз Республикасынын Айыл чарба министрлигине караштуу Жер ресурстары кызматы (мындан ары - Кызмат) белгиленген тартипте:

1) кайра уюштурулуучу мекеменин бошотулуучу кызматкерлерин Кыргыз Республикасынын эмгек мыйзамдарына ылайык ишке орноштуруу боюнча чараларды көрсүн;

2) ушул токтомдон келип чыгуучу башка чараларды көрсүн.

6. Кыргыз Республикасынын Айыл чарба министрлигине кайра уюштурулуучу юридикалык жактардын өткөрүп берүү актыларын бекитүүгө ыйгарым укук берилсин.

7. Кызматтын ишин жүзөгө ашырууга чыгымдар, Кыргыз Республикасынын мамлекеттик чек арасын делимитациялоо, демаркациялоо жана 2023-2024-жылдары жерди инвентаризациялоо боюнча иштерге кеткен чыгымдарды кошпогондо, Кызматтын атайын эсебинин каражаттарынан каржыланат.

(Кыргыз Республикасынын Министрлер Кабинетинин 2023-жылдын 22-декабрындагы № 696 токтомунун редакциясына ылайык)

8. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

9. Бул токтом расмий жарыяланган күндөн тартып жети күн өткөндөн кийин күчүнө кирет.

Кыргыз Республикасынын Айыл чарба министрлигине караштуу Жер ресурстары кызматынын башкаруу СХЕМАСЫ