КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 29-сентябры № 515

Конфискацияланган, ээси жок жана кароосуз мүлктөрдү мамлекеттик менчикке өткөрүп берүү жана жок кылуу тартибинин маселелери боюнча айрым чаралар жөнүндө

Кыргыз Республикасынын Кылмыш-жаза кодексинин 69-беренесин, Кыргыз Республикасынын Укук бузуулар жөнүндө кодексинин 540-беренесин, Салыктык эмес кирешелер жөнүндө Кыргыз Республикасынын кодексинин 108-беренесин, "Сот аткаруучулардын статусу жөнүндө жана аткаруу өндүрүшү тууралуу" Кыргыз Республикасынын Мыйзамынын 95-беренесин ишке ашыруу максатында, Кыргыз Республикасынын Конституциясынын 91-беренесине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

2. Салык органдары кабыл алган, бирок ушул токтом күчүнө кирген учурда сатылбай калган мүлктөр ушул токтомдун 1-пунктунда көрсөтүлгөн Жобонун 16-пунктуна ылайык алардын компетенциясына ылайык ыйгарым укуктуу органдарга өткөрүп берилүүгө тийиш.

3. Ушул токтомдон келип чыккан бардык чыгымдар, тиешелүү жылга каралган мамлекеттик органдардын каражаттарынын чегинде жүргүзүлөт деп белгиленсин.

4. Кыргыз Республикасынын Министрлер Кабинетинин 2021-жылдын 10-декабрындагы № 302 "Кыргыз Республикасынын Финансы министрлигинин ведомстволук бөлүмдөрүнүн маселелери жөнүндө" токтомуна төмөнкүдөй өзгөртүү киргизилсин:

- жогоруда аталган токтом менен бекитилген Кыргыз Республикасынын Финансы министрлигине караштуу Мамлекеттик салык кызматы жөнүндө жободо:

14-пункттун 3-пунктчасынын он төртүнчү абзацы күчүн жоготту деп таанылсын.

5. Кыргыз Республикасынын Министрлер Кабинетинин 2023-жылдын 29-майындагы № 291 "Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин маселелери жөнүндө" токтомуна төмөнкүдөй өзгөртүүлөр киргизилсин:

- жогоруда аталган токтом менен бекитилген Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик жөнүндө жободо:

12-пункттун 1-пунктчасы төмөнкүдөй мазмундагы он сегизинчи абзац менен толукталсын:

"- конфискацияланган, ээси жок жана кароосуз мүлктөрдү эсепке алууну жүргүзүү;";

13-пункт төмөнкүдөй мазмундагы 25¹-пунктча менен толукталсын:

"25¹) конфискацияланган, ээси жок жана кароосуз мүлктөрдү эсепке алууну, анын ичинде башка мамлекеттик органдарды, жеке жана юридикалык жактарды тартуу менен жүргүзүү;".

6. Кыргыз Республикасынын Өкмөтүнүн 2014-жылдын 3-октябрындагы № 575 "Конфискацияланган, ээси жок жана мурастоо укугу мамлекетке өткөн мүлктү эсепке алуу, баалоо жана сатуу тартиби жөнүндө жобону бекитүү тууралуу" токтому күчүн жоготту деп таанылсын.

7. Бул токтом расмий жарыяланган күндөн тартып он күн өткөндөн кийин күчүнө кирет.

"Эркин-Тоо" мамлекеттик расмий гезитинин 2023-жылдын 10-октябрындагы № 81 (3530) саны менен жарыяланды