КЫЗЫЛ-КЫЯ ШААРДЫК КЕҢЕШИ

ТОКТОМ

2023-жылдын 17-февралы № 20/64

Кызыл-Кыя шаарындагы коомдук алдын алуу борборлорунун (КААБ) курамын жана 2023-жылга карата иш-чаралар планын бекитүү жөнүндө

Күн тартибиндеги маселени карап жана талкуулап чыгып, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын 2021-жылдын 20-октябрындагы №123 Мыйзамынын 27,34 беренелерине жана Кызыл–Кыя шаардык кеңешинин регламентине негиз, Кызыл-Кыя шаардык кеңешинин Укук коргоо, мыйзамдуулук, депутаттык этика, коомдук уюмдар, үрп адат, религия (диний) жана улуттар аралык маселелери боюнча туруктуу комиссиясынын 2023-жылдын 1-февралындагы № 8 протоколуна ылайык жана Кызыл-Кыя шаарынын мэри А. Маткалыковдун 2022-жылдын 21-декабрындагы №01-8/1222 кайрылуу катын эске алып, Кызыл-Кыя шаардык кеңешинин сессиясы

ТОКТОМ кылат:

1.  Кызыл-Кыя шаарында Коомдук алдын алуу борборлорунун (КААБ) ишин жандандыруу максатында, Кыргыз Республикасынын 2021-жылдын 5-майындагы №60 «Укук бузуулардын алдын алуунун негиздери жөнүндө» Мыйзамынын, 2005-жылдын 25-июнундагы №82 Кыргыз Республикасындагы «Укук бузуулардын алдын алуу жөнүндө» Мыйзамынын, Кыргыз Республикасынын Өкмөтүнүн 2015-жылдын 27-октябрындагы №747 Токтому менен бекитилген Коомдук алдын алуу борборлорунун типтүү уставынын 28-пунктуна ылайык Кызыл-Кыя шаарындагы коомдук алдын алуу борборлорунун (КААБ) курамы 1-тиркемеге ылыйык, 2023-жылга карата иш-чаралар планы 2-тиркемеге ылайык бекитилсин.

2.  Ушул токтомдун аткарылышын көзөмөлгө алуу жагы шаардык кеңештин укук коргоо, мыйзамдуулук, депутаттык этика, коомдук уюмдар, үрп адат, религия (диний) жана улуттар аралык маселелери боюнча туруктуу комиссиясына тапшырылсын.

Кызыл-Кыя шаарынын аймагында «Кызыл-Кыя-1» коомдук алдын алуу борборунун коомдук кеңешинин КУРАМЫ

Кызыл-Кыя шаарынын аймагында «Кызыл-Кыя-2» коомдук алдын алуу борборунун коомдук кеңешинин КУРАМЫ