ӨРҮКТҮ АЙЫЛДЫК АЙМАГЫНЫН ӨРҮКТҮ АЙЫЛДЫК КЕӉЕШИ

ТОКТОМ

Өрүктү айылдык кеңешинин VIII чакырылышынын кезексиз IX сессиясы

2023-жылдын 20-сентябры № 1

Өрүктү айыл өкмөтү жана Ала-Бука айыл өкмөттөрүн ирилештирип бириктирүү жөнүндө

Кыргыз Республикасынын Президентинин 2022-жылдын 18-октябрындагы “Кыргыз Республикасынын административдик-аймактык түзулүшүн өркүндөтүү жана региондорду өнүктүрүү боюнча андан аркы чаралар жөнүндө” ПЖ №350 Жарлыгына ылайык, Кыргыз Республикасынын Министрлер Кабинетинин Төрагасы – Кыргыз Республикасынын Президентинин Администрациясынын Жетекчисинде болгон кеңешменин №20-12 сандуу протоколунун 5-пунктунда көрсөтүлгөн тапшырмалардын негизинде, Ала-Бука райондук мамлекеттик администрациясынын 23.08.2023-жыл №202-б буйругуна жана Өрүктү айылдык аймагынын жергиликтүү жашоочуларынын жалпы жыйынынын 07.09.2023-жылдагы №3 Протоколуна ылайык Өрүктү айылдык кеңешинин VIII чакырылышынын кезексиз IХ сессиясы токтом кылат:

1.  Өрүктү айылдык кеңеши тарабынан Ала-Бука айыл өкмөтү менен Өрүктү айыл өкмөттөрү ирилештирилип, бириктирилгенге макулдук берилсин.

2.  Ала-Бука айыл өкмөтү жана Өрүктү айыл өкмөттөрү бириктирилгенден кийин аты Ала-Бука айыл өкмөтү болуп өзгөртүү жагы Ала-Бука райондук мамлекеттик администрациясына сунушталсын.

3.  Токтомду Ала-Бука райондук мамлекеттик администрациясынын www.alabuka.kg веб сайтына жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү Өрүктү айылдык кеңешинин жооптуу катчысына жүктөлсүн.

4.  Токтомдун аткарылышын көзөмөлдөө жагын өзүмө калтырамын.