ӨРҮКТҮ АЙЫЛДЫК АЙМАГЫНЫН ӨРҮКТҮ АЙЫЛДЫК КЕӉЕШИ

ТОКТОМ

Өрүктү айылдык кеңешинин VIII чакырылышынын кезексиз IX сессиясы

2023-жылдын 20-сентябры № 3

Өрүктү айылындагы көчөгө Алчынбаев Балтагулдун ысымын ыйгаруу жөнүндө

Өрүктү айылдык кеңешинин социалдык тармактар, укук, мыйзамдуулук, этика жана мандат, жаштар, спорт, маданият боюнча туруктуу комиссиясынын 2023-жылдын 19-майындагы отурумунун корутундусун угуп, Өрүктү айылдык кеңешинин VIII чакырылышынын кезексиз IХ сессиясы токтом кылат:

1.  Айылдык аймактын социалдык-экономикалык өнүгүүсүнө жана агартуу тармагынын абалын чыңдоого кошкон салымын эске алуу менен Өрүктү айыл аймагында 1946-жылы туулган, маркум Алчынбаев Балтагулдун ысымын Өрүктү айылындагы көчөгө (Жаштык 1) ыйгарууга уруксат берилсин.

2.  Жаңы аталышы боюнча көчө белгилерин даярдоо, аталган көчөнүн инфраструктурасын жакшыртуу, жарыктандыруу, сүрүп-тегиздөө жана башка демөөрчүлүк иштерин мүмкүнчүлүгүнө жараша аткаруусу маркумдун жакындарына сунушталсын.

3.  Аталган көчөнүн жаңы аталышы боюнча иш-кагаздарын Кыргыз Республикасынын Мыйзамдарына ылайык даярдоо маркумдун уулу Ж. Алчынбаевге милдеттендирилсин.

4.  Токтомду Ала-Бука райондук мамлекеттик администрациясынын www.alabuka.kg веб сайтына жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү Өрүктү айылдык кеңешинин жооптуу катчысына жүктөлсүн.

5.  Бул токтомдун аткарылышын көзөмөлдөө жергиликтүү кеңештин социалдык тармактар, укук, мыйзамдуулук, этика жана мандат, жаштар, спорт, маданият боюнча туруктуу комиссиясына тапшырылсын.