КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ  БОЮНЧА БОРБОРДУК КОМИССИЯСЫ

ТОКТОМ

2009-жылдын 4-сентябры № 257

Кыргыз Республикасынын Жогорку Кеңешинин депутатынын ыйгарым укуктарын мөөнөтүнөн мурда токтотуу жөнүндө

Кыргыз Республикасындагы шайлоо жөнүндө Кыргыз Республикасынын Кодексинин 10 жана 78-беренелерине ылайык, Кыргызстандын социал-демократтар партиясынын баштапкы ячейкасынын Джураев Мурат Каттабековичти Кыргызстандын социал-демократтар партиясына мүчөлүгүн токтотуу жөнүндө 2009-жылдын 1-сентябрындагы жыйналышынын берилген протоколунун негизинде Кыргыз Республикасынын Шайлоо жана референдум өткөрүү боюнча Борбордук комиссиясы

ТОКТОМ КЫЛАТ:

1. КСДПдан Кыргыз Республикасынын Жогорку Кеңешинин депутаты Джураев Мурат Каттабековичтин ыйгарым укуктары мөөнөтүнөн мурда токтотулсун.

2. Бул токтом "Эркин Тоо" газетасына жарыялансын.

3. Бул токтомдун аткарылышын көзөмөлдөө аппарат жетекчиси К.Базарбаевге жүктөлсүн.