КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2010-жылдын 18-майы № 33

Ала-Бука райондук референдум комиссиясынын курамына айрым өзгөртүүлөрдү киргизүү жөнүндө

Өздөрүнүн ыйгарым укуктарын тапшыруу жөнүндө арыздарын бергендигине байланыштуу, Кыргыз Республикасынын Убактылуу Өкмөтүнүн 2010-жылдын 21-апрелиндеги № 20 Декрети менен бекитилген "2010-жылдын 27-июнуна дайындалган, Кыргыз Республикасынын референдумун (жалпы элдик добуш берүү) өткөрүүнүн убактылуу Тартибинин" 15-пунктуна, Кыргыз Республикасынын Шайлоо жана референдум өткөрүү боюнча Убактылуу Борбордук комиссиясынын 2010-жылдын 30-апрелиндеги № 5 токтому менен бекитилген "Референдум (жалпы элдик добуш берүү) комиссияларын түзүү жана таратуу тартибине" ылайык, Кыргыз Республикасынын Шайлоо жана референдум өткөрүү боюнча Борбордук комиссиясы

ТОКТОМ КЫЛАТ:

1. Ала-Бука райондук референдум комиссиясынын курамына өзгөртүүлөр киргизилсин:

- "Туран" саясый партиясынан көрсөтүлгөн Кулмурзаева Чолпон комиссиянын курамынан чыгарылсын;

- жарандардын чогулушунан көрсөтүлгөн, комиссиянын мүчөсү Алматова Атыргүл Акназаровна комиссиянын курамынан чыгарылсын;

- жарандардын чогулушунан көрсөтүлгөн Хамдамов Зафар Закирович резервден комиссиянын курамына киргизилсин;

- "Ата-Мекен" партиясынан көрсөтүлгөн Темиралиев Керимбай резервден комиссиянын курамына киргизилсин.

2. Бул токтом "Эркин Тоо" гезитине жарыялансын.

3. Бул токтомдун аткарылышын көзөмөлдөө Кыргыз Республикасынын Шайлоо жана референдум өткөрүү боюнча Борбордук комиссиясынын мүчөсү Г.Т.Алымбековага жүктөлсүн.