КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2010-жылдын 01-июну № 60

Кыргыз Республикасынын чегинен тышкары жерлерде добуш берүү үчүн участкаларды түзүү жөнүндө

"Кыргыз Республикасындагы шайлоо жөнүндө" Кыргыз Республикасынын Кодексинин 2-беренесинин 2-пунктуна ылайык, чет өлкөлөрдүн аймагында турган Кыргыз Республикасынын жарандарынын шайлоо укуктарын ишке ашыруу үчүн шарттарды камсыз кылуу максатында Кыргыз Республикасынын Шайлоо жана референдум өткөрүү боюнча Борбордук комиссиясы,

ТОКТОМ КЫЛАТ

1.Кыргыз Республикасынын Тышкы иштер министрзгигинин сунушу боюнча Кыргыз Республикасынын элчилик өкүлчүлүктөрүнүн жана консулдук мекемелеринин алдында добуш берүү үчүн участкалар түзүлсүн ( № 1 тиркеме).

2. Кыргыз Республикасынын чегинен тышкары жерлерде добуш берүүу үчүн участкаларды түзүү жөнүндө маалымат жалпыга маалымдоо жаттарына жарыялансын.

3. Бул токтом Кыргыз Республикасынын Тышкы иштер министрлигине, Кыргыз Республикасынын Эмгек, ишке орноштуруу жана миграция министрлигине жөнөтүлсүн.

4.Бул токтомдун аткарылышын көзөмөлдөө Кыргыз Республикасынын Шайлоо жана референдум өткөрүү боюнча Борбордук комиссиясынын мүчөсү А.Д. Баялиновго жүктөлсүн.