КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2010-жылдын 21-июну № 107

Ош облусунун Өзгөн райондук референдум комиссиясынын курамына өзгөртүүлөрдү киргизүү жөнүндө

Кыргыз Республикасынын Убактылуу Өкмөтүнүн 2010-жылдын 21-апрелиндеги №20 Декрети менен бекитилип, 2010-жылдын 27-июнуна дайындалган "Кыргыз Республикасынын Референдумун (бүткүл элдик добуш берүү) өткөрүүнүн Убактылуу Тартибинин" 15-пунктуна, Кыргыз Республикасынын Шайлоо жана референдум өткөруү боюнча Убактылуу Борбордук комиссиясынын 2010-жылдын 30-апрелиндеги №5 токтому менен бекитилген «Референдум комиссияларын түзүүнүн жана таратуунун тартибине» жана Ош облусунун Өзгөн райондук референдум комиссиясынын протоколдорунун негизинде Кыргыз Республикасынын Шайлоо жана референдум өткөрүү боюнча Борбордук комиссиясы

ТОКТОМ КЫЛАТ:

1 Ош облусунун Өзгөн райондук референдум комиссияларынын курамына төмөнкүдөй өзгөртүүлөр киргизилсин:

-жарандардын чогулушунан көрсөтүлгөн Марипова Толгонай катчынын кызмат ордунан бошотулсун жана комиссиянын курамынан чыгарылсын;

-жарандардын чогулушунан көрсөтүлгөн Маткадырова Светлана Бообековна резервден курамга киргизилсин жана комиссиянын катчысы болуп бекитилсин;

-«Туран» партиясынан көрсөтүлгөн Кимсанов Салмоор комиссиянын курамынын мучөлүгүнөн чыгарылсын.

-«Кыргызстан Республикалык элдик партиясы» партиясынан көрсөтүлгөн Усманкулов Жаныбек Абдымаликович комиссиянын курамынан чыгарылсын.

-жарандардын чогулушунан көрсөтүлгөн Осмонов Каныбек резервден комиссисынын курамына киргизилсин.

-жарандардын чогулушунан көрсөтулгөн Ниязов Маматжунус Төрөкулович резервден комиссиянын курамына киргизилсин.

2 Бул токтом «Эркин-Тоо» газетасына жарыялансын.

3 Бул токтомдун аткарылышын көзөмөлдө Кыргыз Республикасынын Шайлоо жана референдум өткөрүү боюнча борбордук комиссиясынын мүчөсү Г.Т.Алымбековага жүктөлсүн.