КЫРГЫЗ РЕСПУБЛИКАСЫНЫН ШАЙЛОО ЖАНА РЕФЕРЕНДУМ ӨТКӨРҮҮ БОЮНЧА БОРБОРДУК КОМИССИЯСЫ

ТОКТОМ

2010-жылдын 9-октябры № 319

2010-жылдын 10-октябрында Кыргыз Республикасынын Жогорку Кеңешине шайлоодо депутаттыкка катталган талапкерлерди администрациялык жоонкерчиликке тартууга жана администрациялык укук бузуу жөнүндө ишти козгоого макулдук берүү тууралуу

"Шайлоо жөнүндө" Кыргыз Республикасынын Кодексинин 28-беренесинин 3-пунктунун ченемдерин жана "Администрациялык жоопкерчилик жөнүндө" Кыргыз Республикасынын Кодексинин 49-беренесин жүзөгө ашыруу максатында, 2010-жылдын 10-октябрында Кыргыз Республикасынын Жогорку Кеңешинин депутаттарын шайлоону натыйжалуу уюштуруу, шайлоо жана администрациялык мыйзамдын ченемдерин камсыз кылуу максатында, Кыргыз Республикасынын Шайлоо жана референдум өткөрүү боюнча Борбордук комиссиясы

ТОКТОМ КЫЛАТ

1. 2010-жылдын 10-октябрында Кыргыз Республикасынын Жогорку Кеңешинин депутаттарын шайлоодо депутаттыкка катталган талапкер Кибираева Айткүл Сабировнаны Борбордук шайлоо комиссиясы жалпыга маалымдоо каражаттарында шайлоонун жыйынтыктарын расмий жарыялаган күндөн тартып сот тартибинде салынуучу администрациялык жоопкерчиликке тартууга макулдук берсин.

2. 2. 2010-жылдын 10-октябрында Кыргыз Республикасынын Жогорку Кецешинин депутаттарын шайлоодо депутаттыкка талапкер Кибираева Айткүл Сабировнага карата Администрациялык жоопкерчилик жөнүндө" Кыргыз Республикасынын Кодексинин 49-беренесинин негизинде администрациялык укук бузуу жөнүндө иш козголсун, администрациялык укук бузуу жөнүндө иш боюнча өндүрүш жүргүзүлсүн жана карап чыгуу үчүн сотко өткөрүлүп берилсин.

3. Бул токтомдун аткарылышын көзөмөлдөө Кыргыз Республикасынын Шайлоо жана референдум өткөрүү боюнча Борбордук комиссиясынын мүчөсү Н.Т.Шериповго жүктөлсүн.