Кыргыз Республикасынын Куралдуу Күчтөрүндө тынчтык мезгилде (буюм кызматы боюнча) материалдык-техникалык каражаттарды чыгымдоо (жабдуу) ченемдери жөнүндө жобо

 I глава

Жалпы жоболор

1. Кыргыз Республикасынын Куралдуу Күчтөрүндө тынчтык мезгилде (буюм кызматы боюнча) материалдык-техникалык каражаттарды чыгымдоо (жабдуу) ченемдери жөнүндө ушул жобо Кыргыз Республикасынын Куралдуу Күчтөрүнүн буюмдук камсыздоосун уюштуруу максатында иштелип чыккан жана аскерлердин күжүрмөн даярдоо маселелерин чечүү, аларды дайым күжүрмөн жана мобилизациялык даярдыкта кармоо үчүн керектүү шарттарды түзүүгө багытталган.

2. Ушул Жободо колдонулчу терминдердин негизги түшүндүрмөлөрү:

буюмдук камсыздоо – ар тараптан камсыздоону уюштуруу жана аскер кызматчыларга жана аскердик бөлүктөргө буюм кызматынын материалдык-техникалык каражаттарын жеткирүү боюнча иш-чаралардын жыйындысы;

буюм мүлкү - кийимдер, бут кийим, ички кийим, жууркан-төшөк керек-жарактар, күзөт мүлкү жана жылуу буюмдар, атайын кийимдер, санитардык-чарбалык мүлк, жарандык кийимдер, спорт мүлкү жана аспаптар;

аскер кызматчылар - Кыргыз Республикасынын Куралдуу Күчтөрүнүн органдарында жана бөлүкчөлөрүндө аскер кызматын өтөп жаткан адамдар, аскерге милдеттүүлөр, жыйындарга чакырылган адамдар, аскердик окуу жайлардын курсанттары, ошону менен катар Советтер Союзунун Баатыры генерал-майор Д.Асанов атындагы аскер лицейинин тарбиялануучулары;

аскердик бөлүктөр – аскердик башкаруу органдары (Куралдуу Күчтөрдүн ведомстволору, органдары, аскерлер топтору), кошуундар, мекемелер, уюмдар, аскердик окуу жайлар, ошону менен катар Советтер Союзунун Баатыры генерал-майор Д.Асанов атындагы аскер лицейи;

камсыздоочу орган – аскер кызматчылардын жана аскердик бөлүктөрдүн буюмдук камсыздоо тапшырмаларын жүргүзүүчү жана ишке ашыруучу жана буюмдук камсыздоо жана буюм мүлкүнүн чыгымдоо (жабдуу) ченемдерин колдонуу тартиби маселелери боюнча көрсөтмө жана түшүндүрмө берүүгө укуктуу Кыргыз Республикасынын Куралдуу Күчтөрүнүн буюм кызматынын башкаруу органы (буюм бөлүмү, бөлүмчөсү);

буюм мүлкүнүн ордуна акчалай компенсация – аскер кызматчыга ушул Жобо менен каралган тартипте берүүгө тийиштүү болгон төлөнүүчү буюм мүлкүнүн наркынын акчалай суммасы;

күндөлүк чыгымдоо (жабдуу) мүлкү – тынчтык мезгилинде күнүмдүк жана атайын тапшырмаларды аткаруу максатында аскер кызматчыларды жана аскердик бөлүктөрдү камсыздоо үчүн багытталган материалдык- техникалык каражаттар;

жыйноо фондунун мүлкү – окуу жана түгөлдөө жыйындарына чакырылчу аскерге милдеттүүлөрдү камсыздоого арналган материалдык-техникалык каражаттар;

кол тийгис запастын мүлкү – аскерлердин мобилизациялык жайылтуусун камсыздоого жана согуш мезгилине запастарды түзүүгө арналган материалдык-техникалык каражаттар;

инвентардык буюмдар (мүлк) – жабдыктар, альпинисттик жана тоо жабдыктары, күзөт мүлкү жана жылуу буюмдар, атайын кийимдер, санитардык-чарбалык мүлк, спорт мүлкү жана инвентарь, чатырлар, брезенттер, тигүү инвентары, килем буюмдары жана жарандык кийим; такалоо жана араба мүлкү, көчмө мончо-кир жуу комплекстери жана чайынма кабиналары, турмуш-тиричилик тейлөө комбинаттары үчүн жабдуулар, аспаптар, запастык бөлүктөр жана инвентарь, буюм мүлкүн тигүү жана оңдоо боюнча бөлүмдөр, мүлктүк оңдоо устаканалары жана мүлк кампалары; мончо-кир жуу жабдуулары жана инвентарь;

буюм кызматы боюнча материалдык-техникалык каражаттар – буюм мүлкү, техникалык каражаттар, технологиялык жабдуу, көмөкчү жабдуу, такалоо жана араба мүлкү, жабдыктар, спорттук инвентарь, буюм мүлкүн тигүү жана оңдоо боюнча материалдар, чыгымдоо материалдары жана предметтер, жеке гигиена каражаттары, альпинисттик жана тоо мүлкү, чатырлар, брезенттер, килем буюмдар, бланктар, каттоо жана отчеттуулук китептери, ошондой эле камсыздоо буюм кызматына жүктөлгөн башка бланктар жана китептер;

чыгымдоо (жабдуу) ченемдери – бир адамга (аскердик бөлүктөрдө, дарылоо мекемелеринде, санаторийлерде, эс алуу үйлөрүндө, туристтик базаларда - бир штаттык койкага) же бир аскердик бөлүккө (бөлүкчөгө) берилүүчү предметтердин саны жана алардын пайдалануу (эксплуатациялоо) мөөнөттөрү;

буюм мүлкүн күтүү ченеми – аскердик бөлүктөрдө мөөнөттүү кызматтын бир аскер кызматчысына тийиштүү этке кийилүүчү, шейшеп, жылуу кийим жана сүлгүлөрдүн саны, ошондой эле, дарылоо мекемелеринде, санаторийлерде, эс алуу үйлөрүндө, туристтик базаларда жаңы түзүлүп жаткан (кайра түзүлүп жаткан) аскердик бөлүктөр үчүн баштапкы керектөөлөрүнө гана чыгымдалчу бир штаттык койкага предметтердин саны;

буюм кызматынын техникалык каражаттары – көчмө мончо-кир жуу комплекстери жана душ кабиналары, турмуш-тиричилик тейлөө комбинаттары үчүн машиналар, жабдуулар, аспап, запастык бөлүктөр жана инвентарь, буюм мүлкүн тигүү жана оңдоо боюнча бөлүмдөр, мүлктүк оңдоо устаканалары жана мүлк кампалары; мончо-кир жуу жабдуулары жана инвентарь;

буюм кызматынын органы – аскердик бөлүктүн буюм кызматы;

чыгымдоо материалдары жана предметтер – жиптер, фурнитура, оңдоо жана жуучу каражаттар, даарат кагаз, бет аарчылар, жеке гигиена каражаттары, көктөмө жакалар, чылгоолор, байпактар, пахтадан тигилген жана резина мээлейлер, брезент жана айкалышкан кол каптар, айырмалоочу белгилер, буюм мүлкүн оңдоо үчүн кездемелер жана материалдар, буюм кызматынын техникалык каражаттарын оңдоо жана тейлөө үчүн материалдар жана запастык бөлүктөр, кийимге жана бут кийимге кам көрүүчү каражаттар;

алмаштыруу фонду – пайдалануу мөөнөтү өткөн буюм мүлкү, ар кандай чарбалык иштердин түрүн аткаруу жана техниканы жана куралдарды тейлөө үчүн кийим катары пайдаланууга жарактуу өтүмсүз мүлк;

технологиялык жабдуу – аскердик кир жуугуч жайлары үчүн арналган кир жуугуч жабдуу, турмуш-тиричиликтик тейлөө комбинаттары, буюм мүлкүн тигүү боюнча бөлүмчөлөр, буюм мүлкүн оңдоо боюнча устаканалар үчүн арналган тигүү жана бут кийим тигүү жабдуусу;

көмөкчү жабдуу - тигүү, кир жуу, буюм мүлкүн оңдоо жана химиялык тазалоо процессине көмөк көрсөтүүчү жабдуу;

толугу менен эскирүү – аны түз багыты боюнча колдонууга мүмкүн болбогон буюм мүлкүнүн сапаттык абалы;

такалоо жана араба мүлкү – кызматтык жаныбарлар (аттар, эшектер, иттер) үчүн, ары-бери жүргөндө аларды башкаруу, жүктү (жүрүү, жарым-жартылай (убактылуу) сактоо) байлоо же ташуу максатындагы атайын аспаптар системасы; штаттык кызматтык жаныбарларды кармоо, багуу, үйрөтүү жана колдонуу үчүн атайын мүлк жана инвентарь;

буюм мүлкүнүн өтмө запасы – камсыздоо органы тарабынан аскерлерди жабдуунун кышкы жана жайкы пландары боюнча өз убагында чыгымдоо үчүн түзүлүүчү буюм мүлкүнүн запасы;

пайдалануу (эксплуатациялоо) мөөнөтү – материалдык-техникалык каражаттар түз багыты боюнча колдонууда болгон мезгил.

3. Мүлктүк камсыздоо тапшырмаларына төмөнкүлөр кирет:

а) чыгымдоо (жабдуу);

- кийимдер, бут кийим, ич кийим, жууркан-төшөк керек-жарактар, жарак-жабдыктар, күзөт мүлкү жана жылуу буюмдар, атайын кийимдер, санитардык-чарбалык кийимдер, спорттук кийимдер жана инвентарлар, жеке гигиена каражаттары, альпинисттик жана тоо мүлкү, чатырлар, брезенттер, килем бумдар жана жарандык кийимдер; ат такасы жана араба буюмдар менен;

- буюм мүлкүн тигүү жана оңдоо материалдар менен;

- буюм мүлкү боюнча каттоо жана отчеттуулук бланктары, китептери менен, ошондой эле буюм мүлкүнө жүктөлгөн башка бланктар жана китептер менен;

- мүлк кызматынын техникалык каражаттары, турмуш-тиричилик комбинаттары үчүн жабдуулар, аспаптар, запастык бөлүктөр жана инвентарь менен, буюм мүлкүн тигүү жана оңдоо боюнча бөлүмдөрдү, мүлктүк оңдоо устаканаларын жана мүлк кампаларын;

б) жуучу материалдарды, мончо-кир жуучу жабдууларды жана инвентарды чыгымдоо (жабдуу), ошондой эле аскер бөлүктөрүнүн жана мекемелердин өздүк курамын мончо-кир жуу жактан тейлөө;

в) мүлк кызматынын буюм мүлкүн жана техникалык каражаттарын оңдоону уюштуруу жана жүргүзүү;

г) чыгымдарды мүлк кызматынын беренелери боюнча каржылык пландоо жана көзөмөлдөө;

д) мүлк кызматынын материалдык-техникалык каражаттарын сактоо, мүлк кызматы боюнча каттоону жана отчеттуулукту уюштуруу жана жүргүзүү.

4. Кыргыз Республикасынын аскер кызматчылары жана аскердик бөлүктөрү материалдык-техникалык каражаттар менен чыгымдоо (жабдуу) ченемдери боюнча ушул Жобонун тиркемесине ылайык камсыздалат.

5. Буюм мүлкүнүн материалдык техникалык каражаттары камсыздоочу орган менен (тийиштүү бөлүкчөлөр аркылуу) борборлошуп камдалат жана аскерлердин (күчтөрдүн) пландык жабдуусуна колдонулат.

Аскердик бөлүктөр мүлктү үнөмдүү пайдалануунун, учурдагы камсыздоого чыгымдоонун (жабдуунун) ченемдери боюнча берилүүчү мүлктү туура пайдалануунун жана оңдоонун эсебинен сактоо ченемдери боюнча түгөлдүгүн камсыздайт.

Белгиленген ченемдерден ашыкча топтолгон буюм мүлкү ушул аскердик бөлүктө кармалат же камсыздоочу органдын көрсөтмөсү боюнча башка аскердик бөлүктөргө берилиши мүмкүн.

Буюм мүлкүн өз багыты боюнча эмес чыгымдоого жана пайдаланууга тыюу салынат.

6. Буюм мүлкү сапаттык абалына жараша үч төмөнкүдөй категорияга бөлүнөт:

1) биринчи категория – жаңы (мурда колдонулбаган) мүлк.

2) экинчи категория:

- мурда пайдаланылган (колдонууда же кампаларда турган), колдонуу мөөнөтү өтө элек жеке пайдалануу предметтери;

- инвентардык буюмдар, мөөнөттүү кызматтын аскер кызматчыларынын оңдобостон же оңдоодон кийин пайдаланууга жарактуу (колдонууда же кампаларда турган), белгиленген пайдалануу мөөнөттөрү өткөн же өтө элек экендигине карабастан, этке кийилчү, жылуу ич кийимдери жана бел курлары;

- мөөнөттүү кызматтын аскер кызматчыларынын мөөнөтү өткөн, бирок оңдобостон же оңдоодон кийин жумушчу кийим катары пайдаланууга жарактуу, жеке пайдалануу предметтери;

3) үчүнчү категория – өзүнүн түз дайындалышы боюнча андан ары пайдаланууга жараксыз, пайдалануу (эксплуатациялоо) мөөнөтү өткөн, белгиленген тартипте эсептен чыгарууга тийиштүү мүлк.

7. Контракт боюнча кызмат өтөп жаткан аскер кызматчыларга берилүүчү жеке колдонуудагы буюм мүлкүнүн предметтеринин колдонуу мөөнөтү предметти чыгымдоо (жабдуу) ченемдерине ылайык берген учурдан тартып эсептелинет.

Мөөнөттүү кызматтын аскер кызматчыларына берилүүчү жеке колдонуудагы буюм мүлкүнүн предметтеринин жана инвентардык мүлктүн пайдалануу мөөнөттөрү аларды пайдаланууга чыгымдоо (жабдуу) ченемдерине ылайык иш жүзүндө берүү күнүнөн тартып эсептелет.

Кампалардагы сактоо убактысы колдонуу (пайдалануу) мезгилине эсептелинбейт. Колдонууга (пайдаланууга) берилген буюм мүлкүнүн мезгилдүү предметтери үчүн бир мезгил ичиндеги колдонуу (пайдалануу) мөөнөтү бир жылга эсептелинет.

8. Максаттык багыты боюнча буюм мүлкү күнүмдүк чыгымдоо (жабдуу), жыйноо фондунун жана кол тийгис запастын мүлкүнө бөлүнөт.

9. Аскердик бөлүктүн сандык курамы өзгөргөндүгүнүн же жоюлуп кетишинин натыйжасында ашык болуп калган буюм мүлкү камсыздоочу органдын башка аскердик бөлүктөрдү пландык жабдууга көрсөтмөсү боюнча чыгымдалат.

Жабдуудан чыгарылган өтүмсүз буюм мүлкү жетекчинин чечимине ылайык башка аскердик бөлүктөргө (ведомстволорго) өткөрүлүп берилиши мүмкүн. Өтүмсүз мүлктү сапаттык абалынын себептери боюнча мындан ары кийип жүрүү (эксплуатациялоо) жараксыз болгон учурда бул мүлк белгиленген тартипте эсептен чыгарылат.

10. Өздүк курамга берилүүчү буюм мүлкү жеке колдонуу мүлкү жана инвентардык мүлк болуп бөлүнөт.

Жеке колдонуу мүлкү №1-7 чыгымдоо (жабдуу) ченемдери, инвентардык мүлк № 8-33 чыгымдоо (жабдуу) ченемдери боюнча ушул Жобонун тиркемелерине ылайык берилет.

11. Контракт боюнча кызмат өтөп жаткан аскер кызматчыларга берилүүчү жеке колдонуудагы буюм мүлкү жеке менчигине берилет. Жоголуп кеткен учурларда, ушул Жобонун 13-пунктунда көрсөтүлгөн учурлардан тышкары, ал төлөнүп берилүүгө тийиш эмес.

Контракттык кызматтын аскер кызматчыларынын буюм мүлкү жоголуп кеткенде, өзүнүн каражатынын эсебинен сатып алууга милдеттүү.

12. Мөөнөттүү кызматтын аскер кызматчыларына кийимдер, бут кийим жана жарак-жабдыктар (инвентардык буюмдардан жана жууркан-төшөк керек-жарактардан тышкары) жеке пайдаланууга берилет. Мөөнөттүү кызматтын аскер кызматчыларынын күнөөсү боюнча жоголуп кеткен учурда, аларга мурда колдонууда болгон мүлк берилет.

13. Жеке пайдалануудагы буюм мүлкү аскер кызматчынын күнөөсүнөн эмес, кызматтык жана жарандык милдетти аткаруу менен байланышкан себептер боюнча жоголуп кеткен (бузулган) учурларда аларга жоголуп кеткен же жараксыз абалга келген мүлктүн ордуна биринчи категориядагы мүлк берилет.

14. Буюм кызматынын техникалык каражаттары төмөнкүдөй беш категорияга бөлүнөт:

- биринчи категория – жаңы, жасаган заводдун кепилдик милдеттемелеринин чегинде жүгүртүлгөн (эксплуатациялоо менен);

- экинчи категория – жасаган заводдун кепилдик милдеттемелеринен жогору жүгүртүлгөн (иштелген, сактоо мөөнөтү менен) оң, эксплуатациялоодо турган;

- үчүнчү категория – орточо оңдоону талап кылган (технологиялык жана жардамчы жабдууларды белгиленбейт);

- төртүнчү категория – капиталдык оңдоону талап кылган;

- бешинчи категория – калыбына келтирүү мүмкүн эмес жана экономикалык жактан ылайыксыз, эсептен чыгарууга тийиш болгон (чектелген сактоо мөөнөтүн өтөгөн), эсептен чыгарууга чейин ресурсун (кызмат кылуу мөөнөтүн) өтөгөн.

Буюм мүлкүнүн жана техникалык каражаттардын сапаттык (техникалык) абалы (категориялуулугу) каттоо документтеринде жана формулярларда чагылдырылат.

15. Чыгымдоо материалдар жана предметтер категорияларга бөлүнбөйт жана пайдаланууга (эксплуатациялоого) берилгенден кийин аскердик бөлүктөрдү негизги каттоо китебинен жана карточкасынан түз чыгымдоо менен ушул Жобо менен белгиленген чыгымдоо (жабдуу) ченемдеринин чегинде эсептен чыгарылат.

16. Бир категориядан экинчисине которуу төмөнкүдөй жүргүзүлөт:

- биринчи категориядан экинчиге – таратуу ведомостторунун жана мүлктү берүүгө коштомо кагаздардын негизинде;

- үчүнчү жана кийинки категорияларга – сапаттык абалын өзгөртүү актыларынын негизинде.

17. Аскер кызматчыга чыгымдоо (жабдуу) ченемдерине ылайык берилүүгө тийиш болгон жеке колдонуу буюм мүлкүнүн ордуна акчалай компенсация запаска же отставкага бошотулганда, жаш курагы пенсияга чыгууга укук берген кызмат өтөгөн жылдарында, ден соолугунун абалы жана штаттардын кыскарышы, үй-бүлөлүк жана башка маанилүү жагдайлар боюнча, аскер кызматында жеңилдетип эсептегенде 20 жыл жана андан жогору контракт боюнча кызмат өтөп жаткан аскер кызматчыларга төлөнүп берилет.

Мында көрсөтүлгөн акчалай компенсация бошотулуу датасынан мурунку айда чыгымдоо (жабдуу) ченемдерине ылайык берилүүгө тийиш жаңы буюм мүлкүнүн ордуна төлөнөт.

Буюм мүлкүнүн наркын эсептөө аскердик бөлүктө болгон материалдык отчеттун акыркы маалыматтарынын негизинде жүргүзүлөт.

Материалдык отчётто буюм мүлкүнүн наркы жөнүндө маалыматтар жок болгон учурда, акчалай компенсацияны төлөө аскердик бөлүктүн ички текшерүү комиссиясынын аталган мүлктүн наркы жөнүндө документтердин негизинде ошол мүлктүн орточо базар баалары (маалымкаттары, прейскуранттары, прайс-листтери ж.б.) жөнүндө Кыргыз Республикасынын аймагында базардын орточо бааларына мониторинг өткөрүлгөндүгү жөнүндө күбөлөндүрүлгөн 3 (үч) нускадан кем түзүлгөн актысынын негизинде жүргүзүлөт.

18. Акчалай компенсация чыгымдоонун (жабдуунун) белгиленген ченемдери боюнча буюм мүлк предметтеринин ордуна төмөнкүдөй учурларда төлөнбөйт:

- жеңилдетип эсептөөдө 20 жылдан аз аскердик кызмат өтөгөн аскер кызматчысын бошотууда, Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен аскердик кызмат каралган мамлекеттик органдарында офицердик курамдын жана прапорщиктердин контракт боюнча аскердик кызматты өтөөсүнүн (запаста болуунун) тартиби жөнүндө жобонун (Кыргыз Республикасынын Өкмөтүнүн 2011-жылдын 25-апрелиндеги № 185 токтому менен бекитилген), 186-пунктунун 5-9-пунктчалары, 187-пунктунун 1 жана 3-пунктчалары боюнча, Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен аскердик кызмат каралган мамлекеттик органдарында жоокерлердин, сержанттардын жана старшиналардын курамдары тарабынан контракт боюнча аскердик кызматты өтөөнүн тартиби жөнүндө жобонун (Кыргыз Республикасынын Өкмөтүнүн 2011-жылдын 25-апрелиндеги № 186 токтому менен бекитилген) 115-пунктунун 5-9-пунктчалары жана 116-пунктунун 1 жана 3-пункту боюнча;

- параддык буюм мүлкү жана жарак-жабдыктар үчүн;

- жаш курагы боюнча запаска же отставкага бошотулганда, пенсия алууга укук берген кызматтык мөөнөтүнүн өтөгөн жылдарында, ден соолугунун абалы жана штаттардын кыскарышында, үй-бүлөлүк жана башка маанилүү жагдайлар боюнча, аскер кызматында 20 жыл жана андан жогору кызмат өтөгөн жеңилдетип эсептөөдө буюм мүлкүн берүүдө.

19. Аскер кызматчыларды жана аскердик бөлүктөрдү келерки жылга буюм кызматы боюнча каржылоо болбогон учурда, ведомствонун жетекчиси тарабынан күнүмдүк жашоо тиричиликти камсыздоо жана чыгымдоо (жабдуу) жана камсыздоо ченемдерине ылайык биринчи кезектеги тапшырмаларды аткаруу үчүн материалдык-техникалык каражаттардын кээ бир гана түрлөрүн берүү жөнүндө чечим кабыл алынат.

20. Машыгууларга, салтанаттуу иш-чараларга катышуу боюнча тапшырмаларды аткаруучу аскер кызматчыларды жана аскердик бөлүктөрдү камсыздоого арналган буюм мүлкүнүн үлгүлөрүн сатып алуу жана киргизүү учурларында ведомствонун жетекчиси тарабынан чыгымдоонун (жабдуунун) атайын жана ушундай буюм мүлктү колдонуу ченемдери бекитилет.

21. Сатып алынуучу жана буюм мүлкүнүн кайра киргизилчү түрлөрү жана үлгүлөрү камсыздоочу орган иштеп чыгуучу техникалык шарттарга (өзгөчөлөөгө) жана сыпаттоолорго, ошондой эле сапаттык талаптарга жана коопсуздукка (санитардык-эпидемиологиялык жана гигиеналык талаптарга) ылайык келиши керек.

II глава

Аскер кызматчыларды, аскер бөлүктөрдү жана мекемелерди камсыздоо

үчүн материалдык-техникалык каражаттарды чыгымдоо

22. Буюм кызматы боюнча материалдык-техникалык каражаттарды чыгымдоо (камсыздоо) буюм кызматынын тийиштүү органдары аркылуу төмөнкүдөй схема боюнча ишке ашырылат:

Камсыздоочу орган – ооруктун (материалдык-техникалык камсыздоо) кампалары – кошуун – аскердик бөлүк – бөлүкчө – аскер кызматчысы.

Буюм менен камсыздоо планы камсыздоочу орган тарабынан иштелип чыгат жана материалдык-техникалык камсыздоо маселелерин тескеген ведомствонун жетекчиси тарабынан бекитилет.

23. Аскердик бөлүктөр үчүн жабдуу пландарында буюм мүлкүнө болгон муктаждыктарды эсептөө өздүк курамдын тизме боюнча санына, жүргүзүлүп жаткан уюштуруу иш-чараларын эске алуу менен чыгымдоо (жабдуу) ченемдерине ылайык жүргүзүлөт.

Жабдуу пландарында аскердик бөлүктөрдө буюм мүлкүнүн белгиленген төмөндөбөс запасын сактап туруу ушул Жобонун 26, 34-пункттарына ылайык каралышы керек.

Аскердик бөлүктөрдүн керектөөлөрүнүн камсыздалышына жаңылардын баары, ошондой эле пландалуучу мезгилде колдонуу (эксплуатациялоо) мөөнөтү өтпөгөн мурда колдонулган буюм мүлкүнүн бары-жогу эсептелет. Мындан тышкары, аскердик бөлүктөрдүн буюм кызматынын көрсөтмөсү боюнча керектөөлөрүнүн камсыздалышына, колдонуу (эксплуатациялоо) мөөнөтү өтүп кеткен, бирок оңдоосуз же оңдоодон кийин түз дайындалышы боюнча пайдаланууга жарактуу инвентардык буюмдар эсептелет.

24. Аскер кызматчыларды камсыздоо үчүн өз убагында чыгымдоого (жабдууга) аскердик бөлүктөрдүн кампаларында буюм мүлкүнүн запастарын жыл сайын толтуруу төмөнкүдөй жүргүзүлөт:

- жабдуунун жайкы планы боюнча – 1-апрелге чейин;

- жабдуунун кышкы планы боюнча – 1-октябрга чейин.

Чыгымдоолор менен катар аскердик бөлүктөргө жабдуунун жайкы планы боюнча аларга контракт боюнча аскер кызматчыларга белгиленген буюм мүлкү учурдагы жылдын 1-июлуна чейин колдонуу мөөнөттөрү боюнча берилет.

Аскер кызматчылардын алдыдагы мезгилдин кийим формасына өз убагында өтүү максатында аскердик бөлүктөргө буюм мүлкүн өз убагында чыгымдоо (берүү) келерки жылдын жабдуу планынын эсебинен уруксат берилет.

25. Мүлктү чыгымдоонун (жабдуунун) белгиленген ченемдерине ашыкча берүүгө жана чыгымдоого тыюу салынат.

Мүлктү чыгымдоонун (жабдуунун) белгиленген ченемдеринен ашыкча берүүгө жана чыгымдоого жол берген адамдар “Аскер кызматчылардын материалдык жоопкерчилиги жөнүндө” Кыргыз Республикасынын Мыйзамына ылайык жоопкерчиликке тартылат.

26. Жеке колдонуучу буюм мүлкүнүн өтмө запасы жылдык чыгымдан 50 пайызга чейинки көлөмдө, ал эми мөөнөттүү кызматтын аскер кызматчыларына берилчү предметтер боюнча – алардын жылдык чыгымынан 100 пайыз сакталышы керек.

27. Айырмалоочу белгилер аскер кызматчыларга ушул белгилерди тагуу караштырылган кийимдердин ошол предметтерин берүү менен бир убакта чыгымдалат.

Мындан тышкары генералдарга кезектеги аскердик наамды ыйгарууда, ал эми офицерлерге майор аскердик наамын ыйгарууда погондор кийимдерди берүүгө карабастан берилет. Кенже офицердик курамдын фуражкаларын улук офицердик курамдыкына алмаштыруу кийинки пландык берүүнүн эсебинен жүргүзүлөт.

28. Аскер кызматчылар буюм мүлкү менен, алар тизмеде турган аскердик бөлүк аркылуу камсыздалат.

Өз алдынча аскердик чарба жүргүзбөгөн аскердик бөлүктөр, ошондой эле айрым аскер кызматчылар башка аскердик бөлүктөргө материалдык-техникалык камсыздоо маселелерин тескеген ведомствонун жетекчисинин орун басарынын тескемеси менен мүлктүк камсыздоого бекитилип берилет.

Контракт боюнча кызмат өтөп жаткан аскер кызматчылар буюм мүлкү менен түздөн-түз аскердик бөлүктүн буюм кызматы, ал эми аскердик бөлүктүн мөөнөттүү кызматынын аскер кызматчылары – бөлүкчөлөр аркылуу камсыздалат.

29. Буюм мүлкүн талап кылуу аскердик бөлүктөр менен (ошондой эле аларга бөлүкчөнү, айрым аскер кызматчыларын камсыздоого бекитилип берилгендер үчүн) камсыздоочу органга берилүүчү отчет-табыштамалар аркылуу жүргүзүлөт.

Отчет-табыштаманы толтуруунун ырастыгына жана тууралыгына аскердик бөлүктүн командири (мекеменин башчысы), командирдин (башчынын) оорук боюнча орун басары жана бөлүктүн (мекеменин) буюм кызматынын башчысы жооп берет.

Айрым учурларда жайгаштырууну жана которууну эске алуу менен аскердик бөлүктөр түздөн-түз ооруктун (материалдык-техникалык камсыздоодогу) борбордук кампаларына буюмдук камсыздоого бекитилип берилиши мүмкүн.

30. Буюм мүлкүн берүүгө кезексиз табыштамаларды берүү табигый кырсыктардын натыйжасында жоголгон мүлктү калыбына келтирүүгө күн мурун план менен каралбаган уюштуруу иш-чараларын камсыздоого гана, ошондой эле аскердик бөлүктү кайра жайгаштыруу (кайра көчүрүү) учурунда жана атайын тапшырмаларды аткарууда жол берилет.

31. Материалдык-техникалык каражаттар аскердик бөлүктөргө камсыздоочу органдын буюм мүлкүнүн түздөн-түз наряддары (разнарядкалары) боюнча чыгымдалат (жөнөтүлөт).

Материалдык-техникалык каражаттарды бөлүктөрдүн жана мекемелердин ортосунда которуу камсыздоочу органдын буюм мүлкүнүн түздөн-түз наряддары (разнарядкалары) боюнча жүргүзүлөт.

32. Өз алдынча чарба жүргүзбөгөн аскердик бөлүктөргө буюм мүлкү кампалардан алар бекитилген аскердик бөлүктүн коштомо кагаздары боюнча чыгымдалат (берилет).

33. Аскердик бөлүктөргө буюм мүлкү ар кандай размерлердеги жана өлчөмдөгү предметтердин пайыздык катышын аныктоочу белгилеген өлчөм боюнча сарпталат (берилет) .

34. Аскердик бөлүктөрдө аскер кызматчыларга буюм мүлкүн сарптоо (берүү) алардын өлчөмүн алгандагы (бою, көкүрөгүн, моюнун, башын курчап ченөө) маалыматтарына ылайык жүргүзүлөт.

Аскердик бөлүктөрдө буюм мүлкүн бою боюнча ылайыктап тигүү жана теңдөө үчүн кийимдердин жана бут кийимдин даяр предметтеринин төмөндөбөс запасы бул предметтерге болгон жылдык (бир жолку) керектөөдөн 10 пайыз өлчөмдө камтылышы керек.

35. Мөөнөттүү кызматтын аскер кызматчыларына берилүүчү жеке колдонуудагы буюм мүлкү жана инвентардык мүлк ведомствонун жетекчиси беките турган Буюм мүлкүнүн предметтерин энтамгалоо боюнча нускамага ылайык аскер бөлүктөрүндө милдеттүү түрдө энтамгалоого тийиш.

36. Аскердик бөлүктүн курамынан чыгууда, ал эми аскердик бөлүк кошуундун курамынан чыгууда айрым аскер кызматчыларга, командаларга, бөлүкчөлөргө, аскердик бөлүктөргө буюм мүлкүнө жаңы кызмат өтөгөн (жайгашкан) жери боюнча буюмдук камсыздоого киргизүүгө укук берген негизги документ болуп эсептелүүчү аттестат берилет.

Аттестаттар төмөнкүлөргө берилет:

- командаларга, бөлүкчөлөргө жана мөөнөттүү кызматтын аскер кызматчыларынын запаска бошотулуп жаткан аскер кызматчылардан тышкары, - аскердик бөлүктөрдүн буюм кызматынын башчылары тарабына;

- кошуундун курамындагы аскердик бөлүккө – кошуундун буюм кызматынын башчысы тарабынан.

37. Бир пункттан башка пунктка кайра жайгаштырылган аскердик бөлүктүн буюмдук камсыздоосуна киргизүү үчүн негиз болуп төмөнкүлөр эсептелет:

- жогору турган командачылыктын кайра жайгаштыруу жөнүндө буйругу (директивасы);

- камсыздоочу орган тарабынан мурда жайгашкан жери боюнча буюм мүлкүнө берилген аттестат;

- камсыздоочу орган тарабынан күбөлөндүрүлгөн акыркы отчет-табыштаманын көчүрмөсү.

Кайра түзүлүп жаткан аскердик бөлүктөр буюмдук камсыздоого жогору турган командачылыктын аларды түзүү жөнүндө директивасынын негизинде киргизилет.

Бөлүкчөлөрдү, өзүнчө командаларды жана айрым аскер кызматчыларды буюмдук камсыздоого киргизүү үчүн негиз болуп, аттестат жана аскердик бөлүктүн командиринин буйругу эсептелет.

38. Аскердик бөлүктөрдү (бөлүкчөлөрдү) кайра жайгаштырууда кетээрдин алдында буюм мүлкү менен алар кетип жаткан ошол жарым жылдыктын аягына чейин белгиленген план боюнча толуктап камсыздалат.

39. Аскерге милдеттүүлөр (аскердик бөлүктөргө 15 күндөн ашык мөөнөткө окуу жыйындары өткөрүлчү убакытка) буюм мүлкү менен ведомствонун эсебинен камсыздалат.

40. Жарандык министрликтерге жана ведомстволорго анык аскердик кызматта калтыруу менен иштөө үчүн алардын карамагына жөнөтүлгөн контракт боюнча аскер кызматчылар буюм мүлкү менен алар үлүштүк камсыздоодо турган аскердик бөлүктүн эсебинен камсыздалат.

Жарандык жогорку окуу жайлардын аскердик кафедраларына дайындалган офицердик курамдагы адамдар, ошондой эле чарбалык эсеп уюмдарында жана өндүрүштүк иштери ведомствонун жетекчисинин буйругу менен аныкталган ишканаларда кызмат өтөп жаткандар буюм мүлкүн жалпы негиздерде ведомствонун сметасынын жана фонддорунун эсебинен алышат.

41. Тартиптик бөлүктөрдө жазасын өтөгөн аскер кызматчылар буюм мүлкү менен мөөнөттүү кызматтын аскер кызматчылары үчүн белгиленген чыгымдоо (жабдуу) ченемдери боюнча камсыздалат.

42. Кылмыш иши козголгондугуна байланыштуу карамакта турган контракттык кызматтын аскер кызматчылары үчүн колдонуу мөөнөттөрүн эсептөө – карамакта болгон бардык учурга жана кылмыш иши боюнча акыркы чечим кабыл алынганга чейин токтотулат.

43. Аскер кызматчыларды, аларды буюм үлүшү менен канааттандырылбашы жөнүндө арыздары жана нааразылыктары белгиленген тартипте эсепке алынат, караштырылат жана чечим чыгарылат.

III глава

Офицердик курамды камсыздоо үчүн буюм мүлкүн сарптоо

44. Офицердик курамдын адамдары буюм мүлкүн алууга чыгымдоонун (жабдуунун) белгиленген ченемдери боюнча биринчи офицердик наамды ыйгаруу менен укуктуу болот.

Офицердик курамга буюм мүлкүнүн предметтерин кийинки берүү мурда алган буюмдардын белгиленген колдонуу мөөнөтү аяктагандан кийин жүргүзүлөт.

Жогорку офицердик курамдын биринчи аскердик наамын ыйгарууда мурунку наамында алган буюм мүлкү камсыздалгандыкка эсептелбейт.

Аскердик кызматка белгиленген тартипте киргизилген офицерлер аларды аскердик кызматка аныктаган күндөн баштап буюм мүлкүн алууга укуктуу болушат. Бул офицерлерге буюм мүлкүн берүү алардын кызмат өтөө жерине келгенден баштап жүргүзүлөт. Буюм мүлкүн кийинки берүү чыгымдоонун (жабдуунун) белгиленген ченемдери боюнча кызмат мөөнөтүн узартканда жүргүзүлөт.

45. Бир аскердик бөлүктөн башка бөлүккө которууда офицердик курамдын адамдарына мурда кызмат өтөгөн жери боюнча колдонуу мөөнөттөрү боюнча белгиленген бардык буюм мүлкү берилет.

Офицердик курамдагы адамдарды жалпы аскердик кийим формасы белгиленген аскердик бөлүктөрдөн учуу-техникалык бөлүктөргө, атайын дайындалыштагы бөлүкчөлөргө, Мамлекеттик чек ара кызматына которууда жана тескерисинче мурдагы кызмат өтөгөн жери боюнча буюм мүлкү менен кошумча камсыздоо жүргүзүлбөйт. Бул учурда тийиштүү форма кийиминин кийимдерин берүү жаңы кызмат ордуна келгенде жүргүзүлөт. Мындагы колдонуу мөөнөттөрү мурда алынган аты уйкаш предметтердин колдонуу мөөнөттөрү аяктаган күндөн баштап эсептелет.

Фуражкаларды, погондорду жана эмблемаларды алмаштыруу (зарылдыкка жараша) кезектеги пландык берүүнүн эсебинен жүргүзүлөт.

46. Офицердик курамдын адамдары аскердик бөлүктөрдүн тизмелеринде калтырылып, жакшыртуу (кайра даярдоо) курстарына кетүүдө белгиленген буюм мүлкү менен кетип жаткан күнү камсыздалат. Инвентардык буюмдар аскердик бөлүктүн буюм кампасына тапшырылат. Аскердик бөлүктүн командиринин уруксаты менен инвентардык буюмдардын иш сапардагы адамдарда колдонгонго калтырылат. Бул учурда буюм мүлкүнө аттестат берилбейт.

47. Офицердик курамдын адамдары аскердик бөлүктөрдүн тизмелеринде калтырылып, узак иш сапарларга кетүүдө ал кетип жаткан аскердик бөлүктүн жеке колдонулчу буюм мүлкү менен иш сапардын бардык мезгилине камсыздалат. Аскердик бөлүктүн (мекеменин) командиринин (башчысынын) уруксаты мене иш сапардагы адамдарда инвентардык буюмдарды колдонгонго калтырууга уруксат берилет. Буюм мүлкүнө аттестат берилбейт.

48. Аскердик-дарыгердик мекемелерде дарыланууда жүргөн офицердик курамдын адамдары буюмдук камсыздоодо кызмат өтөгөн жери боюнча турат.

49. Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен каралган мамлекеттик органдарында офицердик курамдын жана прапорщиктердин аскердик кызматты өтөөсүнүн (запаста болуунун) тартиби жөнүндө жобонун (Кыргыз Республикасынын Өкмөтүнүн 2011-жылдын 25-апрелинде № 185 токтому менен бекитилген) 186, 187, 188-пункттарынын тийиштүү пунктчаларына ылайык, аскердик кызматтан запаска же отставкага, жаш курагы боюнча, пенсияга укук берчү кызмат өтөгөн жылдары боюнча, ден соолугунун абалы жана штаттардын кыскартылышы, үй-бүлөлүк жана башка жагдайлар боюнча запаска бошотулуп жаткан аскердик кызматта жеңилдетип эсептөөдө 20 жана андан көп жыл иштеген офицердик курамдын адамдары бошотулган күнү белгиленген буюм мүлкү (буюмдар бошотулган айда берилүүгө, алуу укугуна тийиш болгондо) же буюм мүлкүнүн ордуна акчалай компенсация менен камсыздалат. Инвентардык мүлк аскердик бөлүктөрдүн буюм кампаларына тапшырылат.

Офицердик курамдын адамдары үчүн бошотулган күн болуп, бул адамдар аскердик бөлүк боюнча буйрук менен бөлүктүн өздүк курамынын тизмесинен чыгарылган күн эсептелет.

Офицердик курамдын адамдарын аскердик кызматтан Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен каралган мамлекеттик органдарында офицердик курамдын жана прапорщиктердин контракт боюнча аскердик кызматты өтөөсүнүн (запаста болуунун) тартиби жөнүндө жобонун (Кыргыз Республикасынын Өкмөтүнүн 2011-жылдын 25-апрелинде № 185 токтому менен бекитилген) 186-пунктунун 5-9-пунктчалары боюнча, 187-пунктунун 1 жана 3-пунктчалары боюнча бошотууда аларга берилген колдонуу мөөнөтү өтө элек буюм мүлкүнүн наркы алардан эсептен чыгарылууга тийиш бөлүктүн финансы кызматынын бухгалтериясынын материалдык отчету боюнча бул мүлктүн наркына ылайык эсептелген суммада төлөтүп алынууга тийиш.

Бул учурда жабдуу ченемдери боюнча тийиштүү болгон жана белгиленген мөөнөттөрдө берилбеген буюм мүлкүнүн предметтеринин наркы эске алынат. Наркы, берилбеген буюм мүлкүнүн предметтери колдонулуш керек болгон убакытка пропорционалдуу эсептелген суммада аныкталат. Мында, буюм мүлкүнүн предметтери бошогон күндөгү компенсация наркы боюнча колдонулуп, кармалган сумманы төлөө эсебине киргизилет.

Үстөктүн суммасын төлөөгө аскер кызматчыга мурун берилген, белгиленген үлгүдөгү колдонулбаган жаңы буюм мүлкүнүн предметтеринин аларды аскер кызматчыларды пландык жабдууга кийинки берүү үчүн бөлүктүн буюм кампасына кабыл алууга уруксат берилет.

50. Генералдын (офицердин) аскердик-дарылануу мекемесинде каза болгон учурунда каза болгонду көмүү үчүн ага тийиштүү параддык же күнүмдүк кийимди кийгизишет. Госпиталдык буюмдардын ичинен каза болгонду көмүү үчүн туфли, байпак, жаздык кап жана эки астынкы шейшеп берилет. Жеке буюмдары каза болгондун жакындарына берилет.

51. Офицердик курамга жеке колдонуу буюм мүлкү даяр түрдө берилет, тигүү комбинаттарынын болушунда ордерлер боюнча тигилет же материал менен берилет.

52. Аскердик кийимдерди жеке тигүү эреже катары, турмуш-тиричиликтик тейлөө комбинаттарында, ал эми өзгөчө учурларда – жарандык уюмдардын тигүү ишканаларында жүргүзүлөт.

IV глава

Прапорщиктерди, жоокерлердин, сержанттардын жана старшиналардын кызматтарында турган аскер кызматчыларды камсыздоо үчүн буюм мүлкүн чыгымдоо

53. Прапорщиктер аскердик бөлүктүн командиринин буйругу менен кызматка дайындаган күндөн тартып буюм мүлкүн алууга укуктуу болушат.

Жоокерлердин, сержанттардын жана старшиналардын кызматтарында турган контракттык кызматтын аскер кызматчылары аскердик бөлүктүн командиринин буйругу менен өздүк курамдын тизмесине киргизген күндөн тартып буюм мүлкүн алууга укуктуу болушат.

Прапорщиктер жана аскердик кызматка запастан кабыл алынган жоокерлердин, сержанттардын жана старшиналардын кызматтарында турган контракттык кызматтын аскер кызматчылары буюм мүлкү менен кызмат өтөө жерине келгенде камсыздалат.

54. Аскердик кызматка прапорщиктер жана жоокерлердин, сержанттардын жана старшиналардын кызматындагы контракттык кызматтын аскер кызматчылары катары биринчи кабыл алынган адамдарга буюм мүлкүнүн толук комплекти даяр түрдө берилет. Кийинки берүүлөр мурда алган буюмдарынын белгиленген колдонуу мөөнөттөрү аяктагандан кийин жүргүзүлөт.

55. Мөөнөттүү аскердик кызмат өтөгөн жана аскердик кызматка жоокерлердин, сержанттардын жана старшиналардын кызматындагы контракттык кызматтын аскер кызматчылары жана прапорщиктери катары кабыл алынып, ушул Жобонун 34-тиркемесине ылайык запаска бошотулуп жаткан мөөнөттүү аскердик кызматтын аскер кызматчыларынын буюм мүлкүнүн предметтеринин тизмесинде көрсөтүлгөн жеке колдонуу мүлкү алардын менчигине өтүп, камсыздалгандыкка эсептелбейт.

56. Прапорщиктерге жана жоокерлердин, сержанттардын жана старшиналардын кызматындагы контракттык кызматтын аскер кызматчыларына аскердик кызматтын мөөнөтүн узартууда же аларды кайра аскердик кызматка беш айдан көп эмес тыныгуудан кийин кабыл алууда буюм мүлкү мурда алган предметтердин колдонуу мөөнөтү аяктагандан кийин берилет. Колдонуу мөөнөттөрү календардык тартипте эсептелинет.

57. Прапорщиктерге жана жоокерлердин, сержанттардын жана старшиналардын кызматындагы контракттык кызматтын аскер кызматчыларына офицердик наамды ыйгарууда мурун аларга офицердик үлгүдөгү бумдар камсыздалгандыкка эсептелет.

58. Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен аскердик кызмат каралган мамлекеттик органдарында офицердик курамдын жана прапорщиктердин контракт боюнча аскердик кызматты өтөөсүнүн (запаста болуунун) тартиби жөнүндө жобосуна (Кыргыз Республикасынын Өкмөтүнүн 2011-жылдын 25-апрелиндеги № 185 токтому менен бекитилген) жана Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен аскердик кызмат каралган мамлекеттик органдарында жоокерлердин, сержанттардын жана старшиналардын курамдары тарабынан контракт боюнча аскердик кызматты өтөөнүн тартиби жөнүндө жобосуна (Кыргыз Республикасынын Өкмөтүнүн 2011-жылдын 25-апрелиндеги № 186 токтому менен бекитилген) ылайык аскер кызматында жеңилдетип эсептөөдөдө 20 жана андан жогору жыл кызмат өтөгөндөр, жаш курагы, пенсияга чыгууга укук берген кызмат өтөгөн жылдары, ден соолугунун абалы жана штаттардын кыскарышы, үй-бүлөлүк жана башка маанилүү жагдайлар боюнча запаска же отставкага бошотулуп жаткан жоокерлердин, сержанттардын жана старшиналардын кызматында турган контракттык кызматтын прапорщиктери жана аскер кызматчылары бошотулган күнү белгиленген буюм мүлкү (буюмдар бошотулган айда берилүүгө, алуу укугуна тийиш болгондо) же буюм мүлкүнүн ордуна акчалай компенсация менен камсыздалат.

Инвентардык буюмдар аскердик бөлүктөрдүн буюм кампаларына тапшырылат.

Бошотулуп жаткандарда болгон буюмдарга буюм аттестаты жазылат, алар бошотулуп жаткандын жеке делосуна тиркелет.

59. Прапорщиктерди аскердик кызматтан Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен аскердик кызмат каралган мамлекеттик органдарында офицердик курамдын жана прапорщиктердин контракт боюнча аскердик кызматты өтөөсүнүн (запаста болуунун) тартиби жөнүндө жобонун (Кыргыз Республикасынын Өкмөтүнүн 2011-жылдын 25-апрелинде № 185 токтому менен бекитилген) 186-пунктунун 5-9-пунктчалары жана аскердик кызматтан жоокердик, сержанттык жана старшиналык кызматтардан турган контракттык кызматтын аскер кызматчыларын Кыргыз Республикасынын Куралдуу Күчтөрүндө, башка аскердик түзүлүштөрүндө жана мыйзам менен аскердик кызмат каралган мамлекеттик органдарында жоокерлердин, сержанттардын жана старшиналардын курамдары тарабынан контракт боюнча аскердик кызматты өтөөнүн тартиби жөнүндө жобонун (Кыргыз Республикасынын Өкмөтүнүн 2011-жылдын 25-апрелинде № 186 токтому менен бекитилген) 115-пунктунун 5-9-пунктчалары, 116-пунктунун 1 жана 3-пунктчалары боюнча бошотууда аларга берилген колдонуу мөөнөтү өтө элек буюм мүлкүнүн наркы алардан эсептен чыгарылууга тийиш бөлүктүн финансы кызматынын бухгалтериясынын материалдык отчету боюнча бул мүлктүн наркына ылайык эсептелген суммада төлөтүп алынууга тийиш.

Бул учурда жабдуу ченемдери боюнча тийиштүү болгон жана белгиленген мөөнөттөрдө берилбеген буюм мүлкүнүн предметтеринин наркы эске алынат. Наркы, берилбеген буюм мүлкүнүн предметтери колдонулуш керек болгон убакытка пропорционалдуу эсептелген суммада аныкталат. Мында, буюм мүлкүнүн предметтери бошогон күндөгү компенсация наркы боюнча колдонулуп, кармалган сумманы төлөө эсебине киргизилет.

Үстөктүн суммасын төлөөгө аскер кызматчыга мурун берилген, белгиленген үлгүдөгү колдонулбаган жаңы буюм мүлкүнүн предметтеринин аларды аскер кызматчыларды пландык жабдууга кийинки берүү үчүн бөлүктүн буюм кампасына кабыл алууга уруксат берилет.

60. Прапорщиктерге жана жоокерлердин, сержанттардын жана старшиналардын кызматында турган контракттык кызматтын жана аскер кызматчыларына ушул Жобонун 45, 46, 47, 48-пункттары менен белгиленген буюм мүлкү менен камсыздоо тартиби которууларда, өркүндөтүү (кайра даярдоо) курстарына, узакка чейинки иш сапарларга кеткенде, дарыланууда жүргөндө жайылтылат.

V глава

Аял аскер кызматчыларын камсыздоо үчүн буюм мүлкүн чыгымдоо

     61. Аял аскер кызматчыларын буюм мүлкү менен камсыздоо ушул Жобонун III, IV главаларынын тийиштүү категориядагы аскер кызматчылары үчүн жазылган тартипте жана чыгымдоо (жабдуу) ченемдеринин негизинде ушул Жобонун 4-тиркемесине ылайык жүргүзүлөт.

62. Аял офицерлер, аял жоокерлердин, сержанттардын жана старшиналардын кызматында турган контракттык кызматтын аскер кызматчылары бала багуу боюнча өргүүгө кеткенде буюм мүлкүн берүү жүргүзүлбөйт жана мурда берилген буюм мүлкүнүн предметтеринин колдонуу мөөнөттөрү өргүүнүн бардык мезгилине токтотулат, ал эми өргүүдөн чыккандан кийин кайрадан башталат.

VI глава

Мөөнөттүү аскердик кызматтын аскер кызматчыларын

камсыздоо үчүн буюм мүлкүн чыгымдоо

63. Мөөнөттүү кызматтын бир аскер кызматчысына камсыздоо ченемдери төмөнкүдөй белгиленген: жылуу ич кийимден 2 комплект, этке кийилүүчү кийимден (жайкы) 4 комплект, сүлгүдөн 4 даана, астынкы шейшептен 6 даана, үстүнкү жаздык кап 4 даана.

64. Мөөнөттүү аскердик кызматка чакырылган адамдарга буюм мүлкүн чыгымдоо (берүү) алардын кызмат өтөө жерине келгенде жана аскердик бөлүктөрдүн тизмесине киргизүүдө жүргүзүлөт.

Буюм мүлкүн кийинки берүү төмөнкүдөй жүргүзүлөт:

- жеке колдонуу предметтери – мурда берилген колдонуу мөөнөттөрү өткөндө;

- инвентардык мүлк – ал эскиргендиги боюнча, бирок колдонуунун (эксплуатациялоонун) белгиленген мөөнөтү өткөндөн эрте эмес.

Кийимдер даяр түрдө берилет.

65. Мөөнөттүү аскердик кызматтын аскер кызматчыларына берилчү буюмдар энтамгаланат жана дыкат ылайыкталып тигилет.

Зарылдыкка жараша кийимдерди ылайыктап тигүү буюм оңдоо устаканасында аскердик бөлүктүн буюм кызматынын башчысынын жетекчилиги алдында жүргүзүлөт.

66. Мөөнөттүү аскердик кызматтын аскер кызматчыларына жаңы кийим берүү менен бир эле убакта жумушчу кийим да берилет.

67. Жумушчу кийим аскердик бөлүктөрдө анык муктаждыктын чегинде топтолот жана сакталат.

68. Мөөнөттүү аскердик кызматтын аскер кызматчыларына кезектеги буюм мүлкүн берүүдөн кийин мурда берилген колдонуу мөөнөтү аяктаган буюмдар аскердик бөлүктүн кампасына тапшырылат жана жумушчу кийим катары колдонулат же камсыздоочу органдын көрсөтмөсү боюнча колдонулат.

69. Мөөнөттүү аскердик кызматка чакырылган адамдардын жеке кийими аларга аскердик кийим берилгенден кийин алардын каалоосу боюнча жакын адамдарына (туугандарына) берилет же таңгакталат жана бөлүкчөнүн буюм сактоочу жайына сактоого берилет.

Жеке кийимин жакын адамдарына (туугандарына) берүүдө 2 (эки) нускадагы өткөрүп берүү ведомосту таризделип, ага алуучу жана аскер бөлүгүнүн ыйгарым укуктуу кызмат адамы кол коюшат. Ведомость өткөрүлүп берилүүчү кийимдин ээси мөөнөттүү аскердик кызматка чакырылган бөлүкчөдө сакталат.

Жеке кийимин бөлүкчөнүн буюм сактоочу жайына тапшырууда 2 (эки) нускадагы тизме таризделип, ага мөөнөттүү аскердик кызматка чакырылган адам жана аскер бөлүгүнүн мүлктү кабыл алуучу ыйгарым укуктуу кызмат адамы кол коюшат.

70. Мөөнөттүү кызматтын аскер кызматчыларын аскердик-дарылануу мекемелерине жиберүүдө жана өргүүгө кетүүдө аларда пайдаланууда болгон мезгил боюнча кийимдин комплектиси менен кетишет. Калган буюм мүлкү аскердик бөлүктүн бөлүкчөсүнүн буюм сактоо жайына кайтарылууга берилет.

71. Мөөнөттүү кызматтын аскер кызматчыларына буюм мүлкүнүн предметтери бөлүкчөлөрдө чыгымдоо (жабдуу) ченемдеринде каралган эсепте сакталат. Артып калган мүлк аскердик бөлүктүн буюм кампасына тапшырылат.

72. Мөөнөттүү кызматтын аскер кызматчыларын бир бөлүктөн башкасына которууда алар которулган күнү чыгымдоо (жабдуу) ченемдери боюнча бардык тийиштүү предметтер менен камсыздалат.

Аскердик окуу жайларга кирүү экзамендерин тапшыруу үчүн жөнөтүлүп жаткан мөөнөттүү аскердик кызматтын аскер кызматчылары аларда мезгил боюнча кийип жүрүүдө ушул Жобонун 34-тиркемесине ылайык белгиленген тизме боюнча болгон кийимдердин комплектиси менен кетишет. Алардын колдонуусунда болгон калган буюмдар аскердик бөлүктө калат жана кирүү экзамендерин тапшыра албаган аскер кызматчыларды ордуна кайтарууда алардын колдонуусуна кайра берилет.

Кетип жаткан аскер кызматчыларда болгон буюмдарга иш сапар жазма буйругунда бул жөнүндө белгилөө менен аттестат берилет.

73. Башка кийим формасы белгиленген аскердик бөлүккө келген мөөнөттүү аскердик кызматтын аскер кызматчыларынын кийимдерин жана айырмалоочу белгилерин алмаштыруу аскер кызматчылар которулган аскердик бөлүк менен күнүмдүк камсыздоодогу жаңы же мурда колдонулган, бирок колдонууга жарактуу мүлктүн эсебинен жүргүзүлөт.

Алмаштырылган буюм мүлкүнүн предметтери аскердик бөлүктүн буюм кампасына тапшырылат жана камсыздоочу органдын көрсөтмөсү боюнча колдонулат.

74. Мөөнөттүү аскердик кызматтын аскер кызматчылары аларда ушул Жобонун 34-тиркемесине ылайык белгиленген тизме боюнча колдонууда болгон мезгил боюнча буюм мүлкүнүн предметтери менен запаска бошотулат. Өз каалоосу боюнча мөөнөттүү аскердик кызматтын аскер кызматчылары запаска өзүнүн жарандык кийими менен бошотула алат.

75. Мөөнөттүү аскердик кызматтын аскер кызматчыларын запаска бошотуунун алдында алардын жеке колдонуусунда болгон кийимдерге жана бут кийимге дыкат текшерүү жүргүзүлөт. Бардык буюмдар оң абалга келтирилет: жуулат, тазаланат, оңдолот жана боёлот.

76. Аскер кызматчылардын чакыруу боюнча аскердик кызматты өтөөсү жөнүндө контракт түзүлгөндө, алар офицерлер, жоокерлердин, сержанттардын жана старшиналардын кызматтарында турган контракттык кызматтын аскер кызматчылары үчүн белгиленген чыгымдоо (жабдуу) ченемдери боюнча камсыздалат.

77. Мөөнөттүү аскердик кызматтын аскер кызматчыларынын ортосунда буюм мүлкүнүн предметтерин уруксатсыз алмаштырууга тыюу салынат.

78. Мөөнөттүү аскердик кызматтын аскер кызматчыларын көмүүдө төмөнкүлөр чыгымдалат: каза болгондо колдонууда болгон баш кийим, камуфляжданган күрмө жана шым, этке кийилчү ич кийим комплекти, байпак, госпиталдык туфли, үстүнө кийгизген жаздык кап, эки шейшеп.

VII глава

Аскердик окуу жайлардын курсанттарын жана офицердик наамы жок угуучуларды камсыздоо үчүн буюм мүлкүн чыгымдоо

79. Курсанттарга окуу курстары боюнча жеңге тагылуучу айырмалоочу белгилер жыл сайын аскер кызматчыны кийинки окуу курсуна которуудан кийин берилет.

80. Мөөнөттүү аскердик кызматтын аскер кызматчылары жана жарандык жаштардын ичинен адамдар, алар аскердик-окуу жайларга киргенден кийин буюм мүлкү менен аскердик окуу жайлардын курсанттары үчүн белгиленген чыгымдоо (жабдуу) ченемдери боюнча камсыздалат. Мында мурда берилген буюм мүлкүнүн предметтери камсыздалгандыкка эсептелбейт.

Мөөнөттүү аскердик кызматтын аскер кызматчылары жана жарандык жаштардын ичинен адамдар, алар чет өлкөлүк аскердик окуу жайларга киргенден кийин буюм мүлкү менен, эгерде түзүлгөн контракттарда кабыл алуучу тараптан буюм мүлкү менен камсыздоо каралбаса, аскердик окуу жайлардын курсанттары үчүн белгиленген чыгымдоо (жабдуу) ченемдери боюнча камсыздалат.

Чет өлкөлүк аскердик окуу жайларда окууга түзүлгөн контракттарда кабыл алуучу тараптан буюм мүлкү менен камсыздоо каралган учурларда, жарандык жаштардын адамдарына кийим, бут кийим, ич кийим жана жаш жоокер курсунан өтүү үчүн гана жарак-жабдыктар берилет. Жаш жоокер курсунан өтүү аяктагандан кийин берилген буюм мүлкү жыйналып алынып, кампага тапшырылат, мындан кийин бул мүлк, көбүнчө алмаштыруу жана оңдоо фонду катары камсыздоочу органдын көрсөтмөсү боюнча колдонулат.

81. Аскердик кызматта турган, ошондой эле запастан чакырылгандар жана аскердик окуу жайларга угуучу жана курсанттар катары кабыл алынган прапорщиктердин жана жоокерлердин, сержанттардын жана старшиналардын кызматтарында турган контракттык кызматтын аскер кызматчылары буюм мүлкү менен прапорщиктердин жана жоокерлердин, сержанттардын жана старшиналардын кызматтарында турган контракттык кызматтын аскер кызматчылары сыяктуу ушул Жобонун IV главасынын бөлүмүндө баяндалган тартипте камсыздалат.

82. Аскердик окуу жайларды аяктагандан кийин биринчи офицердик наамды алган жана аскердик кызматын андан ары өтөө үчүн дайындалган курсанттарды (угуучуларды) чыгарууда офицердик курам үчүн белгиленген чыгымдоо (жабдуу) ченемдери боюнча даяр параддык кийимдердин комплектиси жана жарак-жабдыктар менен камсыздалат.

Калган буюм мүлкүн чыгымдоо (жабдуу) ченемдерине ылайык кийинки берүү кызмат өтөгөн жерине келгенде жүргүзүлөт.

83. Аскердик окуу жайлардан аскерлерге кызмат өтөө үчүн жөнөтүү менен окуудан чыгарылган курсанттар (угуучулар) окуудан чыгарылган учурда алардын колдонуусунда болгон буюм мүлкүнүн предметтери менен (инвентардык буюмдардан тышкары) кетишет. Погондорду берүү жаңы кызмат өтөгөн жери боюнча жүргүзүлөт.

84. Запаска бошотуу менен окуудан чыгарылган курсанттар (угуучулар) буюм мүлкү менен ушул Жобонун 74-пунктуна ылайык камсыздалат.

VIII глава

Аскер кызматчыларды, аскердик бөлүктөрдү (мекемелерди) камсыздоо үчүн инвентардык мүлктү чыгымдоо

85. Инвентардык буюм аскердик бөлүктөрдүн (мекемелердин) менчиги болуп эсептелинет жана убактылуу колдонууга (эксплуатациялоого) гана чыгымдалат (берилет).

86. Инвентардык мүлккө кирген буюм мүлкүнүн предметтери колдонууга инвентардык буюмдар катары берилет.

87. Инвентардык буюмдар колдонууда (эксплуатациялоодо) экинчи жана кийинки категориядагы мүлк катары турат жана толук эскиргенге чейин колдонулат. Өзүнүн түз багыты боюнча колдонууга жараксыз инвентардык буюмдар үчүнчү жана кийинки категорияларга, бирок колдонуу (эксплуатациялоо) мөөнөтү аяктагандан эрте эмес которулат жана белгиленген тартипте эсептен чыгарылат.

Инвентардык буюмду убагынан эрте керектен чыгарган учурда, күнөөлүү аскер кызматчы «Аскер кызматчыларынын материалдык жоопкерчилиги жөнүндө» Кыргыз Республикасынын Мыйзамдын талаптарына ылайык материалдык жоопкерчилик тартат.

88. Аскер кызматчыларга атайын мүлктү (ошону менен катар учуу кийимин, бут кийимди жана жарак-жабдыктарды, техникалык кийимдерди жана бут кийимди) колдонуу (эксплуатациялоо) мөөнөтү аяктагандардын ордуна чыгымдоо (берүү) колдонуу (эксплуатациялоо) мөөнөтү өткөн предметтерди бергенден кийин жүргүзүлөт.

89. Аскер кызматчылар узак мөөнөттөгү иш сапарларга кеткенде, бир аскердик бөлүктөн башкасына которулганда, аскердик кызматтан бошотулуп жаткандар, алар колдонуп жаткан инвентардык мүлктү аскердик бөлүктүн буюм кампасына (бөлүкчөнүн сактоо жайына) өткөрүшөт. Бөлүктүн командиринин (мекеменин) башчысынын уруксаты менен аскер кызматчынын узак мөөнөттөгү иш сапарларга кетүүсүндө бөлүктүн (мекеменин) тизмесинде калтыруу менен инвентардык мүлктү иш сапарга кетчү адамдардын колдонуусунда калтырууга жол берилет.

90. Күзөттүк жана жылуу буюм аскер кызматчыларды жана аскердик бөлүктөрдү чыгымдоо (жабдуу) ченемдери боюнча ушул Жобонун 20-тиркемесине ылайык сарпталат.

Жылуу буюмдар мөөнөттүү кызматтын аскер кызматчыларына бекитилбейт. Аны кийүү убактысы жана тартиби аскердик бөлүктүн командири тарабынан белгиленет.

Кыш мезгили аяктагандан кийин жылуу буюмдар бөлүкчөлөрдөн алынат, сорттолот, химтазалоодон, оңдоодон өткөрүлөт жана бөлүктүн буюм кампасына сактоого берилет. Камсыздоочу органга 1-октябрга карата жылуу буюмдарды кезектеги берүүгө даярдык жөнүндө белгиленген формада отчет берилет.

91. Инвентардык буюмдарга кирген жууркан-төшөк керек-жарактар аскер кызматчыларды жана аскердик бөлүктөрдү чыгымдоо (жабдуу) ченемдери боюнча ушул Жобонун 21-тиркемесине ылайык сарпталат.

Контракт боюнча аскер кызматчыларга казармаларга, жашагандыгына акча төлөбөстөн жатаканаларга жайгаштырууда, талаа шарттарында, күжүрмөн нөөмөт аткаруу жерлеринде, күнү-түнү нөөмөттө кызматты бир жана андан көп сутка аткарууда камсыздоо ченеминин эсебинен шейшеп комплектисинин экинчиси берилет.

92. Аскердик окуу жайларга кабыл алуу экзамендеринин мезгилинде зарылдыкка жараша шейшеп жана жууркан-төшөк керек-жарактар, окууга талапкер катары келген адамдарды камсыздоо үчүн колдонууга жарактуу мурда колдонулгандарды кайра бөлүштүрүүнүн эсебинен биринчи кезекте берилет.

Тыюу салынат: мейманканаларда жана жатаканаларда, офицердик жана сержанттык курамдагы үйлөрдө өздүк курамды пландык жабдууга арналган жууркан-төшөк керек-жарактарын колдонууга.

93. Атайын кийим аскер кызматчыларды жана аскердик бөлүктөрдү чыгымдоо (жабдуу) ченемдери боюнча камсыздоо үчүн ушул Жобонун 10, 12, 15, 16, 33-тиркемелерине ылайык сарпталат жана адистиги боюнча иштерди аткаруу мезгилине гана колдонууга берилет; атайын кийимди иштерди аткаруудан бош мезгилинде күнүмдүк кийим катары кийүүгө тыюу салынат.

94. Аскер кызматчыларга жана аскердик бөлүктөргө атайын кийим даяр түрүндө гана берилет. Атайын кийимдердин ордуна башка кийимдин материалдарын берүү, ошондой эле акчалай компенсация төлөп берүүгө тыюу салынат.

95. Контракт боюнча аскер кызматчыларга алар чыгымдоо (жабдуу) ченемдери боюнча буюм кампасынан алган бардык инвентардык мүлк бекитилип берилет.

96. Учуу-техникалык кийимдер, штурмандык жана бийиктик жарак-жабдыктар аскер кызматчыларды чыгымдоо (жабдуу) ченемдери боюнча ушул Жобонун 17, 18, 19-тиркемелерине ылайык жеке колдонууга сарпталат жана алар толук эскиргенге чейин колдонулат. Бул кийимди кийүү убактысы жана тартиби аскердик бөлүктүн командири тарабынан бекитилет.

97. Учуу-техникалык кийимдерди колдонууга учуулар жана авиациялык, атайын техниканы тейлөө менен байланышкан тапшырмаларды аткарууда гана уруксат берилет. Аны күнүмдүк кийим катары жана жумуштан бош убакытта кийүүгө тыюу салынат.

98. Эгерде учуу-техникалык кийим берилген аскер кызматчы аскердик бөлүктөн кетсе жана бул кийим ал жерде кийүүгө туура келген кызматка которулса, анда ал мурдагы кызмат өтөгөн жери боюнча кампага кайтарылып берилбейт, анда ага өзүнчө аттестат жазылып берилет, анын номери жана датасы буюм мүлкүнө жазылган аттестатка киргизилет.

99. Аскердик-дарылоо мекемелерин чыгымдоо (жабдуу) ченемдери боюнча ушул Жобонун 13, 14-тиркемелерине ылайык камсыздоо үчүн сарпталчу буюм жана санитардык-чарбалык мүлк, ушул мекемелердин инвентарына киргизилет жана дарылануудагы адамдарды камсыздоо үчүн сарпталат.

100. Аскердик-дарылоо мекемелерине үстүнкү кийим, ич кийим, бут кийим жана жууркан-төшөк керек-жарактар эреже катары, камсыздоочу органдарга даяр түрдө берилет.

101. Чатырлар аскердик бөлүктөрдү (бөлүкчөлөрдү, мекемелерди) талаа шарттарында күжүрмөн даярдыктын жүрүшүндө (талаа машыгуулар жана чыгуулар, лагердик жыйындар, суткалык эс алуу менен узак жүрүштөр) аскерлерди туруктуу жайгашуу жайынан чыгымдоо (жабдуу) ченемдери боюнча ушул Жобонун 26-тиркемесине ылайык ажыратуу менен байланышкан тапшырмаларды аткарууда сарпталат.

Өткөрүлгөн иш-чаралар аяктагандан кийин чатырлар иретке келтирилет, оңдолот жана аскердик бөлүктөрдүн кампаларына тапшырылат. Чатырлардын иш жүзүндөгү пайдалануу мөөнөтү каттоо карточкасында (паспорт, формуляр) көрсөтүлөт.

102. Альпинисттик жана тоо жабдыктары аскер кызматчыларды жана аскердик бөлүктөрдү чыгымдоо (жабдуу) ченемдери боюнча ушул Жобонун 25-тиркемесине ылайык сарпталат.

103. Тигүү жабдуулары жана аспап аскердик бөлүктөрдү жана мекемелерди камсыздоо үчүн чыгымдоо (жабдуу) ченемдери боюнча ушул Жобонун 29-тиркемесине ылайык сарпталат.

104. Араба жана жарак-жабдыктар штаттык жаныбарларды камсыздоо үчүн чыгымдоо (жабдуу) ченемдери боюнча ушул Жобонун 30, 31, 32-тиркемелерине ылайык сарпталат. Аскердик бөлүктөр араба мүлк предметтери менен штаттык кызматтык жаныбарлардын жана арабалардын саны боюнча камсыздалат.

Штаттык кызматтык жаныбарларды кармоо, багуу, үйрөтүү жана колдонуу үчүн атайын мүлк жана инвентарь, ошону менен бирге кызматтык иттер үчүн жарак-жабдыктар борборлошуп же сметалык дайындоолордун болгонунда децентралдаштырылып даярдалат.

105. Спорттук мүлк аскер кызматчыларды жана аскердик бөлүктөрдү чыгымдоо (жабдуу) ченемдери боюнча ушул Жобонун 11, 27-тиркемелерине ылайык сарпталат.

Контракт боюнча кызмат өтөп жаткан аскер кызматчылар дене тарбия даярдыгы боюнча сабактары үчүн жеке колдонуудагы спорттук мүлктү жана инвентарды жеке каражаттарынын эсебинен сатып алышат.

106. Чарба буюмдары: кийим жана өтүк щеткасы, үтүктөр, чач кыркуучу машинкалар жана башка предметтер аскердик бөлүктөрдө өздүк курамдын нормалдуу тиричилик муктаждыктарын камсыздоочу эсепте камтылышы керек.

IХ глава

Буюм мүлкүн оңдоону жана химиялык тазалоону уюштуруу

107. Кийимди жана бут кийимди күндөлүк оңдоо штаттык жана штаттан тышкаркы тигүүчүлөр, өтүкчүлөр, ошондой эле мөөнөттүү кызматтын аскер кызматчылары тарабынан жүргүзүлөт.

     108. Буюм мүлкүнүн орточо оңдоосу аскердик бөлүктүн буюм оңдоо устаканасында же турмуш-тиричилик тейлөө комбинатында жүргүзүлөт.

     109. Буюм мүлкүнүн жана материалдык каражаттардын сапаттуу абалы, учурдагы жана орточо оңдоону өз убагында өткөрүү үчүн мүлк табышталган аскер кызматчысы, ошондой эле аскер бөлүктөрүнүн командирлери, аскер бөлүктөрүнүн командирлеринин оорук боюнча орун басарлары жана буюм кызматтарынын башчылары жооп берет.

Х глава

Мончо-кир жуу тейлөөсү

110. Аскердик бөлүктөрдүн мончо-кир жуу тейлөөсү ведомстволордун тийиштүү жетекчилеринин буйруктарына ылайык ишке ашырылат.

111. Мончо-кир жуу, көмөкчү жабдуулар жана инвентарлар менен аскердик бөлүктөр жана мекемелер чыгымдоо (жабдуу) ченемдери боюнча ушул Жобонун 28-тиркемесине ылайык камсыздалат.

112. Жеке гигиена каражаттары менен аскердик бөлүктөр жана мекемелер чыгымдоо (жабдуу) ченемдери боюнча ушул Жобонун 22-тиркемесине ылайык камсыздалат.

113. Самын жана жуучу каражаттар менен аскердик бөлүктөр жана мекемелер чыгымдоо (жабдуу) ченеми боюнча ушул Жобонун 24-тиркемесине ылайык камсыздалат.

Кыргыз Республикасынын Куралдуу Күчтөрүнүн жогорку

офицердик курамы үчүн буюм мүлкүн чыгымдоонун (жабдуунун) № 1 ченеми*

* - генералдардын каалоосу боюнча аларга бир предметтердин ордуна башка предметтерди жабдуу ченемдинде каралган предметтердин арасынан, алмыштырылуучу предметтердин баасынын чегинде берүүгө уруксат берилет.

Эскертүү:

1. Узун (чолок) жеңдүү көйнөктөрдүн ордуна шымдалуучу узун (чолок) жеңдүү көйнөктөрдү жана тескерисинче берүүгө уруксат берилет.

2. Талаа фуражкасынын ордуна камуфляж түстөгү талаа панамасы берилиши мүмкүн.

3. Бийик кончтуу кара түстүү ботинканын ордуна бийик кончтуу саргыч боз түстүү ботинканы берүүгө уруксат берилет.

4. Ченемде көрсөтүлгөн буюм мүлктү аскер кызматчылары аскердик соода дүкөндөрүнөн жана атайын дүкөндөрдөн жеке каражаттарынын эсебинен накталай эсептешип сатып алышат.

5. Камуфляж түстөгү жылууланган талаа шымдары камуфляж түстөгү жылууланган күрмө менен комплект болуп климаты суук райондордо кызмат өтөгөн аскер кызматчыларга кошумча берилет.

Кыргыз Республикасынын Куралдуу Күчтөрүнүн офицердик курамы үчүн буюм мүлкүн чыгымдоонун (жабдуунун) № 2 ченеми

Эскертүү:

1. КР КК ГШ, КИМК, КР КК КА, АККК, УГ, КР МЧК борбордук аппараттарында (аскерлерди башкаруу органдарында, Башкы штабда, КР МЧКБ областтар боюнча көзмөлдөп-өткөрүү пункттарында жана чек ара отряддарда), бул ведомстволордун мекемелеринде жана жайларында кийип жүрүү мөөнөтү 1 жылга кыскартылат.

2. КР КК ГШ, КР КИМК, КР МЧК борбордук аппараттарында (аскерлерди башкаруу органдарында, Башкы штабда, КР МЧКБ областтар боюнча көзмөлдөп-өткөрүү пункттарында жана чек ара отряддарда), бул ведомстволордун мекемелеринде жана жайларында кийип жүрүү мөөнөтү 1 жылга узартылат.

3. Күнүмдүк фуражка МЧКнын аскер кызматчыларына параддык фуражка катары берилет.

4. Ченемде көрсөтүлгөн буюм мүлктү аскер кызматчылары аскердик соода дүкөндөрүнөн жана атайын дүкөндөрдөн жеке каражаттарынын эсебинен накталай эсептешип сатып алышат.

5. Талаа фуражкасынын ордуна камуфляж түсүндөгү талаа панамасы берилиши мүмкүн.

6. Камуфляж түстөгү жылууланган талаа шымдары камуфляж түстөгү жылууланган күрмө менен комплект болуп климаты суук райондордо кызмат өтөгөн аскер кызматчыларга кошумча берилет.

7. КР КК атайын дайындалыштагы аскердик бөлүктөрүнүн жана Улуттук гвардиясынын аскер кызматчыларына берилет.

8. Узун жеңдүү күнүмдүк көйнөктөрдүн ордуна узун (чолок) жеңдүү шымдалуучу көйнөктөргө уруксат берилет.

9. КР КК атайын дайындалыштагы аскердик бөлүктөрүндө жана Улуттук гвардиясында футболкасынын ордуна майка-тельняшка, узун жеңдүү футболкалар – фуфайка-тельняшкаларды кийүүгө уруксат берилет.

10. Узун кончтуу кара түстөгү ботинкалардын ордуна узун кончтуу саргыч боз түстөгү ботинкаларды берүүгө уруксат.

11. Бул буюм мүлкү кошуундарда, аскердик бөлүктөрдө жана мекемелерде кызмат өтөгөн аскер кызматчыларга берилген учурда, Формалык кийим деген 1-бөлүмдүн 1, 7, 10, 12, 15, 19, 20, 23-пункттарында көрсөтүлгөн буюм мүлкү КР МЧКБ областтар боюнча көзмөлдөп-өткөрүү пункттарында жана чек ара отряддарында кызмат өтөөгөн аскер кызматчыларынан, ошондой эле узак чет өлкөлүк иш сапарларга, окууга кетип жаткан аскер кызматчылардан жана башка учурлардан тышкары берилбейт. Бул буюм мүлкү КР КК ГШ, КИМК, КР КК КА, АККК, УГ, КР МЧК борбордук аппараттарында (аскерлерди башкаруу органдарында, Башкы штабда, областтар боюнча чек араны контролдоо башкармалагынын бөлүмдөрүндө), ушул ведомстволордун мекемелеринде жана жайларында кызмат өтөгөн аскер кызматчыларына берилген учурда, Формалык кийим деген 1-бөлүмдүн 1, 7, 10, 12, 15, 19, 20, 23-пункттарындагы буюм мүлкүнүн кийүү мөөнөтү 1-тиркемени колдонбостон калтырылат.

12. Аскердик окуу жайларынын бүтүрүүчүлөрүнө биринчи офицердик наамды ыйгарууда жабдуу ченеми боюнча 5 жылга берилет.

13. «Полковник» аскердик наамындагы офицерлерге кийүүгө уруксат берилет.

14. Бул буюм мүлк кошуундарда, аскердик бөлүктөрдө жана мекемелерде кызмат өтөгөн аскер кызматчыларга берилбейт.

15. Кошуундарда, бөлүктөрдө жана мекемелерде кызмат өтөп жаткан аскер кызматчыларга Формалык кийим деген 1-бөлүмдүн 13, 14-пункттарындагы буюм мүлкү берилбеген учурда, Талаа кийими деген 2-бөлүмдүн 1, 2-пункттарындагы буюм мүлкүн кийүү мөөнөтү 1 жылга кыскарат.

Кыргыз Республикасынын Куралдуу Күчтөрүнүн прапорщиктеринин, жоокерлердин,

сержанттардын жана старшиналардын кызматтарында турган контракттык кызматтын аскер кызматчыларынын буюм мүлкүн чыгымдоонун (жабдуунун) № 3 ченеми

Эскертүү:                      

1. КР КК ГШ, КИМК, КР КК КА, АККК, УГ, КР МЧК борбордук аппараттарында (аскерлерди башкаруу органдарында, Башкы штабда, КР МЧКБ областтар боюнча көзмөлдөп-өткөрүү пункттарында жана чек ара отряддарда), бул ведомстволордун мекемелеринде жана жайларында кийип жүрүү мөөнөтү 1 жылга кыскартылат.

2. КР КК ГШ, КР КИМК, КР МЧК борбордук аппараттарында (аскерлерди башкаруу органдарында, Башкы штабда, КР МЧКБ областтар боюнча көзмөлдөп-өткөрүү пункттарында жана чек ара отряддарда), бул ведомстволордун мекемелеринде жана жайларында кийип жүрүү мөөнөтү 1 жылга узартылат.

3. Ченемде көрсөтүлгөн буюм мүлктү аскер кызматчылары аскердик соода дүкөндөрүнөн жана атайын дүкөндөрдөн жеке каражаттарынын эсебинен накталай эсептешип сатып алышат.

4. Талаа фуражкасынын ордуна камуфляж түстөгү талаа панамасы берилиши мүмкүн.

5. Камуфляж түстөгү жылууланган талаа шымдары камуфляж түстөгү жылууланган күрмө менен комплект болуп климаты суук райондордо кызмат өтөгөн аскер кызматчыларга кошумча берилет.

6. КР КК атайын дайындалыштагы аскердик бөлүктөрүнүн жана Улуттук гвардиясынын аскер кызматчыларына берилет.

7. Күнүмдүк узун (чолок) жеңдери менен көйнөктөрдүн ордуна узун (чолок) жеңдери менен шымдалган көйнөктөрдү кийүүгө уруксат берилет.

8. КР КК атайын дайындалыштагы аскердик бөлүктөрүндө жана Улуттук гвардиясында футболкасынын ордуна майка-тельняшка, узун жеңдүү футболкалар – фуфайка-тельняшкаларды кийүүгө уруксат берилет.

9. Кара түстөгү бийик кончтуу ботинкалардын ордуна саргыч боз түстөгү бийик кончтуу ботинкаларды берүүгө уруксат берилет.

10. Бул буюм мүлкү кошуундарда, аскердик бөлүктөрдө жана мекемелерде кызмат өтөгөн аскер кызматчыларга берилген учурда, Формалык кийим деген 1-бөлүмдүн 1,5,7,8,9,13,14,19-пункттарында көрсөтүлгөн буюм мүлкү КР МЧКБ областтар боюнча көзмөлдөп-өткөрүү пункттарында жана чек ара отряддарында кызмат өтөөгөн аскер кызматчыларынан, ошондой эле узак чет өлкөлүк иш сапарларга, окууга кетип жаткан аскер кызматчылардан жана башка учурлардан тышкары берилбейт. Бул буюм мүлкү КР КК ГШ, КИМК, КР КК КА, АККК, УГ, КР МЧК борбордук аппараттарында (аскерлерди башкаруу органдарында, Башкы штабда, областтар боюнча чек араны контролдоо башкармалагынын бөлүмдөрүндө), ушул ведомстволордун мекемелеринде жана жайларында кызмат өтөгөн аскер кызматчыларына берилген учурда, Формалык кийим деген 1-бөлүмдүн 1,5,7,8,9,13,14,19-пункттарындагы буюм мүлкүнүн кийүү мөөнөтү 1-тиркемени колдонбостон калтырылат.

11. Кошуундарда, бөлүктөрдө жана мекемелерде кызмат өтөп жаткан аскер кызматчыларга бул буюм мүлкү берилбейт.

12. Кошуундарда, бөлүктөрдө жана мекемелерде кызмат өтөп жаткан аскер кызматчыларга Формалык кийим деген 1-бөлүмдүн 10, 11-пункттарындагы буюм мүлкү берилбеген учурда, Талаа кийими деген 2-бөлүмдүн 1, 2-пункттарындагы буюм мүлкүн кийүү мөөнөтү 1 жылга кыскарат.

Кыргыз Республикасынын Куралдуу Күчтөрүнүн аскер кызматчылары үчүн

буюм мүлкүн чыгымдоонун (жабдуунун) № 4 ченеми

Эскертүү:

1. КР КК ГШ, КИМК, КР КК КА, АККК, УГ, КР МЧК борбордук аппараттарында (аскерлерди башкаруу органдарында, Башкы штабда, КР МЧКБ областтар боюнча көзмөлдөп-өткөрүү пункттарында жана чек ара отряддарда), бул ведомстволордун мекемелеринде жана жайларында кийип жүрүү мөөнөтү 1 жылга кыскартылат.

2. КР КК ГШ, КР КИМК, КР МЧК борбордук аппараттарында (аскерлерди башкаруу органдарында, Башкы штабда, КР МЧКБ областтар боюнча көзмөлдөп-өткөрүү пункттарында жана чек ара отряддарда), бул ведомстволордун мекемелеринде жана жайларында кийип жүрүү мөөнөтү 1 жылга узартылат.

3. Күнүмдүк (параддык) пилотканын ордуна күнүмдүк (параддык) шляпаны берүүгө уруксат берилет.

4. Ченемде көрсөтүлгөн буюм мүлктү аскер кызматчылары аскердик соода дүкөндөрүнөн жана атайын дүкөндөрдөн жеке каражаттарынын эсебинен накталай эсептешип сатып алышат.

5. Талаа фуражкасынын ордуна камуфляж түстөгү талаа панамасы берилиши мүмкүн.

6. Камуфляж түстөгү жылууланган талаа шымдары камуфляж түстөгү жылууланган күрмө менен комплект болуп климаты суук райондордо кызмат өтөгөн аскер кызматчыларга кошумча берилет.

7. Офицердик курамдагы аскер кызматчыларга гана берилет.

8. Накта териден жасалган кулакчындуу тумак офицердик курамдагы аскер кызматчыларга гана берилет.

9. Атайын дайындалыштагы аскердик бөлүктөрдүн жана КР КК Улуттук гвардиясынын аскер кызматчыларына кийүүгө уруксат берилет.

10. КР КК атайын дайындалыштагы аскердик бөлүктөрүндө жана Улуттук гвардиясында футболкасынын ордуна майка-тельняшка, узун жеңдүү футболкалар – фуфайка-тельняшкаларды кийүүгө уруксат берилет.

11. Кара түстөгү бийик кончтуу ботинкалардын ордуна саргыч боз түстөгү бийик кончтуу ботинкаларды берүүгө уруксат берилет.

12. Бул буюм мүлкү кошуундарда, аскердик бөлүктөрдө жана мекемелерде кызмат өтөгөн аскер кызматчыларга берилген учурда, Формалык кийим деген 1-бөлүмдүн 1,5,7,9,11,12,16,17,22-пункттарында көрсөтүлгөн буюм мүлкү КР МЧКБ областтар боюнча көзмөлдөп-өткөрүү пункттарында жана чек ара отряддарында кызмат өтөөгөн аскер кызматчыларынан, ошондой эле узак чет өлкөлүк иш сапарларга, окууга кетип жаткан аскер кызматчылардан жана башка учурлардан тышкары берилбейт. Бул буюм мүлкү КР КК ГШ, КИМК, КР КК КА, АККК, УГ, КР МЧК борбордук аппараттарында (аскерлерди башкаруу органдарында, Башкы штабда, областтар боюнча чек араны контролдоо башкармалагынын бөлүмдөрүндө), ушул ведомстволордун мекемелеринде жана жайларында кызмат өтөгөн аскер кызматчыларына берилген учурда, Формалык кийим деген 1-бөлүмдүн 7,9,11,12,16,17,22-пункттарындагы буюм мүлкүнүн кийүү мөөнөтү 1-тиркемени колдонбостон калтырылат.

13. Күнүмдүк юбканын ордуна күнүмдүк шым берүүгө уруксат берилет.

14. Кошуундарда, бөлүктөрдө жана мекемелерде кызмат өтөп жаткан аскер кызматчыларга бул буюм мүлкү берилбейт.

Бала багуу боюнча өргүүгө кеткен аскер кызматчыларга буюм мүлкүнүн предметтеринин кийип жүрүү мөөнөттөрү токтотулат, өргүүдөн чыкканда – калыбына келтирилет.

Контракт боюнча аскер кызматчыларга аларга офицердик наам ыйгарылганда мурда берилген предметтердин кийип жүрүү мөөнөттөрү камсыздалгандыкка эсептелет.

15. Кошуундарда, бөлүктөрдө жана мекемелерде кызмат өтөп жаткан аскер кызматчыларга Формалык кийим деген 1-бөлүмдүн 13, 14-пункттарындагы буюм мүлкү берилбеген учурда, Талаа кийими деген 2-бөлүмдүн 1, 2-пункттарындагы буюм мүлкүн кийүү мөөнөтү 1 жылга кыскарат.

Кыргыз Республикасынын Куралдуу Күчтөрүнүн аскердик окуу жайларынын курсанттары үчүн буюм мүлкүн чыгымдоонун (жабдуунун) № 5 ченеми

*Ушул ченем боюнча ошондой эле офицердик наамы жок жогорку аскердик окуу жайлардын угуучулары камсыздалат. Контракт боюнча кызмат өтөп жаткан прапорщиктердин жана аскер кызматчылардын ичинен курсанттар контракт боюнча кызмат өтөп жаткан прапорщиктер жана аскер кызматчылар үчүн каралган ченем боюнча буюм мүлкү менен камсыздалат.

Чет өлкөлүк жогорку аскердик окуу жайларга окууга тапшырган аскер кызматчылар, эгерде кабыл алуучу тарап менен түзүлгөн контракттарда камсыздоо каралбаган учурда ушул ченемге ылайык буюм мүлкү менен камсыздалат.

Эскертүү:

Күнүмдүк кийим формасы курсанттарга экинчи курстан баштап берилет.

Талаа кийим формасы кийүү мөөнөтү аяктагандан кийин жумушчу форма катары колдонулат.

 3. Аскерлер параддарына, салтанаттуу тизилүүлөргө жана иш-чараларга катышууда убактылуу колдонууга инвентардык буюм катары берилет.

4. Камуфляж түстөгү жылууланган талаа шымдары камуфляж түстөгү жылууланган күрмө менен комплект болуп климаты суук райондордо кызмат өтөгөн аскер кызматчыларга кошумча берилет.

5. Жайкы жана кышкы чылгоолордун ордуна жарымы жүн жана пахтадан жасалган байпактан 6 жуптан берилет.

6. Убактылуу колдонууга инвентардык буюм катары берилет.

Советтер Союзунун Баатыры генерал-майор Д.Асанов атындагы Кыргыз улуттук аскер лицейинин тарбиялануучулары үчүн буюм мүлкүн чыгымдоонун (жабдуунун) № 6 ченеми

Эскертүү:

1. Формалык кийим колдонууга инвентардык буюм катары берилет.

2. Талаа кийим формасы кийүү мөөнөтү аяктагандан кийин жумушчу форма катары колдонулат.

3. Аскерлер параддарына, салтанаттуу тизилүүлөргө жана иш-чараларга катышууда убактылуу колдонууга инвентардык буюм катары берилет.

4. Жайкы жана кышкы чылгоолордун ордуна жарымы жүн жана пахтадан жасалган байпактан 6 жуптан берилет.

5. Убактылуу колдонууга инвентардык буюм катары берилет.

Кыргыз Республикасынын Куралдуу Күчтөрүнүн мөөнөттүү кызматынын жоокерлери жана сержанттары үчүн буюм мүлкүн чыгымдоонун (жабдуунун) № 7 ченеми

Эскертүү:

1. Күнүмдүк кийим формасы КР КК ГШ, КИМК, МЧК, УГ Борбордук Аппараттарынын коменданттык бөлүкчөлөрүндө кызмат өтөп жаткан мөөнөттүү кызматтын аскер кызматчыларына инвентардык буюм катары берилет.

2. Талаа кийиминин жана бут кийимдин экинчи комплектиси мурда берилген аты уйкаш предметтерди табигый эксплуатациялоонун жүрүшүндө өзүнүн сапаттык абалы боюнча мындан ары кийүүгө жараксыз болгон учурда зарылдыкка жараша берилет.

3. КР УГ аскер кызматчыларына жана атайын дайындалыштагы бөлүктөрүнө тельняшка берилсе, пахтадан тигилген 2 даана майка берилбейт.

     4. Талаа фуражкасынын ордуна талаа панамасы берилиши мүмкүн.

5. Сержанттык талаа баштыгы сержанттык курамга берилет.

6. Кошумча камуфляж түстөгү жылууланган талаа шымы камуфляж түстөгү жылууланган күрмө комплектиси менен климаты суук райондордо кызмат өтөп жаткан аскер кызматчыларга, ошондой эле өзгөчө маанидеги объекттерди кайтарган жана кароолдо турган аскер кызматчыларга берилет.

7. Убактылуу колдонууга инвентардык буюм катары берилет.

8. Аскерлер параддарына, салтанаттуу тизилүүлөргө жана иш-чараларга катышууда убактылуу колдонууга инвентардык буюм катары берилет.

Улуттук гвардиянын ардак кароол ротасынын аскер кызматчылары үчүн буюм (инвентардык буюмду) буюм мүлкүн чыгымдоонун (жабдуунун) № 8 ченеми

Эскертүү:

Кирза өтүктөр саптык даярдык боюнча сабактардын мезгилине гана берилет.

Зарылдыкка жараша узун жеңдүү параддык көйнөктүн ордуна чолок жеңдүү параддык көйнөктү берүүгө уруксат берилет.

Аскердик-көргөзмөлүү оркестрдин жана аскердик ансамблдердин (инвентардык мүлкүн) буюм мүлкүн чыгымдоонун (жабдуунун) № 9 ченеми

Эскертүү: Ушул ченем боюнча ошондой эле аскердик-көргөзмөлүү оркестрдин жана аскердик ансамблдердин курамына кирген жарандык персонал каржылоого жараша камсыздалат.

Кыргыз Республикасынын Куралдуу Күчтөрүнүн атайын дайындалыштагы бөлүктөрү жана бөлүкчөлөрү, чалгындоо бөлүкчөлөрү үчүн атайын кийимди жана мүлктү (инвентардык мүлктү) чыгымдоонун (жабдуунун) № 10 ченеми

Эскертүү:

* - ушул ченем боюнча атайын тапшырмаларды аткаруучу гана аскер кызматчылар камсыздалат.

** - ушул ченем боюнча аба-десанттык даярдык каралган атайын дайындалыштагы аскердик бөлүктөр жана чалгындоо бөлүкчөлөрү камсыздалат.

1. Ошондой эле чалгындоо-издөө аракеттерине тартылган аскер кызматчыларга тапшырмаларды аткарууну, үлүштүк органдын көрсөтмөсү боюнча өткөрүү аймагын жана мезгилин эске алуу менен берилет.

2. Сыпаттоо, техникалык мүнөздөмөлөр үлүштүк орган тарабынан тапшырмаларды аткаруу багытына жана өзгөчөлүгүнө жараша аныкталат.

3. Десант болуп түшүрүлгөн өздүк курамдын саны боюнча берилет;

4. Аскердик бөлүккө берилет;

5. 10 парашютка 1 к-т берилет.

6. 2 к-т парашютка 1 даана берилет;

7. Аскердик бөлүккө 2 даана берилет, алардын бири – жайында ак, кышында кызыл түстө.

8. Аскердик бөлүккө 2 к-т берилет.

Аскер кызматчыларга, анын ичинде чалгындоо-издөө аракеттерине тартылгандарга берилүүчү атайын буюм мүлкүнүн кийүү мөөнөтү түздөн-түз эксплуатациялоо убактысы боюнча эсептелет, буюм мүлкүнүн кампаларда сактоо убактысы эксплуатациялоо мөөнөтүнө эсептелбейт.

Мында жабдуунун негизги ченемдери боюнча берилген буюм мүлкүнүн окшош предметтеринин кийүү мөөнөтү 1 жылга узартылат.

Кыргыз Республикасынын Куралдуу Күчтөрүнүн аскер кызматчылары үчүн

спорттук буюм мүлкүн чыгымдоонун (жабдуунун) № 11 ченеми

*Спорттук буюм мүлкү менен контракт боюнча кызмат өтөп жаткан офицерлер, прапорщиктер, жоокерлер, сержанттар жана старшиналар курамындагы контракттык кызматтын аскер кызматчылары спорттук оюндар каралган машыгууларга, эл аралык спорттук иш-чараларга катышууда камсыздалат. Бул мүлк инвентардык болуп эсептелинет жана иш-чаралар аяктагандан кийин аскердик бөлүктүн кампасына жогоруда белгиленген иш-чараларга кийин колдонуу үчүн белгиленген тартипте берилет.

Спорттук мүлктүн кийүү мөөнөтү, бардык контингенттер үчүн чакыруу боюнча кызмат өтөп жаткан жоокерлерден жана сержанттардан (старшиналардан) тышкары, түздөн-түз эксплуатациялоо убактысы боюнча эсептелет, буюм мүлкүнүн кампаларда сактоо убактысы эксплуатациялоо мөөнөтүнө эсептелбейт.

Күжүрмөн машиналардын экипаждарынын аскер кызматчылары, автомобилдик техниканы тейлөөчү аскер кызматчылар жана жарандык персонал, оңдоо бөлүкчөлөрдүн адистери үчүн (инвентардык мүлктү) чыгымдоонун (жабдуунун) № 12 ченеми

      Эскертүү:

1. Танктардын, жөө аскерлердин (десанттын) күжүрмөн машиналарынын, сооттранспорттун, сооттолгон казтаман сүйрөгүч транспорттор жана алардын базасындагы машиналардын, өзү жүрүүчү артиллериялык жана зениттик өзү жүрүүчү орнотмолордун экипажынын курамына кирүүчү аскер кызматчыларга берилет.

2. Аскердик техниканы жана куралдарды оңдоо менен түздөн-түз иштеген оңдоо бөлүкчөлөрүнүн аскер кызматчыларына жана жарандык персоналына берилет. Техникалык костюмдун ордуна 2-категориядагы камуфляж түстөгү талаа күрмөсүн жана шымдарды, техникалык жылуу костюмдун ордуна 2-категориядагы камуфляж түстөгү жылуу талаа күрмөсүн жана шымдарды, пахтадан тигилген фуражканын ордуна 2-категориядагы камуфляж түстөгү талаа фуражкасын берүүгө уруксат берилет.

3. Кыймылдаткычтарды (моторлорду) чачуу, тазалоо, даярдоо жана сыноо боюнча иштер, машиналардын күнүмдүк оңдоосу жана алдын алуу менен такай алек болгон аскер кызматчыларга жана жарандык персоналга берилет.

Кыргыз Республикасынын Куралдуу Күчтөрүнүн дарылоо мекемелери үчүн буюм жана

санитардык-чарбалык мүлктү чыгымдоонун (жабдуунун) № 13 ченеми

* Ушул ченем боюнча аскердик бөлүктөрдүн медициналык пункттары, лазареттер, аскердик госпиталдар жана бейтапканалар камсыздалат.

     Эскертүү:

1. Пахтадан тигилген медициналык халаттар госпиталдардагы жана лазареттердеги адамдар үчүн койкалардын штаттык санынан 30 пайызына берилет.

2. Жасалма толтургучу менен жаздыктарды сатып алууга жана берүүгө уруксат берилет.

Аскердик госпиталдардын, медициналык бөлүктөрдүн, аскердик бөлүктөрдүн (инвентардык мүлкүн) мекемелеринин жана медициналык пункттарынын аскер кызматчылары жана жарандык персоналы үчүн атайын кийимди чыгымдоонун (жабдуунун) № 14 ченеми

Эскертүү:

Хирургиялык профилдеги бөлүмдөрдө хирургдар үчүн берилет.

Кыргыз Республикасынын Куралдуу Күчтөрүнүн азык-түлүк кызматында иштеген аскер кызматчылар, жарандык персонал үчүн атайын кийимди чыгымдоонун (жабдуунун) № 15 ченеми

(инвентардык мүлк)

Эскертүү:

1. Ашкана башчыларына, ашкана боюнча нөөмөтчүлөргө, нанды кесүүгө дайындалган аскер кызматчыларга. Ашпозчунун баш кийими жана пахтадан тигилген жең сымал колго киймелер, спорттук туфлилер ашкана башчыларына жана ашкана боюнча нөөмөтчүлөргө берилбейт.

2. Бардык категориядагы ашпозчуларга.

3. Азык-түлүк кампаларынын башчыларына.

4. Наабайкананын башчыларына, нан бышыруу боюнча инструкторлорго, нан бышыруу бөлөмдөрүнүн башчыларына.

5. Бардык категориядагы наабайчыларга.

6. Өндүрүш цехтерин жыйнаштыруу, жашылчаларды тазалоо жана идиш жуу менен алектенген аскер кызматчыларга, ашканадагы жумушчуларга, ошондой эле жарандык персоналга.

7. Эт жүктөө жана жеткирүү, мал союу жана жиликтөө боюнча иштер менен алектенген аскер кызматчыларга жана жарандык персоналга.

Кыргыз Республикасынын Куралдуу Күчтөрүнүн ар түрдүү атайын иштерин аткарган аскер кызматчылар, жарандык персонал үчүн атайын кийимди чыгымдоонун (жабдуунун) № 16 ченеми

(инвентардык мүлк)

Эскертүүлөр:

1. От жагылбаган кампаларда (базаларда) жана устаканаларда такай иштегендерге.

2. Жүктөө-түшүрүү жана кампаларда (базаларда) техниканы тейлөө иштери менен алек болгондорго, кампа (сактоочу жайлардын) башчыларына жана кладовщиктерге.

3. Күйүүчү май кампаларында иштегендерге.

4. Электрдик техникалык иштерди аткаргандарга.

5. Радиолокациялык станцияларды жана башка өтө жогорку жыштыктагы радиоэлектрондук орнотмолорду түздөн-түз оңдоо, тууралоо жана жөнгө салуу боюнча иштерди аткаргандарга.

6. Басмаканада иштегендерге.

7. Отканаларды жана жылуулук күчтөрдүн орнотмолорун эксплуатациялоо боюнча иштер менен алек болгондорго.

8. Кинологиялык борбордун аскер кызматчыларына берилет.

Кыргыз Республикасынын Куралдуу Күчтөрүнүн Абадан кол салуудан коргоо күчтөрүнүн учуучу курамы үчүн учуу кийимдерин чыгымдоонун (жабдуунун) № 17 ченеми

(инвентардык мүлк)

 - ушул ченем боюнча учуу аппараттарынын штаттык экипаждары камсыздалат. Мында негизги жабдуу ченемдери боюнча берилген буюм мүлкүнүн окшош предметтеринин кийүү мөөнөттөрү 2 жылга узартылат.

Кыргыз Республикасынын Куралдуу Күчтөрүнүн Абадан кол салуудан коргоо күчтөрүнүн инженердик-техникалык курамы үчүн техникалык кийимдерди чыгымдоонун (жабдуунун)

№ 18 ченеми (инвентардык мүлк)

* - ушул ченем боюнча авиациянын инженердик-техникалык курамы камсыздалат. Мында негизги жабдуу ченемдери боюнча берилген буюм мүлкүнүн окшош предметтеринин кийүү мөөнөттөрү 2 жылга узартылат.

Кыргыз Республикасынын Куралдуу Күчтөрүнүн Абадан кол салуудан коргоо күчтөрүнүн учуу курамынын аскер кызматчылары үчүн штурмандык жана бийиктик жабдыктарын чыгымдоонун (жабдуунун) № 19 ченеми (инвентардык мүлк)

Эскертүү:

 - учуу курамына бийиктикке учууларды аткаруу үчүн берилет. Учуу курамына бийиктик жабдыктарын берүү бөлүктүн инженердик-авиациялык кызматынын көрсөтмөсү боюнча учуучу апппараттын тибине жараша жүргүзүлөт.

Кыргыз Республикасынын Куралдуу Күчтөрүнүн аскер кызматчылары үчүн

 посттук кийимди чыгымдоонун (жабдуунун) № 20 ченеми

(инвентардык мүлк)

Ушул ченем боюнча өзгөчө маанидеги объекттерди, аскердик бөлүктөрдүн сырткы постторун (кароолдук жана өрттүк) кайтаруучу аскер кызматчылар да камсыздалат.

Ошондой эле чек аралардын бардык бөлүкчөлөрү (чек ара кызматынын заставалары, посттору, бөлүмдөрү, бөлүмчөлөрү) нөөмөткө турган аскер кызматчылар гана 2 ден 6даанага/жупка чейин камсыздалат.

Кыргыз Республикасынын Куралдуу Күчтөрүнүн аскер кызматчылары үчүн

шаймандарды жана жууркан-төшөктөрдү чыгымдоонун (жабдуунун)

№ 21 ченеми

* Жууркан-төшөктөр менен төмөнкү контингенттер камсыздалат:

 - чакыруу боюнча аскердик кызмат өтөп жаткан жоокерлер жана сержанттар (старшиналар), аскердик окуу жайлардын курсанттары, Советтер Союзунун Баатыры генерал-майор Д.Асанов атындагы Кыргыз улуттук аскер лицейинин тарбиялануучулары;

- запастагы аскерге милдеттүүлөр жана жыйындарга чакырылган жогорку окуу жайлардын студенттери;

- контракт боюнча кызмат өтөп жаткан офицерлер, прапорщиктер, жоокерлердин, сержанттардын жана старшиналардын курамындагы аскер кызматчыларды казармаларга жана күжүрмөн нөөмөт аткаруу жерлерине жайгаштырууда;

- чакыруу боюнча аскердик кызмат өтөп жаткан жоокерлер жана сержанттар (старшиналар), күжүрмөн нөөмөт аткаруу жерлеринде;

- полигондордо, чатыр лагерлеринде, окуу борборлорунда жана запастык аэродромдордо (ичмеги бар уктоочу каптар жана кариматтар жок болгондо);

- аба кемелеринин экипаждары аскердик бөлүктөрдүн (учуу экипаждарынын эс алуу бөлмөлөрүнө) мейманканаларына жайгаштырууда;

- аскердик окуу жайларга, аскердик окуу жайлардын аскердик факультеттерине кирүү экзамендерин тапшырууда аскер кызматчылар жана абитуриенттер;

- райондордун (облустук маанидеги шаарлардын) аскердик башкаруунун жергиликтүү органдарынын чакыруу участокторунда.

- чакыруу боюнча аскердик кызмат өтөп жаткан жоокерлерден жана сержанттардан (старшиналардан) тышкары бардык контингенттер, аскердик окуу жайлардын курсантары, Советтер Союзунун Баатыры генерал-майор Д.Асанов атындагы Кыргыз улуттук аскер лицейинин тарбиялануучулары үчүн жууркан-төшөктөрдү эксплуатациялоо мөөнөтү түз эксплуатациялоо боюнча эсептелет, жууркан-төшөктөрдү кампаларда сактоо убактысы эксплуатациялоо мөөнөтүнө эсептелбейт.

Эскертүү:

1. Темир фляганын ордуна 3 жылга полиэтилен флягасын же 5 жылга алюминий флягасын берүүгө уруксат берилет.

2. Машыгууларды, талаа чыгууларын жана атайын иш-чараларды өткөрүүдө инвентардык мүлк катары берилет.

3. Жасалма толтургуч менен толтурулган жаздыктарды сатып алууга уруксат берилет.

Чакыруу боюнча аскер кызматчылар, ЖОЖдордун курсанттары жана Советтер Союзунун Баатыры генерал-майор Д.Асанов атындагы Кыргыз улуттук аскер лицейинин тарбиялануучулары үчүн жеке гигиена каражаттарын чыгымдоонун (жабдуунун)

№ 22 ченеми

Эскертүүлөр:Тиш пастасынын тюбиктеги салмагы 90 грамм

Даарат кагазы менен чыгымдоонун (жабдуунун)

№ 23 ченеми

Эскертүү:             Даарат кагазынын бир рулону 50 метрден кем болбошу керек.

ЖОЖдордун курсанттары, Советтер Союзунун Баатыры генерал-майор Д.Асанов атындагы Кыргыз улуттук аскер лицейинин тарбиялануучулары, мөөнөттүү кызматтын аскер кызматчылары үчүн ушул ченемге кошумча бир аскер кызматчыга бут кийим креминен 2 тюбик берилет. Бут кийим креминин салмагы 30 граммдан кем эмес.

* жалпы пайдалануу жерлерине берилет

Самынды жана жуучу каражаттарды чыгымдоонун (жабдуунун)

№

24 ченеми

     Эскертүүлөр:

 *жалпы пайдалануу жерлерине берилет

- атыр самын жок болгондо аны 60 пайыздан кем эмес май кислоталары камтылган кир самын менен алмаштырууга уруксат берилет;

 - кир самын жок болсо атыр самын менен алмаштырууга уруксат берилет.

Окуу жайлардын курсанттарына, КУАЛдын тарбиялануучуларына 1 жылга 1 даана эсебинде кошумча атыр самын үчүн кутуча берилет.

Ич кийимдерди жана кийимдерди бир аскер кызматчыга кир жуу көлөмү бир айга төмөнкүнү түзөт:

- жайкысын – 7,0 кг;

- кышкысын – 9,0 кг;

Госпиталдарга, медициналык пункттарга 1 койкага – бир айга 10 кг.

- бир медицина кызматкерине – 2 кг;

- ашкана жумушчусуна – 3 кг;

- атайын кийимди талап кылган штаттык кызматка – 1 кг

Кыргыз Республикасынын Куралдуу Күчтөрүнүн аскер кызматчылары үчүн

альпинисттик, топтук жана жеке шаймандарды чыгымдоонун (жабдуунун)

№ 25 ченеми

Эскертүү: Ушул ченем боюнча тоолуу жана бийик тоолуу аймактарда тапшырмаларды аткарчу аскердик бөлүктөрдүн аскер кызматчылары, ошондой эле Кыргыз Республикасынын Куралдуу Күчтөрүнүн күжүрмөн даярдоо борбору практикалык сабактарды өткөрүү үчүн камсыздалат.

Издөө чалгындоо аракеттерине тартылчу аскер кызматчылар, аскердик бөлүктөр камсыздалат.

 4000 метрден жогору чыкканда берилет.

Кыргыз Республикасынын Куралдуу Күчтөрүнүн аскер кызматчылары жана

аскердик бөлүктөрү (бөлүкчөлөрү, мекемелери) үчүн чатырларды чыгымдоонун (жабдуунун)

№ 26 ченеми