ЖАЛАЛ-АБАД ОБЛУСУНУН ЖАЛАЛ-АБАД ШААРЫНЫН

ЖАНА СУЗАК РАЙОНУНУН КОМЕНДАНТУРАСЫНЫН

БУЙРУГУ

2020-жылдын 29-марты № 14

Жалал-Абад облусунун Жалал-Абад шаарынын жана Сузак районунун комендантынын орун басарын дайындоо жөнүндө

Кыргыз Республикасынын Президентинин 2020-жылдын 24-мартындагы "Кыргыз Республикасынын Жалал-Абад облусунун Жалал-Абад шаарынын жана Сузак районунун аймактарында өзгөчө абалды киргизүү жөнүндө" № 57 ПЖ Жарлыгын аткаруу максатында жана коронавирус оорусунун жайылышынын алдын алуу боюнча иш-чараларды жүргүзүүгө тартылган күчтөрдүн иштерин ишмердик чөйрөсү боюнча уюштуруу жана координациялоо үчүн,

БУЙРУК КЫЛАМ:

1. Жалал-Абад облусунун Үй бүлөлүк дарыгерлер борборунун директору Эрматов Нурдин Абдыманапович Жалал-Абад облусунун Жалал-Абад шаарынын Сузак районунун комендантынын орун басары болуп дайындалсын.

2. Н.А.Эрматовго төмөндөгү милдеттер жүктөлсүн:

- Жалал-Абад облусунун аймагында медициналык мекемелердин иштерин координациялоо;

- Санитардык-эпидемиологиялык түзүмдөрдүн иштерин координациялоо.

3. Буйруктун аткарылышы боюнча жоопкерчилик Н.А.Эрматовго жүктөлсүн.

4. Аталган буйруктун аткарылышын көзөмөлдөөнү өзүмө калтырам.