НАРЫН ОБЛУСУНУН НАРЫН ШААРЫНЫН

ЖАНА АТ-БАШЫ РАЙОНУНУН КОМЕНДАНТУРАСЫНЫН

БУЙРУГУ

2020-жылдын 16-апрели № 16

Материалдык жардам көрсөтүү жөнүндө

“Кыргыз Республикасынын калкын социалдык жактан тейлөөнүн негиздери боюнча” мыйзамына ылайык, Нарын облусунун Нарын шаарынын жана Ат-Башы районунун аймагындагы жашоо шарты оор абалда болгон жарандарга материалдык жардамдарды көрсөтүү максатында,

БУЙРУК КЫЛАМ:

1. Нарын шаардык мэриясына жана Ат-Башы райондук мамлекеттик администрациясына:

- жашоо шарты оор абалда жашаган жарандарды аныктап, материалдык жардамдар көрсөтүлсүн;

- жашоо шарты оор абалда жашаган жана материалдык жардамга муктаж болгон жарандардын тизмеси түзүлүп, бекитилсин;

- колдоого муктаж болгон жарандар социалдык колдоо пакеттери жана гуманитардык жардамдар менен үзгүлтүксүз камсыз кылынсын;

2. Аталган буйруктун аткарылышы боюнча жоопкерчилик Нарын шаары жана Ат-Башы районунун комендантынын социалдык-экономикалык маселелер боюнча орун басары Нарын шаарынын мэри Н.Молдокадыровго жана Ат-Башы райондук мамлекеттик администрациясынын башчысы аким Н.Сатаровго жүктөлсүн.

3. Буйруктун аткарылышын көзөмөлдөөнү өзүмө калтырам.