Мамлекеттик кызмат көрсөтүүнүн административдик

РЕГЛАМЕНТИ

“Кыймылсыз мүлккө укуктарды жана оорлотууларды (чектөөлөрдү) мамлекеттик каттоо”

(Кыргыз Республикасынын Өкмөтүнүн 2012 – жылдын 10 -февралындагы  №85 токтому менен бекитилген Аткаруу бийлик органдары, алардын структуралык бөлүктөрү жана ведомстволук мекемелери тарабынан көрсөтүлүүчү мамлекеттик кызмат көрсөтүүлөрдүн бирдиктүү системалаштырылган Реестринин  (тизмесинин)

8-главасынын 81-пункту)

1. Жалпы жоболор

1. Бул мамлекеттик кызматты көрсөтүү Кыргыз Республикасынын айыл чарба министрлигине караштуу Жер ресурстары кызматынын алдындагы «Кадастр» мамлекеттик мекемесинин филиалдары тарабынан ишке ашырылат.

2. Аталган кызматтын административдик регламенти Кыргыз Республикасынын Өкмөтүнүн 2014-жылдын 3-июнундагы № 303 токтому менен бекитилген кызмат көрсөтүү стандартынын талаптарына шайкеш келет.

3. Кызмат көрсөтүү стандарттарында берилген негизги параметрлер:

(1) Укуктары мурда жергиликтүү каттоо органында катталган, анын ичинде электрондук форматта кызмат көрсөтүүнүн жалпы мөөнөтү 2 (эки) жумушчу күндүн ичинде жүзөгө ашырылат, анын ичинен:

- жеке жактар үчүн 5 жумушчу саат, юридикалык жактар үчүн 10 жумушчу саат;

- арыздарды кабыл алуу убактысы, анын ичинде электрондук форматта - 30 мүнөттүн ичинде.

- кызмат көрсөтүүнүн натыйжасын, анын ичинде электрондук форматта аткаруу убактысы - 15 мүнөттүн ичинде.

(2) Кызматты кѳрсѳтүүдѳ зарыл болгон документтердин тизмеси:

1. Бардык арыз берүүчүлѳр үчүн:

- белгиленген формадагы арыз;

- арыз берген адамдын ким экендигин тастыктаган документ.

Эгерде жеке жактын ыйгарым укуктуу өкүлү кызмат көрсөтүү үчүн кайрылса, мамлекеттик каттоону жүргүзүүгө жеке жактын өкүлүнүн ыйгарым укуктарын ырастоочу документти, юридикалык жак үчүн - анын өкүлүнүн ыйгарым укуктарды ырастоочу документти көрсөтүүсү зарыл;

- кыймылсыз мүлк бирдигине укук белгилөөчү документ;

- эгерде бар болсо кыймылсыз мүлк бирдигинин техникалык мүнөздөмөсүн камтыган документ (техпаспорт);

- төлөмдү ырастоочу документ (арыз берүүчү тарабынан төлөм мамлекеттик органдын адиси берилген документтердин белгиленген талаптарга ылайык экенин текшергенден жана арыз ээсине мамлекеттик каттоо үчүн акы төлөнгөн  документти бергенден кийин жүргүзүлөт);

(3) Кызмат кѳрсѳтүүнүн баасы: Мамлекеттик кызмат акы төлөѳ негизинде кѳрсѳтүлѳт. Мамлекеттик кызмат көрсөтүүлөрдүн баасы (Баалардын прейскуранты) Монополияга каршы жөнгө салуу чөйрөсүндөгү ыйгарым укуктуу мамлекеттик орган менен макулдашуу боюнча Кыргыз Республикасынын Айыл чарба министрлигинин буйругу менен бекитилет.

(4) Кызмат кѳрсѳтүүнүн жыйынтыгы:

Кызмат көрсөтүүнүн натыйжасы: каттоого берилген документке күбөлөндүрүүчү жазууну коюу менен каттоону күбөлөндүрүү.

2. Кызмат көрсөтүү процессинде аткарылуучу жол-жоболордун тизмеси

4. Кызмат көрсѳтүү төмөнкү жол-жоболорду камтыйт

Таблица 1

3. Жол-жоболордун өз ара байланышынын блок-схемасы

5. Кызмат көрсөтүү өндүрүшүндө аткарылуучу жол-жоболордун логикалык тартиби төмөнкү блок-схемада көрсөтүлгөн.

4. Жол-жоболорду жана алардын мүнөздөмөлөрүн баяндоо

Таблица 2

5. 1,2,3 жол-жоболордун схемасы (алгоритмдери)

6. Административдик регламенттин талаптарынын аткарылышын контролдоо

6. Администрациялык регламенттин талаптарынын аткарылышын контролдоо үчүн ички (учурдагы) жана тышкы контроль жүргүзүлѳт.

1) Ички контролду ргыз Республикасынын Айыл чарба министрлигине караштуу Жер ресурстары кызматынын алдындагы «Кадастр» мамлекеттик мекемесинин филиалдарынын жетекчилери ишке ашырат.

2) Ички контроль кызмат адамдары жана кызматчылар тарабынан административдик регламенттин жоболорун, ошондой эле кызмат көрсөтүү процессинде кабыл алынган чечимдердин сакталышын жана аткарылышын үзгүлтүксүз текшерүү аркылуу жүзөгө ашырылат.

3) Текшерүүлөрдүн мезгилдүүлүгү кварталына бир жолудан кем эмес.

Пландан тышкаркы текшерүүлөр кызмат көрсөтүүлөрдү керектөөчүлөрдүн өтүнүчү боюнча жүргүзүлөт.

4) Текшерүүлөрдүн натыйжалары боюнча кызматтын административдик регламентинин талаптарынын аныкталган бузууларын четтетүү боюнча чаралар көрүлөт, ошондой эле күнөөлүү адамдарды Кыргыз Республикасынын мыйзамдарына ылайык жоопкерчиликке тартуу маселеси каралат.

7. Кызматтын административдик регламентинин талаптарынын аткарылышына тышкы контроль Кыргыз Республикасынын Айыл чарба министрлигинин чечими менен түзүлгөн комиссия тарабынан жүзөгө ашырылат.

1) Комиссиянын ишинин натыйжалары маалымкат түрүндө таризделет, анда административдик регламентке өзгөртүүлөрдү киргизүү боюнча сунуштар киргизилиши мүмкүн.

2) Маалымкатка кол коюлган күндөн тартып 3 жумушчу күндүн ичинде ал бул кызматты көрсөткөн мекемеге жөнөтүлөт.

Маалымкат алынган күндөн тартып бир айлык мөөнөттө аныкталган тартип бузууларды жана кемчиликтерди четтетүү боюнча чаралар, бул тартип бузууларга жол берген кызмат адамдарына жана кызматкерлерге карата тартиптик жана административдик чаралар көрүлүшү керек.

Зарыл болгон учурда административдик регламентке өзгөртүүлөрдү киргизүү   белгиленген тартипте жүргүзүлѳт.

3) Административдик регламенттин талаптарынын сакталышына тышкы контроль жылына бир жолудан кем эмес жүргүзүлөт.

7. Административдик регламенттин талаптарын бузгандыгы үчүн кызмат адамдарынын жоопкерчилиги

8. Администрациялык регламенттин талаптарын бузгандыгы үчүн ргыз Республикасынын Айыл чарба министрлигине караштуу Жер ресурстары кызматынын кызмат адамдары жана кызматкерлери Кыргыз Республикасынын мамлекеттик кызмат чөйрөсүндөгү мыйзамдарына ылайык жоопкерчилик тартышат.

9. Кызмат көрсөтүү же анын бир бөлүгү жеке жана/же юридикалык жактарга аутсорсингге берилген учурда, кызмат көрсөтүүнүн административдик регламентинин талаптарынын аткарылышын кѳзѳмѳлдѳѳ кызмат көрсөткөн жооптуу мекемеге жүктѳлѳт.

8. Корутунду жоболор

10. Зарыл шартка жараша Административдик регламент кызмат кѳрсѳтүү Стандартын кайра кароо менен бир убакта каралууга тийиш.

9. Административдик регламенттерди иштеп чыгуучулар

1. Кожомкулов Т.Б. – Кыргыз Республикасынын Айыл чарба министрлигине караштуу Жер ресурстары кызматынын Кыймылсыз мүлктү каттоо жана маалымат технологиялары башкармалыгынын башкы адиси.