Мамлекеттик кызмат көрсөтүүнүн административдик

РЕГЛАМЕНТИ

«Жеке жана юридикалык жактардын арыздары боюнча карантинге алынчу продукцияны, транспорт каражаттарын зыянсыздоо, кампа жайларды өсүмдүктөрдүн карантинин камсыздоо ченемдерине жана эрежелерине ылайык профилактикалык фитосанитардык зыянсыздоо жана зыянсыздалганын ырастоочу документти берүү»

(Кыргыз Республикасынын Өкмөтүнүн 2012 – жылдын 10 – февралындагы № 85 токтому менен бекитилген Мамлекеттик органдары, алардын структуралык бөлүктөрү жана ведомстволук мекемелери тарабынан көрсөтүлүүчү мамлекеттик кызмат көрсөтүүлөрдүн бирдиктүү реестринин (тизмегинин) 8-главасы, 4-пункту)

1. Жалпы жоболор

1. Аталган мамлекеттик кызмат көрсөтүү Кыргыз Республикасынын Айыл чарба министрлигинин алдында Өсүмдүктөрдү химиялаштыруу, коргоо жана карантин департаменти тарабынан ишке ашырылат (мындан ары -Депаратмент).

2. Аталган кызматтын административдик регламенти Кыргыз Республикасынын Өкмөтүнүн 2014-жылдын 3-июнундагы №303 (Кыргыз Республикасынын Өкмөтүнүн 2018-жылдын 28-майындагы № 254 токтомунун редакциясына ылайык) токтому менен бекитилген кызмат көрсөтүү стандартынын VIII-бөлүмүнүн 13-главасынын талаптарына шайкеш келет.

3. Кызмат көрсөтүү стандарттарында берилген негизги параметрлер:

1)            Жалпы кызмат көрсөтүү мөөнөтү: 7 күнгө чейин анын ичинен:

- арызды жана документтерди кабыл алуу жана кароо, зыянсыздоо методун тандоо, ошондой эле химиялык затты сарптоо санын алдын ала эсептөө убактысы - 30 мүнөткө чейин;

- карантинге алынуучу продукцияны, транспорт каражаттарын, кампа жайларын жайгашкан ордуна, жылчыксыздыгына, зыянсыздоо үчүн карантиндик объекттин көлөмүнө карата кароо убакыты - 2 саатка чейин;

- газдаштыруу методу же аэрозоль чачуу методу менен зыянсыздоо карантиндик объекттин көлөмүнө жана зыянсыздоо методуна жараша - 24 сааттан 168 саатка чейин;

- карантиндик фитосанитардык зыянсыздоо жөнүндө актты тариздөө жана берүү убактысы - 40 мүнөткө чейин.

2)            Мамлекеттик кызмат көрсөтүүнү алуу үчүн керектүү документтердин тизмеги:

а) ким экендигин ырастаган документ;

б) кызмат көрсөтүүнү алууга арыз берүү;

в) кызмат көрсөтүү акысы төлөнгөндүгү жөнүндө квитанция;

г) ишеним кат (юридикалык жактардын атынан, алардын өкүлдөрүнүн ыйгарым укуктарын тастыктоочу документ).

Кызматты электрондук форматта алууда электрондук формадагы арызды толтуруу жана кызматты алуу үчүн зарыл болгон документтерди тапшыруу Электрондук кызмат көрсөтүүлөрдүн мамлекеттик порталы (мындан ары – мамлекеттик портал) же агроөнөр жай комплекси чөйрөсүндөгү ыйгарым укуктуу мамлекеттик органдын электрондук ресурсу аркылуу жүзөгө ашырылат.

Электрондук кызмат көрсөтүүлөр мамлекеттик порталы аркылуу кайрылууда кызмат көрсөтүүчү тарабынан “Түндүк” өз ара аракеттенүү ведомстволор аралык системасы аркылуу алууга боло турган документтер талап кылынбайт.

3)            Кызмат көрсөтүү акысы – Мамлекеттик кызмат көрсөтүүлөргө акы төлөнөт. Кызмат көрсөтүү акысы агрардык өнөржай комплекси жаатындагы ыйгарым укуктуу мамлекеттик органдын маалымат стенддеринде жана расмий сайтында жайгаштырылган баалардын прейскурантында көрсөтүлгөн (www.agroprod.kg). Акы төлөө шарттары: төлөөгө берилген эсептин негизинде накталай эмес эсептешүү.

4)            Кызмат көрсөтүүнүн натыйжасы: Жеке жана юридикалык жактардын арыздары боюнча карантинге алынуучу продукцияны, транспорт каражаттарын зыянсыздоо, кампа жайларын өсүмдүктөрдүн карантинин камсыздоо ченемдерине жана эрежелерине ылайык профилактикалык фитосанитардык зыянсыздоо жана зыянсыздалганын ырастоочу документти берүү.

2. Кызмат көрсөтүү процессинде аткарылуучу жол-жоболордун тизмеги

4. Кызмат көрсөтүү өндүрүшү төмөнкү жол-жоболорду өзүнө камтыйт:

       1-таблица

  3. Жол-жоболордун өз ара байланышынын блок-схемасы

5. Кызмат көрсөтүү өндүрүшүндө аткарылуучу жол-жоболордун логикалык тартиби төмөнкү блок-схемада көрсөтүлгөн.

4. Жол-жоболордун сыпаттамасы жана алардын мүнөздөмөлөрү

         2-таблица

5. Жол-жоболорду аткаруу схемасы (алгоритмдери)

1-схема. Мамлекеттик кызмат жөнүндө суроо-талаптын берилиши

2-схема. Карантинге алынган продукцияны, транспорт каражаттарын, кампа жайларды зыянсыздандыруунун алдында кароо

3-схема. Зыянсыздандырууну жүргүзүү

4-схема. Зыянсыздандыруу иштерин аткарууга акты берүү, карантиндик фитосанитардык зыянсыздандыруу актысын берүү

6. Административдик регламенттин талаптарынын аткарылышын көзөмөлдөө

6. Административдик регламенттин талаптарынын аткарылышына ички (учурдагы) жана тышкы көзөмөл жүргүзүлөт.

1) Кыргыз Республикасынын Айыл чарба министрлигинин Өсүмдүктөрдү химиялаштыруу, коргоо жана карантин департаментинин жетекчиси ички көзөмөлдөө иштерин алып барат.

2) Ички көзөмөл кызмат адамдары жана кызматчылар тарабынан административдик регламенттердин жоболорунун, ошондой эле кызмат көрсөтүү процессинде кабыл алынган чечимдердин сакталышына жана аткарылышына үзгүлтүсүз текшерүүлөрдү жүргүзүү аркылуу ишке ашырылат.

3) Текшерүүлөр ар кварталда бир жолудан кем эмес убакыт аралыгында жүргүзүлөт.

Пландан тышкары текшерүүлөр кызмат көрсөтүүнү керектөөчүлөрдүн арызы боюнча жүргүзүлөт.

4) Кызмат көрсөтүүнүн административдик регламентинин талаптарын бузууларды жоюу чаралары текшерүүлөрдүн жыйынтыгы боюнча кабыл алынат, ошондой эле күнөөлүү жактардын жоопкерчиликтери Кыргыз Республикасынын мыйзамдарына ылайык каралат.

5) Кыргыз Республикасынын Айыл чарба министрлигинин чечими менен түзүлгөн комиссия кызмат көрсөтүүнүн административдик регламентинин талаптарынын аткарылышына тышкы көзөмөл жүргүзөт.

6) Комиссиянын ишинин жыйынтыктары справка түрүндө таризделет, бул справкага административдик регламентке өзгөртүүлөрдү киргизүү жөнүндө сунуштар киргизилет.

7) Справкага кол коюлгандан тартып 3 (үч) жумушчу күндүн ичинде, ал ушул кызматты көрсөтүүчү мекемеге жиберилет.

Справка келген күндөн тартып 1 (бир) айдын ичинде табылган бузууларды жана кемчиликтерди жоюу чаралары, тартип бузууларга жол берген кызмат адамдарын жана кызматчыларды тартипке чакыруу жана административдик чаралары көрүлүүгө тийиш.

Ошондой эле, зарылдыгына жараша, административдик регламентке өзгөртүүлөрдү киргизүү белгиленген тартипте демилгеленет.

8) Административдик регламенттин талаптарынын аткарылышына тышкы көзөмөл жылына бир жолудан кем эмес убакыт аралыгында жүргүзүлөт.

7. Кызмат адамдарынын административдик регламенттин талаптарын бузгандыгы үчүн жоопкерчилиги 

8. Департаментинин кызмат адамдары жана кызматчылары административдик регламенттин талаптарын бузгандыгы үчүн Кыргыз Республикасынын мыйзамдарына ылайык жоопко тартылышат.

9. Кызмат көрсөтүү же анын бир бөлүгү жеке жана/же юридикалык жактарга аутсорсингге берилген учурда, кызмат көрсөтүүнүн административдик регламентинин талаптарын сактоо жоопкерчилиги ушул кызматты берүүгө жооптуу мекемеге жүктөлөт.

8. Корутунду жоболор

10. Административдик регламент Кызмат көрсөтүү стандарттары менен бир убакта жана зарылдыгына жараша кайрадан каралып чыгууга тийиш.

9. Административдик регламентти иштеп чыккандар

1. Мазенов Бакытбек Амангельдиевич – Кыргыз Республикасынын Айыл чарба, тамак-аш өнөр жайы жана мелиорация министрлигинин Өсүмдүктөрдүн карантини департаментинин, Өсүмдүктөрдүн карантини башкармалыгынын башчысы;

2. Кабылова Райла Турдуевна – Кыргыз Республикасынын Айыл чарба, министрлигинин Өсүмдүктөрдү химиялаштыруу, коргоо жана карантин департаментинин сырткы карантин бөлүмүнүн башкы адиси.