РегламентКүчүндө

Мамлекеттик кызмат көрсөтүүнүн административдик регламенти "Документтерди архивдик мекеменин аймагында убактылуу пайдалануу үчүн архивдик фонддон берүү" (КР Санариптик өнүктүрүү министрлигинин 2022-жылдын 5-августундагы N 3-д буйругу менен бекитилди)

Номер: № 3-д
Кабыл алынган дата: 5 августа 2022 года
Каттоо: № 12247 · 25 августа 2022 года
Чыгарган: Государственная служба цифрового развития при Правительстве КР
Документтин коду: 200737

Бул документ жөнүндө суроо

Минюсттун расмий барагы

4-тиркеме

БЕКИТИЛДИ

Кыргыз Республикасынын

Санариптик өнүктүрүү министрлигинин

2022-жылдын_______________

№ __________ буйругу

МАМЛЕКЕТТИК КЫЗМАТ КӨРСӨТҮҮНҮН АДМИНИСТРАТИВДИК РЕГЛАМЕНТИ

“ Документтерди архивдик мекеменин аймагында убактылуу пайдалануу үчүн архивдик фонддон берүү”

Мамлекеттик кызмат көрсөтүүлөрдүн бирдиктүү реестринин (тизмегинин) 6-главасы № 42

1. Жалпы жоболор.

1. Бул мамлекеттик кызматты көрсөтүү Кыргыз Республикасынын Санариптик өнүктүрүү министрлигине караштуу Архив кызматынын төмөнкү ведомстволук мекемелери тарабынан жүзөгө ашырылат:

- Кыргыз Республикасынын борбордук мамлекеттик архивдери (КР БМ КФФДАдан тышкары);

- облустук мамлекеттик архивдер;

- Түштүк региондор аралык мамлекеттик коомдук-саясий документтер архиви;

- шаардык мамлекеттик архивдер;

- райондук мамлекеттик архивдер.

2. Бул кызмат көрсөтүүнүн административдик регламенти Кыргыз Республикасынын Өкмөтүнүн 2014-жылдын 3-июнундагы № 303 токтому менен бекитилген (2021-жылдын 1-июнундагы № 52 редакциясында) кызмат көрсөтүүнүн тиешелүү стандартынын талаптарына жооп берет.

3. Кызмат көрсөтүүнүн стандарты менен берилген негизги параметрлер:

(1) Кызмат көрсөтүүнүн жалпы убактысы: кезек күтүү жана суроо-талапты кабыл алуу 20 мүнөттөн ашык эмес болот; Документти издөө жана берүү убактысы 30 мүнөттөн ашпайт. Мамлекеттик архивдин (окуу залынын) аймагында документтерди пайдалануунун чектик убактысы 30 календардык күндөн ашпайт.

(2) Кызмат көрсөтүү үчүн зарыл болгон документтердин тизмеги:

а) өздүгүн тастыктаган документ;

б) белгиленген түрдөгү анкета-арыз, кат;

в) фондду түзүүчүнүн уруксаты (ал өлгөндө анын жакын туугандарынын уруксаты) өздүк архивдин документтерин пайдаланууга (фонд түзүүчүнүн талабы болгон учурда);

г) чет өлкөлүк жарандар үчүн - чет өлкөлүк жаранды кабыл алган чет өлкөлүк уюмдун же мекеменин колдонуучуга документтердин белгилүү бир түрлөрүнө кирүүгө уруксат берүү өтүнүчү менен кат;

д) юридикалык жактар өздөрүнүн өкүлүнүн ыйгарым укуктарын ырастоочу документти (ишеним катты) кошумча көрсөтүшөт;

(3) Кызмат көрсөтүүнүн наркы: акысыз.

(4) Кызмат көрсөтүүнүн натыйжасы: архивдик документтерди таанышуу жана алар менен архивдик мекеменин өзүнчө жайларында иштөө үчүн берүү.

4. Мамлекеттик кызмат көрсөтүүнүн негизи болгон ченемдик-укуктук документтер:

- “Кыргыз Республикасынын Улуттук архив фонду жөнүндө” КР Мыйзамы,

- “Жарандардын кайрылууларын кароо тартиби жөнүндө” Кыргыз Республикасынын Мыйзамы,

- “Кыргыз Республикасынын мамлекеттик органдарынын жана жергиликтүү өз алдынча башкаруу органдарынын карамагында турган маалыматтарга жетүү жөнүндө” Кыргыз Республикасынын Мыйзамы;

- “Кыргыз Республикасынын мамлекеттик сырларын коргоо жөнүндө” Кыргыз Республикасынын Мыйзамы;

- Кыргыз Республикасынын Министрлер Кабинетинин 2021-жылдын 1-июнундагы № 17 “Кыргыз Республикасынын Санариптик өнүктүрүү министрлигинин маселелери жөнүндө” токтому;

- Кыргыз Республикасынын Өкмөтүнүн 2000-жылдын 20-январындагы № 33 “КМШга катышкан мамлекеттердин архив маалыматын пайдалануу тармагындагы өз ара аракеттенүүсүнүн принциптери жана формалары жөнүндө Макулдашууну бекитүү тууралуу” токтому (мындан ары – Макулдашуу);

- Мамлекеттик архив агенттигинин 2009-жылдын 17-августундагы № 46/1 буйругу менен бекитилген Кыргыз Республикасынын мамлекеттик архивдеринин жумуштарынын негизги эрежелери (мындан ары - Негизги эрежелер);

- Архивдик агенттиктин ЭТУКнун (эксперттик-текшерүү усулдук комиссиясы) 2008-жылдын 27-мартындагы № 4 чечими менен бекитилген Кыргыз Республикасынын мамлекеттик архивинин окуу залында пайдалануучулардын иш эрежелери (мындан ары – иш эрежелер).

2. Кызмат көрсөтүү процессинде аткарылуучу жол-жоболордун тизмеги

№	Жол-жобонун аталышы	Эскертүү
1	Жеке кайрылууда жана archive.kg жана portal.tunduk.kg. электрондук сайты аркылуу келген белгиленген формадагы анкета-арызды, каттарды кабыл алуу	а) Арыз ээси мамлекеттик архивге жеке кайрылганда суроо-талапты кабыл алуу; б) archive.kg. жана portal.tunduk.kg. электрондук сайты аркылуу келген суроо-талапты кабыл алуу
2	Мамлекеттик архивдин окуу залына кирүү мүмкүнчүлүгү же мамлекеттик кызмат көрсөтүүдөн баш тартуу, эгерде ага кирүү мыйзам менен чектелсе жана ушул Регламенттин 3-пунктунун 3.2-пунктчаларында көрсөтүлгөн зарыл документтер жок болсо	Кыргыз Республикасынын “Улуттук архив фонду жөнүндө” Мыйзамына ылайык
3.	Архивдик документтерди архив сактоочу жайдан берүү	Архивдик фонддорго, документтерге маалымдама-издөө каражаттарын (илимий маалымдама аппараттарын) берүү
4	Архивдик документтерди архив сактоочу жайга кайтаруу	Документтерди көчүрүүгө тапшырыктарды тариздөө

3. Жол-жоболордун өз ара байланышынын блок-схемасы

Фронт - кеңсе


	1	2			3	4

				Бэк - кеңсе

			Баш тартуу

4. Жол-жоболордун сыпатталышы жана алардын мүнөздөмөлөрү

Жол-жоболордун жана иш-аракеттердин аталышы	Аткаруучуу (кызмат адамы)		Иш-аракеттердин узактыгы	Иш-аракеттин жыйынтыгы		Иш-аракети жөнгө салуучу документтер

1-жол-жобо. Белгиленген формадагы анкета-арызды жана каттарды кабыл алуу а) арыз ээси мамлекеттик архивге жеке кайрылууда суроо-талапты кабыл алуу
1.1-иш-аракет. Жеке кайрылууда жана archive.kg жана portal.tunduk.kg. электрондук сайты аркылуу келген белгиленген формадагы анкета-арызды, каттарды кабыл алуу	Архив мекемелеринин жетекчилери		Кезек күтүү, арыздарды жана каттарды кабыл алуу 20 мүнөттөн ашык эмес	- Арыздарды жана каттарды каттоо; -Жетекчининин резолюциясы.		Негизги эрежелер
1.2-иш-аракет. Арыздарды жана каттарды каттоо	Документтерди каттоого жооптуу кызматкер			Колдонуучунун анкетасы жана сактоочу жайдан көктөмөлөрдү берүү тапшырыгы толтурулат		Негизги эрежелер
1.3-иш-аракет. Арыздардын жана каттардын мазмуну менен таанышуу, анын таандыктыгын аныктоо	Документтерди каттоого жооптуу кызматкер		5- мүнөттөн ашык эмес	а) Чечим кабыл алуу - суроо-талап бул мамлекеттик архивде аткарылууга тийишпи же жокпу; б) бул административдик иш-аракетти жасагандыгы үчүн кызматкер төмөнкүлөргө милдеттүү: - суроо-талаптын (тапшырыктын) бул архивде аткарылышына тиешелүүлүгүн аныктоо, эгерде документти алууга чек коюлса, жашыруундук грифи бар болсо же бул документ жок болсо, анда далилдүү баш тартуу; - толук жана компетенттүү жооп берүү үчүн бардык зарыл чараларды көрүү		- “КР УАФ жөнүндө” КР Мыйзамы; -“Жарандардын кайрылууларын кароо тартиби жөнүндө” КР Мыйзамы; - Типтүү нускама; - Негизги эрежелер
1.4-иш-аракет. Колдонуучуларга көктөмөлөрдү берүү үчүн тапшырыкты (талапты) архив сактоочу жайдын кызматкерлерине өткөрүп берүү	Документтерди каттоого жооптуу кызматкер		5 мүнөттөн ашык эмес	Көктөмөлөрдү убактылуу пайдаланууга берүү жөнүндө акт толтурулат жана көктөмөлөр архив сактоочу жайдан тапшырыкка (талаптарга) ылайык берилет.		- Негизги эрежелер
1.5-иш-аракет. Тапшырыкты кабыл алуу жана арызда көрсөтүлгөн документтерди издөө	Документтерди сактоо жана камсыздоо бөлүмүнүн кызматкерлери жана сактоочу жайдын		Бир жумуш күндүн ичинде	Арыз ээсине окуу залында архивдик документтерди берүү		- Иш эрежелери; - Мамлекеттик архивдин фонддорунун тизмеси; - Архив фонддорунун курамы жана мазмуну жөнүндө маалымдама (жол көрсөткүч)
1-жол жобонун жыйынтыгы: арыз ээсинин жеке кайрылуусунда суроо-талапты, арызды, каттарды каттоо жана аныктоо
1-жол-жобонун узактыгы: 30 мүнөттүн ичинде, бир жумуш күнүнүн ичинде документтерди издөө
1.2-иш-аракет. Арыздарды жана каттарды каттоо	Документтерди каттоого жооптуу кызматкер			Катталган (тапшырык) суроо-талап же кат		Иш эрежелери
1.3-иш-аракет. Арыздардын жана каттардын мазмуну менен таанышуу, анын таандыктыгын аныктоо	Суроо-талаптарды, арыздарды каттоо менен алектенген мамлекеттик архивдин кызматкери			а) Чечим кабыл алуу - суроо-талап бул мамлекеттик архивде аткарылууга тийишпи же жокпу; б) бул административдик иш-аракетти жасагандыгы үчүн кызматкер төмөнкүлөргө милдеттүү: - суроо-талаптын (тапшырыктын) бул архивде аткарылышына тиешелүүлүгүн аныктоо, эгерде документти алууга чек коюлса, жашыруундук грифи бар болсо же бул документ жок болсо, анда далилдүү баш тартуу; - толук жана компетенттүү жооп берүү үчүн бардык зарыл чараларды көрүү		- “КР УАФ жөнүндө” КР Мыйзамы; -“Жарандардын кайрылууларын кароо тартиби жөнүндө” КР Мыйзамы; -Типтүү нускама; -Негизги эрежелер; -Стандарт; -Нускама
1.4-иш-аракет. Маалыматтын жана зарыл документтердин толук болсо профилдүү арызды, каттарды басып чыгаруу жана аткарууга кабыл алуу жана	Суроо-талапты кабыл алуу жана каттоого жооптуу кызматкер			Арыз ээсинин жазуу жүзүндөгү профилдүү суроо-талабы		- Нускама
1-жол-жобонун жыйынтыгы: электрондук почта аркылуу келген суроо-талапты, арызды, каттарды каттоо жана аныктоо
2.2-иш-аракет. Окуу залынын келүүчүлөрү үчүн өздүк көктөмөнү түзүү	Окуу залынын кызматкерлери		10 мүнөттөн ашык эмес	Түзүлгөн өздүк көктөмө, ага төмөнкү документтер камтылат: уюмдун расмий каты же окуу залында иштөөгө уруксат берүү жөнүндө архив жетекчилигинин резолюциясы менен колдонуучунун жеке арызы.		- Негизги эрежелер; - Иш эрежелери
2.3-иш-аракет. Колдонуучуну архивдик документтер менен иштөөгө даярдоо	Окуу залынын кызматкерлери		20 мүнөттөн ашык эмес	Колдонуучуну архив документтерине киргизүүдө укуктар, милдеттер жана жоопкерчилик менен тааныштыруу		- Негизги эрежелер; - Иш эрежелери
2-жол-жобонун жыйынтыгы: келип түшкөн кайрылууну каттоо аркылуу андан аркы иш-аракеттерге жол берүү
2-жол-жобонун узактыгы: 1 сааттан ашык эмес
2-жол-жобонун тиби: уюштуруу-башкаруу
3-жол-жобо. Архивдик документтерди архив сактоочу жайдан берүү
3.1-иш-аракет. Окуу залынын колдонуучуларына архивдик документтерди берүү	Архив сактоочу жайдын кызматкерлери		30 мүнөттөн ашык эмес	Көктөмөлөр жана башка материалдар толтурулган тапшырыктардын (талаптардын) бланктарынын негизинде пайдалануучуларга берилет. Талаптар 2 нускада толтурулат жана берилген материалдын ар бир бирдиги үчүн пайдалануучуларга тил кат менен берилет.		- Негизги эрежелер; - Иш эрежелери; - Мамлекеттик архивдин фонддорунун тизмеси - Архив фонддорунун курамы жана мазмуну жөнүндө маалымдама (жол көрсөткүч).
3.2-иш-аракет. Колдонуучуларга пайда болгон суроолор боюнча кеңеш берүү	Окуу залынын кызматкерлери		Колдонуу учурунда	Окуу залынын кызматкерлери изилдөөнүн темасына ылайык документтердин курамы жана мазмуну боюнча кеңеш беришет.		- Негизги эрежелер; - Иш эрежелери
3.3-иш-аракет. Колдонуучуну архивдик фонддор үчүн Илимий-маалымдамалык аппараттын (ИМА) бардык түрлөрү жана изилдөө темасы боюнча бар болгон басылмалар менен камсыз кылуу (эгер бар болсо)	Окуу залынын ишине жана архивдик фонддорго жана документтерге Илимий-маалымдамалык аппаратты (ИМА) берүүгө жооптуу кызматкерлер.		7 сааттан ашык эмес.	Колдонуучуларга архивде бар болгон маалымдамалар (тизимдер, каталогдор, серептер, жол көрсөтүүчүлөр, көрсөткүчтөр, тизмелер), изилдөө темасы боюнча көктөмөлөр жана документтер берилет.		- Негизги эрежелер; - Иш эрежелери
3.4-иш-аракет. Изилдөө темасы боюнча архивдик документтерди берүү	Архив сактоочу жайдын жана окуу залынын кызматкерлери		20 мүнөттөн ашык эмес	Колдонуучу тема боюнча иштей баштайт		- Негизги эрежелер; - Иш эрежелери
3-жол-жобонун жыйынтыгы: архивдик көктөмөлөрдү берүүгө тапшырыкты (талапты) толтуруу
3-жол-жобонун узактыгы: 30 мүнөттөн (30 күндөн) ашык эмес
3-жол-жобонун тиби: атайын (көмөкчү)
4-жол жобо. Архивдик документтерди архив сактоочу жайга кайтаруу
4.1-иш-аракет. Колдонуучулар тарабынан архивдик документтерди окуу залына кайтарып берүү		Колдонуучу, окуу залынын жана архив сактоочу жайдын кызматкерлери	20 мүнөттөн ашык эмес	Архивдик документтер архив сактоочу жайга кайтарылып берилгенде окуу залынын жумушчусу архивдик документтерди, алардын физикалык абалын барактап текшерет, колдонуучунун катышуусунда берилүүчү китептерге белги коюлат	- Негизги эрежелер; - Иш эрежелери;
42-иш-аракет. Архивдик документтерди окуу залынан архив сактоочу жайга кайтаруу		Окуу залынын жана архив сактоочу жайдын кызматкерлери	20 мүнөттөн ашык эмес	Архивдик документтер архив сактоочу жайларга өткөрүлүп берилет
4-жол-жобонун жыйынтыгы: окуу залынын колдонуучусун архивдик документтердин талап кылынган түрлөрү менен камсыз кылуу.
Жол-жобонун жалпы узактыгы: - кезек күтүү, суроо-талапты кабыл алуу 20 мүнөттөн ашык эмес болот; - документтерди издөө жана берүү 30 мүнөттөн ашык эмес болот; - мамлекеттик архивдин (окуу залынын) аймагында документтерди пайдалануу 30 календардык күндөн ашык эмес болот
4-жол-жобонун тиби: атайын

5. Жол-жоболорду аткаруу схемалары (алгоритмдери)

1-жол-жобо. Белгиленген формадагы анкета-арызды жана

каттарды кабыл алуу; а) мамлекеттик архивге арыз ээсинин

жеке кайрылуусунда суроо-талапты кабыл алуу

1-жол-жобо. Суроо-талапты, арыздарды, каттарды кабыл алуу

б) archive.kg жана portal.tunduk.kg. электрондук сайты

аркылуу келген суроо-талапты кабыл алуу

2-жол-жобо. Мамлекеттик архивдин

окуу залына киргизүү же мамлекеттик

кызмат көрсөтүүдөн баш тартуу

3-жол-жобо. Архивдик документтерди архив

сактоочу жайдан берүү

4-жол-жобо. Архивдик документтерди

архив сактоочу жайга кайтаруу

6.Административдик регламенттин талаптарынын аткарылышын контролдоо

6. Административдик регламенттин талаптарынын аткарылышы үчүн ички (күндөлүк) жана тышкы контроль жүргүзүлөт.

1) Административдик регламенттин талаптарынын аткарылышына ички (күндөлүк) контроль мамлекеттик архивдин жетекчиси тарабынан жүзөгө ашырылат.

2) Ички (күндөлүк) контроль кызматкерлер тарабынан административдик регламенттин жоболорунун, ошондой мамлекеттик кызмат көрсөтүү процессинде кабыл алынган чечимдердин сакталышын жана аткарылышын текшерүү аркылуу жүзөгө ашырылат.

3) Текшерүү жарым жылда бир жолудан кем эмес жүргүзүлүп турат. Пландан тышкаркы текшерүүлөр кызмат көрсөтүүнүн керектөөчүлөрүнүн арызы боюнча жүргүзүлөт.

4) Текшерүүлөрдүн жыйынтыгы боюнча административдик регламентинин талаптарынын аныкталган бузууларын жоюу чаралары көрүлөт, ошондой эле Кыргыз Республикасынын мыйзамдарына ылайык күнөөлүү адамдардын жоопкерчилиги жөнүндө маселе каралат.

7. Административдик регламенттин талаптарынын аткарылышына тышкы контроль Кыргыз Республикасынын Санариптик өнүктүрүү министрлигине караштуу Архив кызматы түзгөн комиссия тарабынан жүргүзүлөт.

1) Комиссиянын ишинин жыйынтыгы маалым кат түрүндө таризделет, анда административдик регламентти өзгөртүү боюнча сунуштар киргизилиши мүмкүн.

2) Маалым катка кол коюлган күндөн тартып 3 иш күндүн ичинде ал ошол кызматты көрсөткөн мекемеге жиберилет.

Маалым кат түшкөн күндөн тартып бир айлык мөөнөттө аныкталган бузууларды жана кемчиликтерди жоюу боюнча чаралар, бул бузууларга жол берген кызмат адамдарына жана кызматкерлерге карата тартиптик жан административдик чаралар көрүлүүгө тийиш.

Ошондой эле зарылдыгына жараша белгиленген тартипте административдик регламентке өзгөртүүлөрдү киргизүү демилгеленет.

3) Административдик регламенттин талаптарынын аткарылышына тышкы контроль жыл сайын жүргүзүлөт.

7. Административдик регламенттин талаптарын бузгандыгы үчүн кызмат адамдарынын жоопкерчилиги

8. Административдик регламенттин талаптарын бузгандыгы үчүн кызмат адамдар Кыргыз Республикасынын мыйзамдарында белгиленген тартипте жоопкерчиликке тартылышат.

9. Кызмат көрсөтүү же анын бир бөлүгү аутсорсинг иретинде башка жеке жана/же юридикалык жактарга аткарууга берилсе, кызмат көрсөтүүнүн административдик регламентинин талаптарын сактоо жоопкерчилиги бул кызматты көрсөтүүгө жооптуу мекемеге жүктөлөт.

8. Корутунду жоболор

10. Административдик регламент Кызмат көрсөтүүнүн стандарты кайра каралган убакта жана зарылдыгына карата каралууга тийиш.

9. Административдик регламентти иштеп чыгуучулар

1. Чекирова Анара Медетбековна - Кыргыз Республикасынын Санариптик өнүктүрүү министрлигине караштуу Архив кызматынын Кыргыз Республикасынын Улуттук архив фондунун документтер менен иштөө бөлүмүнүн башчысы;

2. Ж. Майчинова - Кыргыз Республикасынын Борбордук мамлекеттик архивинин башкы архивисти.