КР Финансы министрлигинин 2026-жылдын 29-январындагы N 10-б буйругуна ылайык КҮЧҮН ЖОГОТТУ 

Мамлекеттик башкаруу секторунун уюмдарынын финансылык отчеттуулугун даярдоо боюнча

ЖОБО

1-глава. Жалпы жоболор

   1. Мамлекеттик башкаруу секторунун уюмдары тарабынан финансылык отчеттуулукту даярдоо жөнүндө бул  жобо (мындан ары - Жобо) Кыргыз Республикасынын Бюджеттик кодексине, “Бухгалтердик эсеп жөнүндө” Кыргыз Республикасынын Мыйзамына ылайык иштелип чыккан жана төмөнкүлөрдүн курамын, даярдоонун, тапшыруунун жана консолидациялоону регламенттештирет:

 - мамлекеттик башкаруу секторунун жалпы багыттагы финансылык отчеттуулугу (мындан ары-финансылык отчеттуулук);

 -  мамлекеттик бюджеттин аткарылышы жөнүндө отчеттуулук.

   2. Уюмдар ички колдонуу үчүн бул Жободо каралбаган кошумча отчетторду иштеп чыгууга укуктуу.

   3. Ушул Жобонун максаттары үчүн:

  - финансылык отчеттуулукту түзүүгө тиешелүү терминдер бухгалтердик эсеп тармагындагы мыйзамдарда  колдонулган маанисинде колдонулат;

  - мамлекеттик бюджеттин аткарылышы жөнүндө отчеттуулукту түзүүгө тиешелүү терминдер бюджеттик укук маселелерин жөнгө салуучу Кыргыз Республикасынын учурда иштеп жаткан мыйзамдарында колдонулган мааниде пайдаланылат.

2-глава. Отчетторду даярдоого жалпы талаптар

4. Отчеттуулуктун ар бир формасы отчет берүүчү уюм, отчеттун аталышы, отчеттуулуктун валютасы, отчеттук мезгил жөнүндө маалыматты камтыйт. Башка баракка өтүүчү таблицалар өтүүчү баш саптарга ээ болушат. Отчеттун бардык барактарына номерлөө жүргүзүлөт.

5. Отчетту даярдоо, түзүүнүн тууралыгы жана тапшыруу үчүн жоопкерчиликти отчет берүүчү уюмдун жетекчилери тартат.

6. Отчеттордо тазалоого, оңдоого, булгоого жол берилбейт. Каталарды оңдоодо тиешелүү эскертме жасалат, ал отчетко кол койгон адамдар тарабынан күбөлөндүрүлөт.

7. Отчеттуулукка:

-     отчет берүүчү уюмдун жетекчиси жана башкы бухгалтери (бухгалтери) тарабынан, эгерде штатта финансылык-экономикалык кызматтар бар болсо - бул кызматтардын жетекчилери тарабынан кол коюлат;

-     Кыргыз Республикасынын Финансы министрлигинин (мындан ары - Финансы министрлиги) финансы кызматынын, түзүмдүк бөлүмдөрүнүн жетекчиси жана аткаруучусу тарабынан кол коюлат.

-     Финансы министрлиги тарабынан түзүлүүчү мамлекеттик бюджеттин аткарылышы жөнүндө отчетко Финансы министрлигинин ыйгарым укуктуу адамдары тарабынан кол коюлат.

8. Мекемелерди кайра уюштурууда (кошууда, бириктирүүдө, бөлүүдө, бөлүп чыгарууда, өзгөртүп түзүүдө) өткөрүп берүү актысынын же бөлүү балансынын курамына акыркы отчеттук датага жылдык отчеттун көлөмүндө түзүлгөн отчет киргизилет жана мекеменин мурдагы караштуулугу боюнча да, ошондой эле жаңы караштуулугу боюнча да берилет. Финансылык отчеттуулукка отчеттордун айрым беренелеринин аныктыгын тастыктаган мүлктү жана милдеттенмелерди инвентаризациялоо актылары тиркелүүгө тийиш. Консолидациялоодо бюджеттик мекеменин жаңы караштуулугу боюнча отчеттуулугу киргизилет.

9. Каржылоосу бюджеттин бир деңгээлинен экинчи деңгээлине өткөрүлүп берилген же бир баш ийүүдөн экинчисине өткөрүлүп берилген уюмдар өткөрүп берүү же жоюу күнүнө карата отчеттуулуктун формаларынын көлөмүндө отчеттуулук түзүшөт жана аны мурдагы, ошондой эле жаңы караштуулугу боюнча министрликке же ведомствого беришет. Консолидациялоодо уюмдун жаңы караштуулугу боюнча отчеттуулугу киргизилет.

10. Отчеттуулук кагазда же электрондук документ түрүндө, электрондук сактагычта же байланыштын телекоммуникациялык каналдары аркылуу берүү жолу аркылуу, Кыргыз Республикасынын мамлекеттик сырларын коргоо маселелерин жөнгө салуучу Кыргыз Республикасынын мыйзамдарына ылайык сырларын коргоо маселелерин жөнгө салуучу маалыматтарды милдеттүү түрдө коргоону камсыз кылуу менен тапшырылат.

11. Отчеттук мезгил болуп 1-январдан тартып 31-декабрды кошо алгандагы календардык жыл эсептелет. Жаңы түзүлгөн уюмдар үчүн биринчи отчеттук жыл болуп Кыргыз Республикасынын мыйзамдарында белгиленген тартипте алар катталган күндөн тартып алар түзүлгөн жылдын 31-декабрына чейинки мезгил эсептелет.

12. Отчет берүүчү уюмдун отчет берүү мөөнөттөрү Финансы министрлиги тарабынан бекитилет.

13. Жыл сайын, Финансы министрлиги отчет берүүнүн бекитилген графигин отчет берүүчү уюмга (анын ичинде Финансы министрлигинин тиешелүү бөлүмдөрүнө) жеткирет.

14. Мамлекеттик бюджеттин аткарылышы жөнүндө отчетту даярдоонун жана Кыргыз Республикасынын Министрлер Кабинетине жана Кыргыз Республикасынын Жогорку Кеңешине берүүнүн мөөнөтү бюджеттик укук маселелерин жөнгө салуучу Кыргыз Республикасынын мыйзамдары менен аныкталат.

3-глава. Финансылык отчеттуулук

§1. Финансылык отчеттуулуктун компоненттери

15. Финансылык отчеттуулук өзүнө төмөнкү компоненттерди камтыйт:

1) Өздүк отчеттор:

-     Д1 формасы. мамлекеттик башкаруу секторунун отчеттук датага карата мамлекеттик (жергиликтүү, республикалык) бюджеттин каражаттары боюнча балансы (1–тиркеме);

-     Д2 формасы. Негизги каражаттардын отчеттук мезгил ичиндеги кыймылы (2–тиркеме);

-     Д3 формасы. Запастардын отчеттук мезгил ичиндеги кыймылы (3–тиркеме);

-     Д4 формасы. Баалуулуктардын отчеттук мезгил ичиндеги кыймылы (4-тиркеме);

-     Д5 формасы. Өндүрүлбөгөн активдердин отчеттук мезгил ичиндеги кыймылы (5-тиркеме);

-     Д6 формасы. Отчеттук мезгил ичиндеги валюталардын жана депозиттердин кыймылы (6-тиркеме);

-     Д7 формасы. Акциялардан башка баалуу кагаздардын отчеттук мезгил ичиндеги кыймылы (7-тиркеме);

-     Д8 формасы. Отчеттук мезгил ичиндеги кредиттердин, ссудалардын жана зайымдардын кыймылы (8–тиркеме);

-     Д9 формасы. Акциялардын жана капиталга катышуунун башка формаларынын отчеттук мезгил ичиндеги кыймылы (9-тиркеме);

-     Д10 формасы. Башка дебитордук карыздардын отчеттук мезгил ичиндеги кыймылы (10-тиркеме);

-     Д11 формасы. Чыгарылган баалуу кагаздардын отчеттук мезгил ичиндеги кыймылы (11-тиркеме);

-     Д12 формасы. Карыз алуулардын отчеттук мезгил ичиндеги кыймылы (12-тиркеме);

-     Д13 формасы. Башка милдеттенмелердин отчеттук мезгил ичиндеги кыймылы (13-тиркеме);

-     Д14 Формасы. Таза активдердин отчеттук мезгил ичиндеги кыймылы (14-тиркеме).

2) Финансылык отчеттуулукка карата эскертүүлөр:

-     финансылык отчеттуулугу консолидацияланган бюджеттик каражаттарды алуучулардын саны (ведомстволук жана аймактык бөлүмдөр) ошондой эле отчеттук мезгилден кийинки айдын башына карата бухгалтердик кызматтардын кызматкерлеринин штаттык саны жөнүндө маалымат камтылат (15 тиркеме);

-     инвентаризация жүргүзүү жөнүндө маалыматтар (16-тиркеме);

-     запастар жөнүндө маалыматтар (17-тиркеме);

-     запастар жөнүндө маалыматтар (17.1-тиркеме);

-     Кыргыз Республикасынын Казыналык системасындагы эсептердеги акча каражаттар калдыгы жана кыймылы тууралуу маалымат (19-тиркеме);

-     Калыбына келтирилген кассалык чыгымдар жөнүндө маалымат (19.1-тиркеме);

-     мекеменин кассасындагы накталай акча каражаттарынын калдыктары тууралуу маалымат (19.2-тиркеме);

-     акча каражаттарынын жана материалдык баалуулуктардын кем чыгуулары жана уурдалышы жөнүндө маалымат (20-тиркеме);

-     дебитордук жана кредитордук карыздар боюнча маалымат (21-тиркеме);

-     кызматкерлердин башка дебитордук жана кредитордук карыздары боюнча маалымат (22-тиркеме);

-     отчеттук мезгил аяктоосунда эсептерди жабуу боюнча маалымкат (23-тиркеме);

-     мамлекеттик башкаруу секторунун башка бирдигине алынган жана өткөрүлүп берилген активдер жана милдеттенмелер жөнүндө маалымкат (24-тиркеме);

-     бюджеттен тышкаркы уюмдун алынган жана өткөрүлүп берилген активдери жана милдеттенмелери жөнүндө маалымкат (24.1-тиркеме);

-     Борбордук казыналык тарабынан жүргүзүлгөн тикелей чыгым операциялары жөнүндө маалымкат (25-тиркеме).

§2. Финансылык отчеттуулукту даярдоо тартиби

16. Бюджеттик мекемелер ушул Жобонун 15–пунктунда көрсөтүлгөн финансылык отчеттуулуктун бардык компоненттерин 30-июнга, 30-сентябрга жана 31-декабрга  карата, каржылоо булактары боюнча, сом менен түзүшөт.

17. Бюджеттик мекемелердин финансылык отчеттуулугу тастыктоочу документтер менен ырасталган бухгалтердик жазуулардын негизинде түзүлөт. Финансылык отчеттуулук түзүлгөнгө чейин аналитикалык эсептер боюнча жүгүртүүлөрдү жана калдыктарды синтетикалык эсепке алуу эсептери боюнча жүгүртүүлөр жана калдыктар менен салыштырып текшерүү, дебиторлор, кредиторлор жана башка милдеттенмелер боюнча эсептешүүлөрдү салыштыруу жүргүзүлөт.

18. Финансылык отчеттуулук отчеттук мезгилге тиешелүү бардык операцияларды жана учурларды эске алуу менен, анын ичинде эгерде мындай түзөтүүлөр финансылык отчетту даярдоо эрежелерине каршы келбесе, кийинки түзөтүүчү окуяларды эске алуу менен түзүлөт.

19. Финансылык отчеттун маалыматтары инвентаризациянын маалыматтарына негизделет. Инвентаризациялоодо аныкталган материалдык баалуулуктардын иш жүзүндөгү калдыктары менен бухгалтердик эсептин маалыматтары боюнча калдыктардын ортосундагы айырмачылыктар бухгалтердик эсепте тийиштүү түрдө чагылдырылат.

20. Беренелер, аталыштар, аралык суммалар финансылык отчеттуулукта маалыматты адилеттүү жана көрсөтмө түрдө ачуу үчүн берилет.

21.Финансылык  отчеттор отчеттук жана салыштырмалуу мезгил боюнча маалыматтарды камтыйт. Биринчи жолу даярдалган отчеттуулук үчүн салыштырмалуу маалыматтарды берүү талап кылынбайт.

22. Финансылык отчеттуулукта ачыкталган маалыматтарга түшүнүктүүлүк, орундуулук жана ишенимдүүлүк талаптары коюлат. Мамлекеттик финансы жаатында керектүү билим деңгээлине жана тажрыйбага ээ болгон колдонуучулар анын маанисин түшүнө алса, маалымат түшүнүктүү деп эсептелет. Эгерде маалымат өткөн, учурдагы же келечектеги окуяларды баалоодо колдонулса жана өз убагында жана маанилүүлүгүнө жараша болсо, орундуу болуп саналат. Маалымат объективдүү, бейтарап жана толук болгондо ишенимдүү болуп эсептелет.

23.      Финансылык отчеттордогу ар бир берене Эскертүүлөрдө камтылган ошол беренелерге тиешелүү болгон бардык маалыматтарга кайчылаш шилтемени камтыйт. Эскертүү колдонуучуларга өздүк отчетторунун мазмунун жакшыраак түшүнүүгө жардам берүү үчүн кеңири комментарийлер менен коштолот.

§3. Финансылык отчеттуулукту берүүнүн тартиби

24. Финансы министрлигинин бардык уюмдары, ошондой эле тиешелүү бөлүмдөрү бекитилген графикке ылайык финансылык отчеттуулукту өз убагында, толук көлөмдө жана талап кылынган форматта берүүгө милдеттүү.

26. Уюмдун жогору турган органдарга жана Финансы министрлигине берилген финансылык отчеттуулугу атайын журналда катталат.

§4. Финансылык отчеттуулукту консолидациялоо

     26. Финансылык отчеттуулукту консолидациялоо мамлекеттик башкаруу секторунун финансылык отчеттуулугун даярдоо максатында мекемелердин финансылык отчетторунда камтылган маалыматтарды бириктирүү процессин билдирет.

     27. Финансылык отчеттуулукту консолидациялоо төмөнкүдөй ишке ашырылат:

-     бир аталыштагы көрсөткүчтөрдү (беренелерди) суммалоо жолу менен,  биргелешкен отчеттуулукту даярдоодо уюмдардын ортосундагы активдердин (финансылык, финансылык эмес) жана милдеттенмелердин кыймылы боюнча өз ара операциялар (ички эсептешүүлөр) алып салынат. Эскертүүлөр ушул сыяктуу  түзүлөт;

-     Окшош операцияларга жана учурларга карата бекитилген бухгалтердик эсепти жүргүзүүнүн бирдиктүү тартибин белгилөөчү ченемдик укуктук актылар колдонулат, эгер бул мүмкүн болбосо, анда факт Эскертүүлөрдө ачыкталып көрсөтүлөт.

     28. Уюмдардын финансылык отчеттуулугунун маалыматтары бир эле отчеттук датага бириктирилет.

     29. Консолидацияланган финансылык отчеттуулукту түзүлөт  жана Финансы министрлигине берилет:

     - ведомстволук бюджеттик мекемелери берген финансылык отчеттуулуктун негизинде республикалык бюджетте турган жогору турган органдар тарабынан;

     - жергиликтүү бюджеттерде турган бюджеттик мекемелер берген отчеттордун негизинде финансылык органдар тарабынан жүзөгө ашырылат.

     30. Финансы министрлигинин ыйгарым укуктуу түзүмдүк бөлүмү (мындан ары-Ыйгарым укуктуу бөлүм):

     - отчет берүүчү уюмдар, финансылык органдар, Финансы министрлигинин түзүмдүк бөлүмдөрү берген финансылык отчеттуулуктун негизинде консолидацияланган финансылык отчеттуулукту түзөт;

     - уюмдардын бардык өздүк отчетторунда салыштырма мезгилдин маалыматтарын чагылдыруунун тууралыгын аларды өткөн жылдын финансылык отчеттуулугу менен салыштыруу жолу менен жана беренелер боюнча суммаларды кошуунун арифметикалык жактан тактыгын текшерет. Каталар табылган учурда туура суммалар уюмдар менен макулдашылат;

   - уюмдар тарабынан берилген отчеттордун маалыматтарын казыналыкта болгон ар бир уюм боюнча маалыматтар менен салыштырат. Четтөөлөр болгон учурда туура суммалар уюмдар менен макулдашылат;

   - уюмдун финансылык отчеттуулугун даярдоодо ведомстволук ички операцияларды алып салуунун тууралыгын текшерет.

   31. Финансылык отчеттуулукту консолидациялоодо бюджеттик каражаттардын башкы тескөөчүлөрү жана Финансы министрлиги:

  - Финансы министрлигинин финансылык отчеттуулукту берүүчү уюмдарынын жана түзүмдүк бөлүмдөрүнүн тизмесин аныктайт;

   - финансылык отчеттуулукту берүү графигин иштеп чыгат, макулдашат жана анын аткарылышын контролдойт;

  - уюмдардан алынган финансылык отчеттуулуктун толуктугун, арифметикалык тактыгын жана карама-каршы маалыматтарды камтыбагандыгын текшерет;

   - зарылдык болгон учурда, алгач графикте көрсөтүлбөгөн кошумча маалыматты сурайт;

   - отчетторду даярдоодо аларды өз ара жоюу максатында мамлекеттик башкаруу секторунун ичиндеги операциялар жөнүндө маалыматтарды топтойт жана идентификациялайт;

   - активдер, милдеттенмелер, ошондой эле чегерилген кирешелер жана чыгымдар  боюнча финансылык отчеттуулукту ачыктоодо  бухгалтердик эсеп чөйрөсүндөгү мыйзамдарын колдонуунун тууралыгын текшерет;

   - финансылык отчеттуулуктун ар кандай беренелеринин же акча менен акчалай эмес көрсөткүчтөрдүн ортосундагы карама-каршы келбестикке карата өз ара байланыштарын ("байланыштыруу") аныктоо үчүн аналитикалык жол-жоболорду жүзөгө ашырат;

   - уюмдардан алынган маалыматты бюджеттин аткарылышы боюнча маалыматтар базасы менен салыштырат. Айырмачылыктар болгон учурда бюджеттик мекемелер менен бирге мындай айырмачылыктардын себептерин тактайт;

   - консолидацияланган финансылык отчеттуулуктун долбоорун бардык кызыкдар тараптар менен макулдашат жана макулдашылган финансылык отчеттуулукту жетекчиликтин бекитүүсүнө берет;

   - башындагы акча калдыгына отчеттук мезгил ичинде акча каражаттарынын таза өзгөрүү наркын кошуу жолу менен мезгилдин башталышына карата акча каражаттарынын калдыктарын мезгилдин акырына карата акча каражаттарынын калдыктары менен макулдашат (башындагы калдык + бардык акча түшүүлөрү - бардык төлөмдөр = акырына карата калдык);

   - бюджеттик мекемелер тарабынан берилген калдыктар боюнча маалыматтарды коммерциялык банктарда ачылган ар бир банктык эсепке карата банктык көчүрмөлөрдүн маалыматтары менен салыштырат. Четтөөлөр табылганда, банктык көчүрмөлөрдүн маалыматтары артыкчылыкка ээ болот;

   - бардык бюджеттик мекемелерге карата финансылык отчеттордун беренелерди саптан-сапка кошууну жүргүзөт. Ведомстволор аралык операциялар менен байланышкан акчалай түшүүлөрдүн жана төлөөлөрдүн суммалары, ошондой эле кошуп эсептөө боюнча суммалар алынып салынат;

   - өткөн отчеттук мезгилдин бекитилген жалпы багыттагы финансылык отчетторунан салыштырма мезгилдин маалыматтарын көчүрүп алат. Эгерде отчеттук мезгилде өткөн жылдын отчеттуулугуна салыштырмалуу беренелерди классификациялоодо же берүүдө өзгөрүүлөр болсо, салыштырма маалымат тиешелүү түрдө кайра эсептелет, ал эми классификациялоодогу жана беренелерди берүүдөгү өзгөрүүлөрдүн себептери Эскертүүлөрдө баяндалат. Өткөн жылдын финансылык отчетунан мезгилдин акырына карата акча каражаттарынын калдыктары отчеттук мезгилдин башындагы акча каражаттарынын кириш калдыктары менен салыштырылат;  

   - башка активдердин, башка милдеттенмелердин, башка кирешелердин, башка чыгымдардын, башка түшүүлөрдүн же олуттуу сумма (отчеттук мезгил үчүн төлөмдөрдүн жалпы суммасынын 10% дан ашыгы) чагылдырылган башка төлөмдөрдүн беренелерин ушул беренеден өз алдынча линиялык беренени бөлүү же сумманын бир бөлүгүн башка линиялык беренеге кайра классификациялоо зарылдыгына карата талдоо жүргүзөт;

     - акча каражаттарынын кыймылы жөнүндө отчеттун жана финансылык жыйынтыктар жөнүндө отчеттун эмгек үчүн акы төлөөгө байланыштуу беренелерин кызматчылардын орточо саны жана кызматкерлердин категориялары боюнча эмгек акынын орточо көлөмү жөнүндө маалыматтар менен карама-каршы келбестигине  талдоо жүргүзөт. Эгерде мындай аналитикалык жол-жобону жүргүзүүнүн жүрүшүндө олуттуу четтөөлөр аныкталса, ыйгарым укуктуу бөлүм бюджеттик мекемелерден түшүндүрмөлөрдү берүүнү суранат.

§5. Финансылык отчеттуулуктун эскертүүсүндөгү маалыматтарды ачыктап көрсөтүүнүн тартиби

32. Финансылык отчеттуулуктун эскертүүлөрү иреттүү түрдө берилет.

33.      Мекемелердин финансылык отчеттуулугунун эскертүүсүндө төмөнкү маалыматтар ачыкталат:

- бюджеттик каражаттарды алуучулардын сандык курамы (ведомстволук жана аймактык бөлүмдөр) жана бухгалтердик кызматтардын кызматкерлеринин штаттык саны жөнүндө жалпыланган маалыматтар;

- отчеттук мезгилде жүргүзүлгөн мүлктү жана милдеттенмелерди инвентаризациялоолордун аныкталган айырмачылыктар бөлүгүндөгү жыйынтыктары жөнүндө. Инвентаризациялоону жүргүзүүнүн себептери (жылдык финансылык отчеттуулукту түзүү, материалдык жооптуу адамдардын алмашуусу, мүлктү уурдоо, кыянаттык менен пайдалануу же бузуу фактыларын аныктоо, инвентаризациялоону талап кылган өзгөчө кырдаалдар, бюджеттик мекемени кайра уюштуруу же жоюу жана Кыргыз Республикасынын мыйзамдарында каралган башка учурлар) көрсөтүлөт, инвентаризациялоо жүргүзүү датасы жана инвентаризациялоо жүргүзүү жөнүндө буйруктун реквизиттери;

- чийки зат жана материал түрүндөгү запастардын калдыктары, келип түшүүсү жана сарпталышы тууралуу;

- Кыргыз Республикасынын Казыналык системасында ачылган казыналык эсептердеги акча каражаттарынын калдыгы, келип түшүүсү жана чыгымдалышы тууралуу. Чет өлкө валютасындагы акча каражатынын калдыгы, келип түшүшү жана чыгымдалышы тууралуу маалыматтар отчеттук датага карата Кыргыз Республикасынын Улуттук банкы тарабынан белгиленген курс боюнча сомдук эквивалентте чагылдырылат. Министрликтер, ведомстволор жана финансы органдары тарабынан берилген Кыргыз Республикасынын Казыналык системасындагы эсептердеги акча каражаттарынын кыймылы жөнүндө маалыматтарда чагылдырылган көрсөткүчтөр салыштырылып жана аймактык башкармалык тарабынан күбөлөндүрүлүүгө тийиш;

- казыналык эсептердеги калыбына келтирилген кассалык чыгымдар жөнүндө: акча каражаттарынын түшүүсү жана чыгымдалышы;

- уюмдардын кассасындагы накталай акча каражаттарынын калдыктары жөнүндө. Чет өлкө валютасындагы акча каражаттарынын калдыктары жөнүндө маалыматтар отчеттук датага карата Кыргыз Республикасынын Улуттук банкы тарабынан белгиленген курс боюнча сомдук эквивалентте чагылдырылат;

- “Кем чыгуу, уурдоолор, негизсиз пайдалануу” элементи боюнча жазуулардын негизинде мүлктүн кем чыгууларынын жана уурдалган мүлктүн көлөмү жөнүндө;

- эсептешүүлөрдүн түрлөрү боюнча дебитордук жана кредитордук карыздар боюнча эсептешүүлөрдүн абалы жөнүндө. Дебитордук жана кредитордук карыздар боюнча маалыматтар дебитордук жана кредитордук карыздар боюнча өз-өзүнчө түзүлөт;

- кызматчылардын дебитордук жана кредитордук карыздары боюнча эсептешүүлөрдүн абалы жөнүндө;

- бюджеттик каражаттар жана казыналыктын атайын жана депозиттик эсептериндеги каражаттар боюнча отчеттук мезгил аяктагандан кийин белгиленген тартипте жабылууга тийиш болгон элементтер боюнча;

-  бюджеттик каражаттар жана казыналыктын атайын жана депозиттик эсептериндеги каражаттар боюнча алынган жана мамлекеттик башкаруу секторунун башка бирдигине/бюджеттен тышкаркы уюмга өткөрүлүп берилген активдер жана милдеттенмелер жөнүндө. Өткөрүлүп берилген жана алынган негизги каражаттар баштапкы наркы боюнча көрсөтүлөт, ошондой эле тиешелүү код боюнча топтолгон амортизация өзүнчө сап менен көрсөтүлөт;

- Борбордук казыналык тарабынан жүргүзүлгөн тикелей операциялар боюнча;

- отчеттук жылдын ичинде жаңыдан түзүлгөн, жоюлган, кайра уюшулган мекемелер жөнүндө маалыматты;

- чет мамлекеттердин өкмөттөрү жана эл аралык финансы институттары менен Кыргыз Республикасынын кредиттик жана гранттык макулдашууларынын толук тизмесин - макулдашуунун реквизиттерин, кредитордун же грант берүүчүнүн толук аталышын, макулдашуунун жарамдуулук мөөнөтүн, макулдашуунун валютасындагы жалпы сумманы, пайыздык ченди, бул кредит же грант берилген максаттарды, кредит боюнча күрөөлүк камсыздоону, отчеттук мезгилде тындырылууга тийиш болгон карыздын негизги суммасын жана өзүнчө пайыздарын көрсөтүү менен;

 - отчеттук мезгилдин башына карата карыздын негизги суммасынын жана пайыздардын калдыгы, отчеттук мезгилде алынган кредиттин суммасы, отчеттук мезгилде тындырылган карыздын негизги суммасы (акча каражаттары менен жана реструктуризациялоонун натыйжасында эсептен чыгарылгандарын өзүнчө) жана отчеттук мезгилдин акырына карата карыздын негизги суммасынын жана пайыздардын калдыгы боюнча ар бир кредиттик макулдашуу боюнча маалымат;

 - кредиттердин негизги суммасына карата мөөнөтүнөн кечиктирүүлөр жана пайыздары боюнча, ошондой эле кредиттерди реструктуризациялоого карата маалымат;

 - отчеттук мезгилде алынган гранттын суммасы (гранттын валютасында жана отчеттуулуктун валютасында) боюнча ар бир гранттык макулдашууга карата маалымат;

 - мамлекеттик сыр болуп саналган жана Кыргыз Республикасынын мамлекеттик сырларын коргоо маселелерин жөнгө салуучу чектөөлөргө байланыштуу ачылышы мүмкүн болбогон маалымат (тексттик же сандык) эскертүүлөрдө ачыкталбайт.

Эскертүүлөрдө мамлекеттик сыр болуп саналган жана Кыргыз Республикасынын мамлекеттик сырларын коргоо маселелерин жөнгө салуучу чектөөлөргө байланыштуу ачылышы мүмкүн болбогон маалымат (тексттик же сандык) ачылбайт.

34.      Эскертүүлөрдөгү маалыматтарды ачыктоодо бюджеттик каражаттардын башкы тескөөчүлөрү жана Финансы министрлиги баяндоонун маанилүүлүк, ылайыктуулук, толуктук, айкындуулук, байланыштуулук, ырааттуулук жана кыска болуу принциптерин карманат. Мекемелер боюнча маалыматты ачыктоодо маалымат суммасы жалпы ачыкталуучу сумманын 20% дан кем эмесин түзгөн мекемеге карата гана өзүнчө ачыктап көрсөтүлөт;

35. Эскертүүлөрдө ар бир баракта анын номери, бөлүмдөрдүн, отчеттук мезгилдин, өлчөө бирдиктеринин өтмө аталышы милдеттүү түрдө көрсөтүлөт. Өздүк отчеттордо жана финансылык отчеттуулукка эскертүүлөрдө төлөөнү же чыгымдоону билдирген бардык суммалар тегерек кашаада көрсөтүлөт.

4-глава. Мамлекеттик бюджеттин аткарылышы жөнүндө отчеттуулук

§1. Мамлекеттик бюджеттин аткарылышы жөнүндө отчеттуулуктун компоненттери

   36. Уюм тарабынан даярдалган бюджеттин аткарылышы жөнүндө отчет өзүнө мамлекеттик (жергиликтүү, республикалык) бюджеттин аткарылышы жөнүндө төмөнкү отчетторду камтыйт:

   - А5 формасы “Жергиликтүү, республикалык бюджетте турган мекеменин бюджеттик, атайын каражаттары боюнча сметасынын аткарылышы жөнүндө отчет” (25–тиркеме).

     37. Финансы министрлиги тарабынан даярдалган Кыргыз Республикасынын мамлекеттик бюджетинин аткарылышы жөнүндө отчет өзүнө жергиликтүү жана республикалык бюджеттин аткарылышы жөнүндө отчетторду, ошондой эле төмөнкү топтор боюнча кошумча маалыматтарды ачыктап көрсөтүүнү камтыйт:

   1) Өздүк отчеттор:

- 6-форма “Кыргыз Республикасынын мамлекеттик (жергиликтүү, республикалык) бюджетинин аткарылышы жөнүндө отчет” (26-тиркеме);

-Кыргыз Республикасынын мамлекеттик (жергиликтүү, республикалык) бюджетин аткаруу боюнча отчетко эскертүүлөр.

   2) Кыргыз Республикасынын мамлекеттик (жергиликтүү, республикалык) бюджетинин аткарылышы жөнүндө отчетко эскертүүлөр төмөнкүлөрдү камтыйт:

- А тобу. Экономикалык классификация:

- А1 формасы “Кыргыз Республикасынын мамлекеттик (жергиликтүү, республикалык) бюджетинин бюджеттик атайын каражаттар боюнча аткарылышы жөнүндө отчет”, 6-формага окшош;

- А2 формасы "Кыргыз Республикасынын мамлекеттик (жергиликтүү, республикалык) бюджетинин кирешелер, чыгымдар, активдер жана милдеттенмелер менен операциялар категориялары боюнча бюджеттик атайын каражаттар боюнча аткарылышы жөнүндө отчет" (27-тиркеме), ЭБПнын экономикалык классификациясынын беренелери боюнча ачыкталат;

     - А2.1 формасы “Кыргыз Республикасынын республикалык бюджетинин аткарылышы жөнүндө отчет” (27.1 тиркемеси);

    - А2.2 формасы “Кыргыз Республикасынын мамлекеттик бюджетинин аткарылышы жөнүндө отчет” (27.2 тиркемеси);

-                   А2.3 формасы “Жергиликтүү бюджеттин аткарылышы жөнүндө отчет” (27.3 тиркемеси);

-                   А2.4 формасы “Кыргыз Республикасынын жергиликтүү бюджеттеринин резервдик фонддорунун жана максаттуу каражаттарынын эсебинен чыгымдарга багытталган суммалар жөнүндө отчет” (27.4 тиркемеси)

-     А3 формасы “Тартыштыкты жабуу булактары” (28-тиркеме);

- А4 формасы “Кыргыз Республикасынын мамлекеттик (жергиликтүү, республикалык) бюджетинин иш жүзүндөгү кассалык кирешелери, чыгымдары жана активдер жана милдеттенмелер менен операциялары жөнүндө отчет”, кассалык аткаруу бөлүгүндөгү 6-формага окшош.

-     Б тобу. Функционалдык классификация:

-     Б1 формасы “Кыргыз Республикасынын мамлекеттик (жергиликтүү, республикалык) бюджетинин функционалдык классификация боюнча бюджеттик атайын каражаттар боюнча аткарылышы жөнүндө отчет” (29-тиркеме), ЭБПнын функционалдык классификациясынын функциялары боюнча ачыкталып берилет;

-     Б2 формасы “Кыргыз Республикасынын мамлекеттик (жергиликтүү, республикалык) бюджетинин функционалдык классификациянын Жалпы багыттагы мамлекеттик кызматтар; Коргоо; Коомдук тартип жана коопсуздук; Экономикалык маселелер; Айлана-чөйрөнү коргоо; Турак жай жана коммуналдык кызмат көрсөтүүлөр; Саламаттыкты сактоо; Эс алуу, маданият жана дин; Билим берүү; Социалдык коргоо конкреттүү бөлүктөрүнө карата бюджеттик атайын каражаттар боюнча чыгымдар жана финансылык эмес активдер менен операциялар боюнча аткарылышы жөнүндө отчет” (30-тиркеме), ЭБПнын экономикалык классификациясынын беренелери боюнча ачыкталып берилет;

-     Б3 формасы “Кыргыз Республикасынын мамлекеттик (жергиликтүү, республикалык) бюджетинин функционалдык классификациянын бөлүмдөрү боюнча бюджеттик атайын каражаттар боюнча иш жүзүндөгү кассалык чыгымдары жөнүндө отчет”, кассалык аткаруу бөлүгүндө Б1 формасына окшош, ЭБПнын функционалдык классификациясынын негизги бөлүмдөрү боюнча ачыкталат;

-     Б4 формасы “Кыргыз Республикасынын мамлекеттик бюджетинин аткарылышы жөнүндө отчет” (30.1 тиркемеси).

-     В тобу. Ведомстволук классификация:

-     В1 формасы “Кыргыз Республикасынын республикалык бюджетинин ведомстволук классификация боюнча бюджеттик атайын каражаттар боюнча отчеттук жыл үчүн аткарылышы жөнүндө отчет” (31-тиркеме);

-     В2 формасы “Кыргыз Республикасынын республикалык бюджетинин ведомстволук жана экономикалык классификация боюнча кирешелердин жана чыгымдардын категориялары боюнча бюджеттик атайын каражаттар боюнча отчеттук жыл үчүн аткарылышы жөнүндө отчет" ЭБПнын экономикалык классификациясынын беренелери боюнча ачыкталат (32-тиркеме);

-     Г тобу. Регионалдык классификация:

-     Г1 формасы “Кыргыз Республикасынын мамлекеттик (жергиликтүү, республикалык) бюджетинин административдик-аймактык бөлүү боюнча бюджеттик атайын каражаттар боюнча отчеттук жыл үчүн аткарылышы жөнүндө отчет" (33-тиркеме);

-     Г2 формасы “Кыргыз Республикасынын республикалык бюджетинин жергиликтүү бюджеттерге которулган теңдештирүүчү гранттар, категориялык гранттар, өз ара эсептешүүлөр боюнча берилүүчү каражаттар, бюджеттик ссудалар боюнча отчеттук жыл үчүн аткарылышы жөнүндө отчет" (34-тиркеме);

-     Д тобу. Финансылык абал:

-     Д 1-14 формасы “Мамлекеттик башкаруу секторунун мамлекеттик (жергиликтүү, республикалык) бюджеттин каражаттары боюнча отчеттук датага карата балансы (1-14 тиркемеси);

-     Д15 формасы. Кыргыз Республикасынын отчеттук датага карата тышкы карызы жөнүндө экономикалык классификация боюнча отчет (35-тиркеме);

-     Д16 формасы. Кыргыз Республикасынын отчеттук датага карата мөөнөтү өтүп кеткен төлөмдөр боюнча тышкы карызы жөнүндө отчет (36-тиркеме);

-     Д17 формасы. Кыргыз Республикасынын отчеттук датага карата мамлекеттик карызынын структурасы жөнүндө отчет (37-тиркеме);

-     Д18 формасы. Кыргыз Республикасынын отчеттук датага карата ички карызы жөнүндө экономикалык классификация боюнча отчет (38-тиркеме);

-     Д19 формасы. Кыргыз Республикасынын мамлекеттик (жергиликтүү, республикалык) бюджетинин отчеттук мезгил үчүн акча каражаттарынын кыймылы жөнүндө каржылоо булактары боюнча отчет (39-тиркеме);

-     Д20 формасы. Кыргыз Республикасынын тышкы карыз алуулары жөнүндө отчет (40-тиркеме);

§2. Мамлекеттик бюджеттин аткарылышы жөнүндө отчеттуулукту берүүгө карата жалпы талаптар

38. Мекемелер ушул Жобонун 40-пунктунда көрсөтүлгөн отчеттуулуктун компоненттерин кварталдык жана жылдык негизде сом менен түзүшөт жана Финансы министрлигине беришет.

39. Финансы министрлиги ушул Жобонун 41-пунктунда көрсөтүлгөн отчеттуулуктун компоненттерин жылдык негизде,  ошондой эле 6, А1, А2, А3 жана Б2 формаларын ар айлык негизде, сом менен түзөт.

40. Республикалык бюджетте турган бюджеттик каражаттардын башкы тескөөчүлөрү мекемелер берген отчеттуулуктун негизинде консолидацияланган отчетту түзүшөт жана аны белгиленген мөөнөттө Финансы министрлигине беришет.

41. Финансы органдары жергиликтүү бюджеттерде турган мекемелер берген отчеттордун негизинде консолидацияланган отчеттуулукту түзүшөт жана аны белгиленген мөөнөттө Финансы министрлигине беришет.

§3. Мамлекеттик бюджеттин аткарылышы жөнүндө отчеттуулукка карата эскертүүлөрдө ачыктап көрсөтүү

     42. Эскертүүлөрдүн негизги максаты отчеттук жылда Кыргыз Республикасынын мамлекеттик бюджеттик-финансылык саясатынын иш жүзүндө ишке ашырылышын баалоо мүмкүнчүлүгүн отчеттуулукту пайдалануучуларга берүү үчүн мамлекеттик финансыны башкаруу чөйрөсүндөгү бардык зарыл маалыматтарды ачыктап берүү болуп саналат.

     43. Мамлекеттик бюджеттин аткарылышы жөнүндө отчеттуулукка эскертүүлөрдүн структурасы төмөнкү бөлүмдөрдү камтыйт:

-       отчеттук датага карата Кыргыз Республикасындагы макроэкономикалык кырдаалды жана анын отчеттук мезгилдеги өзгөрүүлөрүн баяндоо;

жергиликтүү жана республикалык бюджеттердин киреше бөлүгүнүн аткарылышына жана олуттуу четтөөлөрүнүн себептерине жалпы талдоо жүргүзүү;

- экономикалык, функционалдык, ведомстволук жана регионалдык классификация боюнча жергиликтүү жана республикалык бюджеттердин чыгымдоо бөлүгүнүн аткарылышына жана олуттуу четтөөлөрүнүн себептерине жалпы талдоо жүргүзүү.

     44. Эскертүүлөр макроэкономикалык кырдаалды жана анын жыл ичиндеги өзгөрүшүн баяндоону камтыйт. Эскертүүлөрдө ачыкталган макроэкономикалык кырдаалдын маанилүү мүнөздөмөлөрү болуп ички дүң продуктунун, инфляциянын, калктын иш менен камсыз болушунун, эмгек миграциясынын, орточо эмгек акынын, сатып алуу жөндөмүнүн, кредиттер боюнча пайыздык чендердин, инвестициялык активдүүлүктүн, тышкы экономикалык иштин, эл аралык донордук коомчулуктун ишинин көрсөткүчтөрү саналат.

     45.  Бюджеттин киреше бөлүгүнүн аткарылышын талдоо, башка нерселерден тышкары, экономиканын тармактары боюнча жана салыктардын түрлөрү боюнча бюджетке салыктык жана башка милдеттүү түшүүлөрдү түшүүсүн талдоону камтыйт. Мындай талдоонун максаты, экономиканын ар бир олуттуу тармагы боюнча отчеттук жылдын пландаштырылган көрсөткүчтөрүнө жана өткөн жылдын иш жүзүндөгү суммаларына салыштырмалуу бюджетке түшүүлөрдүн көбөйүшүнүн же азайышынын себептерин ачыктоо.  Эскертүүлөр кирешенин азайышынын же көбөйүшүнүн фактысын билдирүү менен гана чектелбестен, мындай өзгөрүүлөрдүн себептерин ачууга багытталган. Салыктык кирешелер боюнча Эскертүүлөрдө ошондой эле ар бир ачыкталган берене боюнча салык төлөөчүлөрдүн саны жөнүндө маалыматтар берилет.

46. Мамлекеттик бюджеттин чыгымдары Эскертүүлөрдө төмөнкү 5 бөлүм боюнча баяндалат:

- “Экономикалык классификация боюнча мамлекеттик бюджеттин чыгымдары”;

- “Функциялык классификация боюнча мамлекеттик бюджеттин чыгымдары”;

- “Ведомстволук классификация боюнча республикалык бюджеттин чыгымдары”;

- “Регионалдык классификация боюнча мамлекеттик бюджеттин чыгымдары”;

- “Мамлекеттик башкаруу секторунун мекемелеринин финансылык абалы”.

47. Эскертүүлөрдө ачыкталып берилген таблицалардагы беренелер Эсептердин бирдиктүү планынын категорияларынын, беренелеринин (элементтеринин) тартибинде берилет.

48. Эскертүүлөрдө ар бир таблица боюнча ар кандай олуттуу беренеге карата бекитилген жана такталган пландын ортосундагы олуттуу четтөөлөр, ошондой эле такталган план менен иш жүзүндөгү кассалык чыгымдардын ортосундагы олуттуу четтөөлөрдүн себептери жөнүндө маалыматтар ачыкталат. Четтөөлөрдүн себептери жөнүндө маалыматты ачыктап көрсөтүү максаттары үчүн олуттуу болуп отчеттук мезгил ичинде бул таблицадагы чыгымдардын (кирешелердин) жыйынтык суммасынын 5% ашкан чыгымдар (кирешелер) беренеси эсептелет. Такталган пландын бекитилген пландан же иш жүзүндөгү кассалык чыгымдардын такталган пландан өтө олуттуу четтөөсү болуп бекитилген же такталган планга карата тиешелүү түрдө 10% га барабар жана андан ашык сумма эсептелет.

§5. Башкаруу отчеттуулугу

49.      Финансы министрлиги контролдоо максатында бюджеттик мекемелерден жана Финансы министрлигинин түзүмдүк бөлүмдөрүнөн кошумча маалыматтарды жана отчетторду сурап алууга укуктуу. Берүүнүн форматы, мөөнөтү жана тартиби Финансы министрлигинин ыйгарым укуктуу түзүмдүк бөлүмү тарабынан аныкталат.

50. Уюмдар ай сайын аймактык башкармалыктарга (мындан ары - АБ) А5 формасы боюнча отчетторду беришет, алар казыналыктын маалыматтары менен салыштырылат.

51. АБ ай сайын А5 формасына ылайык бюджеттердин аткарылышы жөнүндө  отчетторду түзүшөт.

1-тиркеме

Уюм:                                                                           ______________________________

Отчеттук дата:                                                           ______________________________

Отчеттук мезгил:                                                       ______________________________

Өлчөө бирдиги:                                                         _______________________________

Ведомстволук классификация:                               _______________________________                                                                                                   

Функционалдык классификация:                           _______________________________                                                                                                   

Д1 формасы. Мамлекеттик башкаруу секторунун мамлекеттик (жергиликтүү, республикалык) бюджеттин каражаттары боюнча отчеттук датага карата балансы

Уюмдун/түзүмдүк бөлүмдүн жетекчиси        

Бухгалтердик кызматтын жетекчиси/Башкы бухгалтер/Аткаруучу

Мамлекеттик башкаруу секторунун мамлекеттик (жергиликтүү, республикалык) бюджеттин каражаттары боюнча отчеттук датага карата балансынын беренелеринин сыпатталышы

 2-тиркеме

Д2  формасы. Негизги каражаттардын отчеттук мезгил ичинде кыймылы

Негизги каражаттардын отчеттук мезгил ичинде кыймылы боюнча

беренелердин сыпатталышы

                                                                                                                            3-тиркеме

Д3 формасы. Запастардын отчеттук мезгил ичиндеги кыймылы

Запастардын отчеттук мезгил ичиндеги кыймылы боюнча беренелердин сыпатталышы

 4-тиркеме

Д4 формасы. Баалуулуктардын отчеттук мезгил ичиндеги кыймылы

Баалуулуктардын отчеттук мезгил ичиндеги кыймылы боюнча беренелердин сыпатталышы

5-тиркеме

Д5 формасы. Өндүрүлбөгөн активдердин отчеттук мезгил ичиндеги кыймылы

Отчеттук мезгилдеги өндүрүлбөгөн активдердин кыймылы боюнча беренелердин сыпатталышы

                                                                                                                          6-тиркеме

Д6 формасы. Отчеттук мезгил ичиндеги валютанын жана депозиттердин кыймылы

Отчеттук мезгилдеги валюталардын жана депозиттердин кыймылы боюнча беренелердин сыпатталышы

7-тиркеме

Д7 формасы. Акциялардан башка баалуу кагаздардын отчеттук мезгил ичиндеги кыймылы